فعلا جهاز ملعون وياريتنى سمعت الكلام من الاول

[خالد_البوب]

هذا الاكذوبه المسمى h3 جهاز فاشل والسبب الاتى فى الاول فرحت انه سنتان وصاروخ وعربى و100-100 تمام زى كل الناس تعالى بيع ياعم وشغل كله تمام الى جد بقه هو جهاز اشتغل اسبوع وكله تمام وقطع لينك مع النت يعنى ما بيحسش بالنت نهانئ وعلى كذا شبكه وايبهات يدوى نو كونكت ما فيس احساس بالنت يعنى الى سي الربط النت بالبرسسور سافر وجهاز تانى اشتغل بلظبط 20 يوم وبعدها قطع صوت وصوره بفتح الجهاز لقيت البرسسور هو التانى بيسخن نار وسافر هو كمان طيب حد يحلهالى مع الزباين الى كلهم معارف وبيثقوا فى الواحد واحنا فى بلد ارياف والله شغال فى الجهاز بمكسب 5 جنيه يعنى لا طمع ولا نيله مش زى الاسعار الى بعض الناس بتبيع بيها وبيكون فيها مبالغه اضطررت انى اغير لهم الاجهزه وشربت انا المقلب وحلفت على عبد العال ما هو داخل المحل تانى وشكرا

[محمد عبد الرازق شعلان]

مع احترامى لحضرتك

اشمعنى جهازك اللى عمل كده

مهو شغال عندى زى الفل

ماشاء الله لاقوة الا بالله

مهو بردو المفروض الجهاز يرتاح كل فتره

يعنى ميشتغلش 24 ساعه متوصله

وانت عارف ان البور بتاعه صغير وضعيف

ريح الحهاز وحيشتغل زى الفل

[faresawssem]

جهازى بصراحه ولا كلمه جهاز محترم وسريع فى التنقل وفى النت

[hamed hafez]

الجهاز عندى من يوم 4/2/2013 لم اواجة اى مشكلة وبيشتغل 24 ساعة ولا فية سخونة ولا اى شىء وسريع فى فتح المشفر

[خالد_البوب]

تحياتى لكل الاخوه الى ردوا على الموضوع وعايزكوا تفهموا انى صاحب محل ببيع الجهاز ولست مستخدمه فبما انى ببيع فكله بيصفى عندى فى المحل يعنى بايع 10 اجهزه مثلا 8 شغالين تمام و2 سقطوا الاعطال الى انا كاتبها بالظبط وبكده المحل بيخسر مش بيكسب ولان الناس الى انا ببيع لهم معارف كما ذكرت سابقا فبرجع لهم الاجهزه بمعنى انى باستبدلهالهم من المحل وبشرب انا البايظ واكيد الباقى جاى فى السكه يعنى الى شغال عنده ما يفرحش ويكتب انه حلو لان الجهازين الى عطلوا عند الزباين بردوه كانوا شغالين حلوا واحد اسبوع وقطع نت والتانى 20 يوم وفصل صوت وصوره يبقى وكما ذكرت مكسبى فيه قليل لا يعوض تلف جهاز واحد حتى لو بعت 100 جهاز علشان باخد فى الجهاز 5 جنيه كما ذكرت دى كانت تجربتى حبيت اوضحها ان الاجهزه دى حظوظ وطبعا لو المحل ما بيرجعش كما يحدث فى كثير من الحلات كان يبقى مافيش مشكله انما الناس معارف واقارب وزباين المحل فمش من المعقول انى اخسرهم علشان جهاز زى دى

[محمد عبد الرازق شعلان]

اخى الكريم

سبق وقلت لحضرتك

لازم الجهاز يرتاح كل ثلاث او اربع سعات

لان البور بتاعه صغير وضعيف

ميستحملش يشتغل طول النهار والليل

انصح الزبائن بكده

وربنا يوفقك

[faresawssem]

اخى الكريم

سبق وقلت لحضرتك

لازم الجهاز يرتاح كل ثلاث او اربع سعات

لان البور بتاعه صغير وضعيف

ميستحملش يشتغل طول النهار والليل

انصح الزبائن بكده

وربنا يوفقك

الجهاز بيشتغل عندى 24 ساعه مابيفصلش ومافيهوش المشاكل دى

[م/احمدعبدالفتاح]

جهازى بصراحه ولا كلمه جهاز محترم وسريع فى التنقل وفى النت

[خالد_البوب]

يا ريت كل الاخوه الحبايب الى اشتروا الجهاز ده ولم يقراو تلك الرساله منى يقروها كويس لانها فيها الشفا لانى ملاحظ ان كله عمال يشتكى من ان الجهاز مش حاسس بالنت نفس المشكله وده معناه ان اى سى اللينك الى بيربط الجهاز بالنت اتحرق وولع الحاجه التانيه انه وباذن الله سوف يفصل صوت وصوره نهاءى وده للى مش عجبه الزنه الموجوده فى الصوت يعنى مش كفايه الزنه لا هيفصل صوت وصوره كمان وملهاش حل كل ده ليه علشان ابو عبد العال مستورد لنا ازبل هاردوير فى التاريخ من بعد ما اتحفنا بالهيروشيما ومشاكله وبعد كل الى عمله فينا زمان احنا للاسف الى بنرجع نشترى شغله البايظ تانى يا راجل حضرنى الان ان اذكر ان عبد العال نزل قطعه lnb يعنى دى فيها اختراع لالالا طبعا طيب والله والله القطعه بتاعته ما كانت بتستقبل ترددات معينه مثال الاترددات التى بتبدا ب10 يعنى الراجل ده قاصد ان يدمر الاقتصاد المصرى ما فيش حاجه منه نافعه اهدار اموال وفى الزباله حسبى الله ونعم الوكيل فيه

[نديم11]

الجهاز عندى من شهر
وشغال تمام
مفيش غلطه

[amerbually]

غير الكونفرته وكله يبقى تمام وارجوا ان تعتذر للجهاززززززززززززز هههههههههههههههههههه

[hamadasaleh]

اسف شغال تمام

[محمود خميس]

اخي خالد اكتويت مثلك بنار تلف البروسيسور باجهزة عبد العال والحل سهل وبيسط وهو تركيب مروحة بروسيسور كمبيوتر علي بروسيسور الريسيفر بعدها اقدر اقول لك انسي الجهاز وهذه المروحة غير مكلفة تستطيع مروحة مستعملة وتركيبها

[omar2010557]

حبيبي كل شغل عبد العال زباله و انا زيك شارب جهازين فرجن 2 الجديد شبيه فرجن 3 في ريسيفر بالله العظيم اشتغل عند الزبوت 3 ايام و العوافي

[خالد_البوب]

ههههههههههههههههههه شر البليه ما يضحك

[مجدى ترك]

يارتنى ماكنت اشتريته من الاول انا فرحت بيه شهرين وكان برده زى الافاضل مابيقولو جهاز زى الفل وفجاة فصل النت منه حسبى الله ونعم الوكيل

[المخاطر]

جهاز تمام والسيرفر بتاعة صاروووووووووووووخ الحقيقة

[abu3aly]

جهاز تمام وزي الفل، بس نفسي أعرف لية لما أطفي أو أولع أي نور في الشقة يقوم فاصل وبعدين يرجع تاني ؟ !! :)

[محمد حمتو]

patch_no:::patch_no:::patch_no:::patch_no:::
جهازى بصراحه ولا كلمه جهاز محترم وسريع فى التنقل وفى النت
patch_no:::patch_no:::patch_no:::patch_no:::patch_ no:::

[خالد_البوب]

بصوا اخوانى خلاصه القول علشان كله يرتاح من الاخر عبد العال بيوشش البضاعه بمعنى وكلنا عرفينه انك تجيب مثلا عدايه طماطم تلاقى الى على الوش تمام قوى زى التفاح والى من تحتها بلى صغير على مفعص على تالف خالص تقوم حضرتك تطلع نصف العدايه يعنى يتاكل والباقى بترميه لتلفه وعلى كده تلاقى جهاز شغال نار و10 فى الكزوزه وبختك يا ابو بخيت يا تاخد الجهاز الى على وش القفص يا تاخد من الى فى قعر القفص وده المبدا ما ينفعش معى محل له سمعه وزباينه كلهم معارف وبيثقوا فى الواحد والزبون النهارده عايز يشترى جهاز يموت هو ولا ان الجهاز يجرى له حاجه يبقى كده الشغل بخساره وده حسب المكان الى بيبيع ومدى علاقته ومعرفته بالزبون لان المحل الى ما يعرفكش هيبيع لك ولكن لو حصل عطل للجهاز ورحت له هيرمهولك فى الشارع ودع عن تجربه اخ كتر فى الكلام شويه مع صاحب محل امام عينى بخصوص جهاز من العينه دى راح معوره بزجاجه حاجه صاقعه كسرها وضربه بيها وبعدين اتصل بالشرطه وادعى انه حرامى وجاى يسرق المحل اما ان يكون الزبون معرفه او صديق فنصيحه من مجرب بلاش تشترى له اى جهاز من اجهزه ابو عبده علشان ممكن الجهاز يكسفك ويقل مع صحبك وساعته يا تخسر فلوس يا اما تخسر معارفك واصحابك بسبب تافه زى ده اللهم بلغت اللهم فشهد