مشكلة عند توصيل كابل rs232 بالكومبيوتر

[elantill007]

هو انا الي عملتو حطيت البوت على فلاشة و حطيتها على الرسيفر و حطيت على اللودر البوت بردو و عملت start بس فا كتب انو بيعمل send و روحت فاتح الرسيفر بس اللمبة الحمرا منورة بس الرسيفر مش بيفتح و اللودر كاتب انو بيعمل send ده الوضع بالتفصيل

جميل جدا بعد كل اللى انته عملته ده وفتحت الرسيفر هتلاقيه ظهرلك رساله ان السوفت غلط ساعتها شيل الفلاشه وهتلاقى اللودر عندك بدا فعلا يبعت السوفت للرسيفر اخى الكريم اقرا الموضوع بتاع اللمبه الحمراء كويس علشان تقدر تحل المشكله
http://www.masrawysat.com/vb/showthread.php?t=946942

[م/فؤادرفعت]

جميل جدا بعد كل اللى انته عملته ده وفتحت الرسيفر هتلاقيه ظهرلك رساله ان السوفت غلط ساعتها شيل الفلاشه وهتلاقى اللودر عندك بدا فعلا يبعت السوفت للرسيفر اخى الكريم اقرا الموضوع بتاع اللمبه الحمراء كويس علشان تقدر تحل المشكله
http://www.masrawysat.com/vb/showthread.php?t=946942
بارك الله فيك يا غالى

[madi2934]

انا حاولت تاني مع البوت راح كتبلي sending update information success بس في الدونلود كتبلي error customer in sw is not the same as in a box

[م/فؤادرفعت]

اعد مرة اخرى يا غالى
موضوع اللمبة الحمرة
وان لم يقبل
يبقى مع الاسف شحن فلاشة

[madi2934]

هو المشكلة ان الرسيفر مش بيقوم هو قيلي ان sending update information sucess بس في الدونلود كاتب error sw file size error or wrong file و الرسيفر مش بيقوم مش عارف اعمل ايه

[elantill007]

معلش انته جربت تعمل نفس الكلام بالظبط ؟ اصل صدقنى كل اللى انته عمال تقوله ده حصل معايا وكان الحل فى الموضوع اللى قلتلك عليه كمان نزل السوفت بتاع التفليش على usb وكمان يكون نفس السوفت للودر من الموضوع برضه وجرب معلش وقول النتيجه والله الموفق ان شاء الله المره دى وموضوع الرسيفر مش بيقوم عادى جرب تشيل كل حاجه منه ووصله ال usb اللى عليها السوفت اللى بقولك عليه وسيبه دقيقتين وهتلاقيه اشتغل وقالك sw is wrong please download again 2 جرب وانا معاك

[MOSUPER]

بص انت مستخدم كابل rs232 ولا مستخدم كابل كونفرتر الي بيكون علي شكل com من ناحية ومن الناحيه الاخري علي الكمبيوتر usb
بص اخي لو انت فعلا مستخدم الكنفرتر ده حاول تشتري كابل rs232 من الطرفين وجرب

[madi2934]

متشكر يا elantill007 على مجهودك العظيم انت و باقي الزملاء انا بعد عدة محولت من اغلاق الجهاز و فتحه مرة اخرى بقى يعمل transfer data من غير ما يقوم الجها[I]ز بس ال transfer بيقف في النص للاسف بالنسبة للاخ mosuperانا بستعمل serial usb عشان معنديش desktop

[elantill007]

متشكر يا elantill007 على مجهودك العظيم انت و باقي الزملاء انا بعد عدة محولت من اغلاق الجهاز و فتحه مرة اخرى بقى يعمل transfer data من غير ما يقوم الجها[I]ز بس ال transfer بيقف في النص للاسف بالنسبة للاخ mosuperانا بستعمل serial usb عشان معنديش desktop

لا شكر على واجب بس فعلا لازم تغير الوصله ل rs232 لان الوصله دى مجهزه مخصوص للرسيفر والله العلم

[ibrahemsalah]

شكرا اخى elantill007
على المتابعة الجيدة
والرغبه الصادقة فى الافادة والتعاون على حل المشكلة
تحياتى .

[MOSUPER]

طيب حاول تشوف اي صديق عنده pc وجرب عنده بكابل سيريال عادي وقلنا حصل ايه

[elantill007]

شكرا اخى elantill007
على المتابعة الجيدة
والرغبه الصادقة فى الافادة والتعاون على حل المشكلة
تحياتى .

الشكر الله اخى الكريم hemasalahwins ويارب تكون مشاركتى بفايده للاعضاء :)

[madi2934]

الحمد لله تم حل المشكلة بواسطة pc على الرغم من استخدام كابل سيريال usb على pc انا مش عارف السبب ايه على الرغم من المحاولات على لابات كتير بس مش عارف السبب ايه شكرا جميع الاعضاء الي حاولو يساعدوني elantill007 -MOSUPER-hemasalahwins-م/فؤادرفعت

[رمضان2010]

المهمه علشان نصلح الجهاز وهى :
- كابل سوفت rs 232
فلاشه اى مساحه ودول اهم حاجات علشان نعرف نشتغل صح المهم دلوقتى نروح نحط السوفت اللى مع برنامج اللودر على الفلاشه دى وطبعا الفلاشه تبقى فاضيه وبعدها نشيل الفلاشه ونحطها فى الرسيفر نوصل كابل ال rs 232 بالجهاز وبرضه نوصله بالرسيفر ونوصل الفلاشه بالرسيفر
ونشغل البرنامج وندوس على open ونختار الملف بتاع السوفت
وندوس start
وبعد كده نرجع للرسيفر ونديله كهرباء ونستنى بتاع دقيقتين مثلا هنلاقى الجهاز قام وظهرلك رساله
sw is wrong please download again 2
فى اللحظه دى نروح شايلين الفلاشه هنلاقى البرنامج بداء يبعت السوفت للجهاز هنستنى بتاع 10 دقايق مثلا ومبروك عليك الجهاز رجع شغال زى الاول ويارب اكون افدتكم

[رمضان2010]

الف مبروك يا غالى على رجوع الجهاز

[ibrahemsalah]

الحمد لله تم حل المشكلة بواسطة pc على الرغم من استخدام كابل سيريال usb على pc انا مش عارف السبب ايه على الرغم من المحاولات على لابات كتير بس مش عارف السبب ايه شكرا جميع الاعضاء الي حاولو يساعدوني elantill007 -mosuper-hemasalahwins-م/فؤادرفعت


العفو اخى الفاضل
ومبروك عودة الجهاز للعمل مرة اخرى .

[ibrahemsalah]

المهمه علشان نصلح الجهاز وهى :
- كابل سوفت rs 232
فلاشه اى مساحه ودول اهم حاجات علشان نعرف نشتغل صح المهم دلوقتى نروح نحط السوفت اللى مع برنامج اللودر على الفلاشه دى وطبعا الفلاشه تبقى فاضيه وبعدها نشيل الفلاشه ونحطها فى الرسيفر نوصل كابل ال rs 232 بالجهاز وبرضه نوصله بالرسيفر ونوصل الفلاشه بالرسيفر
ونشغل البرنامج وندوس على open ونختار الملف بتاع السوفت
وندوس start
وبعد كده نرجع للرسيفر ونديله كهرباء ونستنى بتاع دقيقتين مثلا هنلاقى الجهاز قام وظهرلك رساله
sw is wrong please download again 2
فى اللحظه دى نروح شايلين الفلاشه هنلاقى البرنامج بداء يبعت السوفت للجهاز هنستنى بتاع 10 دقايق مثلا ومبروك عليك الجهاز رجع شغال زى الاول ويارب اكون افدتكم


شكرا لك على المعلومة القيمة اخى الحبيب .

[sasa87]

الجهاز بتاعي عمل نفس المشكلة فهل لو عملت نفس الطريقة الي في المنتدا ان شاء الله وفتح هل السوفت بتاع الجهاز يشتغل لان فيه لسه 5 شهور ولا ممكن ميشتغلش

[م/فؤادرفعت]

الجهاز بتاعي عمل نفس المشكلة فهل لو عملت نفس الطريقة الي في المنتدا ان شاء الله وفتح هل السوفت بتاع الجهاز يشتغل لان فيه لسه 5 شهور ولا ممكن ميشتغلش
تم الرد عليك فى موضوعك
فلا داعى لا احضار مواضيع قديمة
مغلق