سؤال ضرورى جدا وهاااااااام

[nordvd]

السادة المشرفين والمهندسين بالقسم ياريت كلكم تشاركو بالرد فى هذا الامر
اولا انا بشكر كل واحد بيشارك فى قسم الصيانة من مواضيع وشروحات وحلول جامدة لبعض مشاكل الاجهزة ولكن فيه حاجة مهمة وياريت يكون ليها توضيح لاننا بناخد بالكلام ده وبنطبقو عملى بعض المهندسين اوضح فى القسم بان قياس الدايود بيتم بواسطة الافوميتر من خلال وضع الطرف السالب على السالب بالدايود والطرف الموجب على الطرف الموجب بالدايود حتى يقراء وبهذا يكون الدايود سليم
والبعض الاخر يقول بان نضع الطرف السالب بالافوميتر على الموجب بالدايود حتى يقراء بصراحة انا احترت وياريت المفهوم الصحيح لقراءة الدايود السليم حتى لا نقع فى اى اخطاء انا جربت عندى الدايود بالجهاز العاطل السالب على السالب والموجب على الموجب ولم يقراء والافوميتر على وضع الجرس والاوم وكمان اشتريت مجموعة جديدة من الدايود حتى اطمئن بوضع السالب على السال والموجب على الموجب ولم يقراء بينما اعكس الاطراف ولاحظت انه قرأ
وطبعا احنا عارفين الخط الابيض بالدايود بيرمز للسالب
ارجو من السادة الافاضل القياس الصحيح للدايود وكمان ياريت القياس الصحيح لجميع القطع بالجهاز واسف جدا على الاطالة

[م ربيع الجادورى]

اتفضل
هناااااااااااااااا (http://www.masrawysat.com/vb/showthread.php?t=790039)

[ABo 3AHD]

متابعه طيبه اخي ربيع

[nordvd]

الف الف شكر ياعملاقنا يعنى افهم من كده ان الدايود يقاس ويقراء من جهة واحدة وانا اعلم هذا الكلام جيدا بس موضوع يقرا من ناحية السالب او من ناحية الموجب ده اللى كان محيرنى بس المهم انه يقرا من جهة واحدة مش كده؟
شكرا على توجيهاتك اخى الغالى وبارك الله فيك

[nordvd]

طيب هل الكريستالة لها قياس؟

[م ربيع الجادورى]

لا أخى الرستاله لاتقاس على قدر علمى ولاكن لها علامات تدل على اتلافها
تكسير الاشار
غياب الالوان لمبه حمره فى بعض الاجهزه القديمه
زى مثلا اجهزة عبد العال القديمه
ولها كمان مهمه
التغزيه العكسيه للبرسيوسور
اما طريقه قياسها تعرف
ان عملت اى مشكله من الذى اشارت اليها
نعمل عملية اختبار
زى مثلا نخلى الرسيفر شغال ويكون فيه اى عيب من العيوب اللى ذكرتها
ونقوم بعملية التسخين عليها عن طريق الكاويه
وعند اعادة الرسيفر لوضعه الطبيعى يبقى العيب فى الكرستاله نقوم بتغيرها
وده على قدر علمى والله اعلم

[nordvd]

تمام ياغالى وبارك الله فيك

[nordvd]

سؤال اخير بس ياغالى لو تكرمت
هل ممكن اقيس اى قطعة بلوحة الباور وهى راكبة بدون توصيل الكهربا؟
يعنى زى المكثفات والموحدات والترانزستور وكده يعنى
ولا القياس يخدعنى؟

[islam_mohsen]

سؤال اخير بس ياغالى لو تكرمت
هل ممكن اقيس اى قطعة بلوحة الباور وهى راكبة بدون توصيل الكهربا؟
يعنى زى المكثفات والموحدات والترانزستور وكده يعنى
ولا القياس يخدعنى؟

ياغالي باختصار اولا لو الباور في مشكلة يعني مثلا لو الباور قاطع نهائي بيبقي بنسبة كبيرة المشكلة في الجزء اللي قبل الشوبر بقيس الفيوز والسليكونات والتأكد من سلامة ايسي الباور لو الجزء سليم اللي قبل الشوبر ممكن تكون المشكلة في الفوتوكبلر اللي رقمه 817 او السليكونات اللي بعد الشوبر اما غير كدا بوصل الكهرباء للجهاز وبقيس خرج الباور لو في فولتيات مش مضبوطة مثلا خط ال 3.3 فولت بتابع المكونات اللي علي خط ال 3.3 مثلا من مكثفات وغيره واي خط يكون فيه مشكله بتابع مع الخط المكونات اللي عليه ما لو في زبذبة في الفولت بنسبة كبيره في الترازوسستور اللي رقمه 431 هو والمكثف الصغير اللي امامه والعيب دا منتشر في اجهزة عبدالعال

[nordvd]

تمام ياغالى قمت بقياس خرج الباور بوضع الجهاز بالكهربا واللوحة الرئيسية مفصولة عن لوحة الباور ولم يتم اى قراءة فصلت الجهاز من الكهربا وقمت بقياس لوحة الباور من خلال السوكت ولم يتم اى قراءة وهذا للعلم

[مهندس محمودعبدالحميد]

تمام ياغالى قمت بقياس خرج الباور بوضع الجهاز بالكهربا واللوحة الرئيسية مفصولة عن لوحة الباور ولم يتم اى قراءة فصلت الجهاز من الكهربا وقمت بقياس لوحة الباور من خلال السوكت ولم يتم اى قراءة وهذا للعلم

طيب ممكن توضح الخطوات اللى عملتها عشان تقيس ويا ترى قيست ازاى على جهاز القياس الخاص بك

[nordvd]

تمام يابشمهندس محمود ونظرا لانى مش عارف اشرح على الصورة ولكنى اقول لك بانى فصلت لوحة الباور عن اللوحة الرئيسية وقمت بوضع الطرف السالب بالافوميتر على الارضى باللوحة وبالطرف الموجب قيست سنون السوكت والافوميتر على وضع الاوم x1
وهنا صورقياس الفولتات
الصورة الاولى لظبط الافوميتر
والصورة الثانية قياس 3.3v
والصورة الثالثة قياس gnd
والصورة الرابعة قياس 15v
والصورة الخامسة قياس 20v
ودى صورة لوحة الباور
اتمنى ان اكتسب منكم العلم وارجو التصحيح فى اى شىء اخطاءت به
واشكركم جميعا

[nordvd]

فين الرد يابشمهندس محمود ؟ياريت توجهنى لطريقة القياس الصحيح مع الشرح بالصور