مشكلة مع الجوكر

[bob_2005]

السلام عليكم
يا جماعة الخير اولا كل عام وانتم بخير
ثانيا انا امس اشتريت الجوكر ولكن عندى بعض المشاكل الصغيرة .
السوفت الى على الجهاز الآن 1.59 ولا اعلم ما هو هذا السوفت
حاولت انزل سوفت 319 ولكن يعطيني Failed مباشرة بعد الضغط على install
وسمعت من بعض الآخوة انى لو حطيت سوفت 340 مباشرة بيبوظ الفلاشه فهل هذا صحيح ؟
يعني هل احتاج انى انزل كل السوفتات بالترتيب الى فى هذا الموضوع ؟
http://www.masrawysat.com/vb/showthread.php?t=83399
وهل فى حل لمشكلة Failed to install للسوفت 319 ؟

[احمد 1985]

السلام عليكم ياغالى

اولا اعمل ضبط مصنع وبعد كده نزل السوفت 3.19 على الكمبيوتر وفك الضغط عنه هيطلع ملف اسمه files خده كوبى على الفلاشة وياريت تكون كينج ستون 4 جيجا واقفل مفتاح البور الخلفى للجهاز ودخل الفلاشة فى الريسيفر وبعد كده شغل الجهاز من البور الخلفى ومستنى ردك ياغالى

[bob_2005]

للأسف معنديش فلاشه و استخدمت خاصية SMP وربطت الجهاز بالكمبيوتر و حطيت ملفات السوفت فى فولدر وشيرته وفعلا الملفات ظهرت على الجوكر وبينه لكن لما اضغط واختر install يديني failed فهل ده بسبب عدم وجود فلاشه ؟ يعني شرط ان يكون السوفت فى فلاشه ؟ مع العلم ان الناس قالتلى ان الطريقة دي تغني عن الفلاشه .
منتظر ردك وشكراً لأهتمامك

[احمد 1985]

بس الطريقه اللى حضرتك بتقول عليها دى بتبقى تقيله على الريسيفر والافضل لك ان تنزل السوفت بالفلاشة

[walid_elfeqi]

السوفت بالفلاشة ومينفعش تحملة بالمشاركة ونزل اى رقم سوفت يعجبك والكلام الى الناس بتردده بخصوص تنزيل السوفت بالترتيب كلام غير علمى ولا عملى ولا منطقى اتفضل نزل اى سوفت باى رقم بأى نوع اهم حاجة تعملها قبل تنزيل السوفت هو ضبط المصنع للجهاز قبل وبعد تنزيل السوفت

[bob_2005]

نفس المشكلة يا جماعة اشتريت فلاشه وعملت لها فورمات لـ ,ntfs حطيت عليها السوفت مش قابل
اظن المشكلة فى اللودر فيرجن الى فى السوفت الحالى مش متوافق مع اللودر فيرجن المطلوب لتحميل السوفتات
فهل من حل لتحديث فيرجن اللودر حتى اقدر على تنصيب السوفتات ؟

[walid_elfeqi]

اخى العزيز ممكن تقولى لما بتضغط على زرار المنيو ايه الى بيظهر امامك وايه المكتوب فيه

[bob_2005]

اتفضل صورة من المنيو

http://img207.imageshack.us/img207/8213/33653244.jpg

[walid_elfeqi]

هذه الصورة لجهاز يعمل وليس به مشكلة لأنك بتقول ان الجهاز يعمل وبعدين لما بتضغط منيو مش ده المفروض يطلع لو سمحت وضح لأنى من البداية شاكك أن جهازك مش جوكر

[bob_2005]

ومين قال ان الجهاز فيه مشكلة ؟ انا مقلتش ان الجهاز فيه حاجة
كل الحكاية انى حبيت احدث السوفت لأحدث اصدار
ثم ازاى مش الجوكر وبكرتونه الجوكر و شكل الجوكر و مميزات الجوكر ؟
الظاهر ان المشكلة كلها ان السوفت الى جاى مع الجهاز سوفت مختلف عن السوفت الآصلي له ولا اعلم السبب
وأرجو منك ومن الخبراء يدلونا ما هذا السوفت الى على الجهاز من الصورة الى ارفقتها
وكيف يمكن تحديثه لسوفت 319
وشكرا لكم

[walid_elfeqi]

اسف حبيبى انا كنت من شويه مع واحد جهازه لايعمل :::: بالنسبه للجوكر مينفعش ينزل عليه سوفت غير اما السوفتات الاصلية من 3.19 الى 3.40 أو السوبر اتش دى او ثيم التايجر للجوكر قولى انت اشتريت الجهاز ده منين .

[bob_2005]

من الآسكندرية - فكتوريا ش الملك حفني
محل الجوكر

[walid_elfeqi]

توكيل صلاح عبد العال

[bob_2005]

يعني ايه مش فاهم !

[walid_elfeqi]

من توكيل الحاج صلاح عبد العال مستورد الجهاز ولا من محل عادى

[bob_2005]

من محل اسمه الجوكر مش من التوكيل

[walid_elfeqi]

طيب قول ليا لما روحت اشتريته الراجل عمل ايه وهو بيديك الجهاز من ساعة مخرج الجهاز من الكرتونة لحد مسلمك الجهاز

[bob_2005]

فتح الجهاز وشال مسمار بيربط باب الusb من جوا
وعمل فلاشه او حاجة زي كده
وقفلو

[walid_elfeqi]

طيب هأول ليك على حاجة هنعمل محاولة اخيرة ::::
فرمت الفلاشة على نظام fat 32 وبعدين ضع سوفت السوبر اتش دى عليها بس يكون اصدار 1.62 الجديد :::: موجود فى موسوعة سوفتات الجهاز بالمثبتات :::: وبعد كدة اعمل ضبط مصنع للجهاز ده :::: وضع الفلاشة محمل عليها السوفت بعد فك ضغط الملف على الكمبوتر واخذ محتواه فى فولدر اسمه files اغلق الجهاز من الباور الخلفى وانتظر نشوف الجهاز هيقبل السوفت ولا ايه وانتظر اذا تم تمرير السوفت للرسيفر بإذن الله ..... متواصل

[bob_2005]

جاري المحاولة
ولكن ارجو لو تعرفلى السوفت الحالى ايه بالظبط من صورة المنيو ؟
لآني بقيت متلخبط مبقتش عارف ده سوفت ايه بالظبط !