ممكن اعرف يا مصراويه الجهاز ده ايه

[ALMASRY2110]

زبون جاب ليا الجهاز ده وقاللي ده كان بيشغلوه على شاشه ال سي دي في الفندق وانا بصراحه اول مره اشوفه ومش عارف اشغلهوله ممكن تعرفوني الجهاز ده ايه وظايفه وبيشتغل ايه وبيشتغل ازاي

[ALMASRY2110]

يعني 59 مشاهده ولا يوجد اي رد ايه محدش عارف الجهاز ده ايه

[الشامى جروب]

يا فندم ابحث عنه بالاسم فى جوجال

[osamasaad]

ده يا اخى هوه بعينه جهاز **** علشان تشوف القنوات بتاعة الانترنت على تليفزيونك و الجهاز اللى فى الصورة ده اظن انه اسمه اى ستار تايوانى الصنع و الصين بتقلد منه لكن مشكلته انه يحتاج الى سرعة نت اكبر من 10 ميجا و مش هايشتغل تماما لكن الاجهزة المنتجة فى اوروبا تشتغل لغاية ميجا بس لكن لو نزلت السرعة تهنج و ده حصل معايا لكن الجهاز اللى معاك باين عليه فيه حاج كويسة لكن هل يتشغل وايرلس ياترى .. لو كده يبقى عظيم و دلوقتى تطلب بس فى قسم الشيرنج حد يعرف خدمة تليفيزيون الانترنيت تشترك فى واحدة من الباقات انا الجهاز اللى عندى اسهل من ده كتير و برمجته من لندن و باشوف عليه النشرات الاميريكية بتاعة الساعة اتنين و نص بالليل بس احيانا مش علطول و بيجيب لى التليفزيون البريطانى بى بى سى 1 و 2 و طبعا سكاى نيوز اتش دى و كل ده بلا مقابل لان واحد جابوه لى معاه من بره و قال لى جربه فقلت له خليه معايا و لما تيجى تانى بالسلامة ابقى خده منى و هو لسه ما جاش من بلجيكا لغاية دلوقتى ليه مش عارف مع انى طالب منه جهاز تانى ارخص من ده

و على فكرة دخلت كل عناوين القنوات لجهاز ايه زد بوكس اتش دي بريميوم اللى عندى مارضاش يفتح و لا قناة واحدة و لا بيقول لى مشفر او غيره شاشة سودا بس و الاشارة اكتر من تسعين بالمية مع انها جاية من الانترنيت و مش عارف ايه السبب لكن التانى اسهل منه بكتير لانه متخصص