اقولك باقى الاسعار علشان تعرف ان انا مصرى ومحروق فى البلدى فى اى بلد كيلو مثلا اللحمه السنه الماضيه كان عندنا فى المنوفيه ب22 جنيه الصغيره والكبيره ب18 اليوم الصغيره ب60 جنيه والكبيره ب46 دى حاجه واحده ياراجل دا البدنجان اكل الغلابه اللى كان السنه الماضيه ال3 كيلو بجنيه انت عارف السنه دى بكام الكيلو ب4 جنيه كيلو واحد اقولك ايه ولا ايه ماهى فاكهة الفقراء اقولك يا سيدى هى الجوافه انت عارف بكام السنه اللى فاتت والان بكام كانت بنصف جنيه والان ب6جنيه وسلملى على حكومة المصالح ورجال الخراب المستعجل

والله يا اخى الاسعار دى مصر حلوه ورخيصه لاكن عندنا فى السويس زود على كل حاجه انتا قولتها 2 جنيه او 2.50

يعنى ما فيش حد احسن من حد

شكرا للافاده

يارب ارحم المصريين من الاسعار وترخص شويه

شكلى قلبت الموضوع الى ما هى مشكلتك مع مصر ولا اصلا الناس بتتلكك عشان تطلع الى جواها ؟؟؟

يا اخ حمادة انا مش ناسى انى مصرى بس انا مشفق على مصر وعلى شعب مصر من الى حاكمين مصر

ولو مزعلك التلفزيون اروح ابيعه من بكرةpat::ch_lf

صحيح يا اخى ال 32 روعة ومناسبه

اخ حمادة انا مش ناسى انى مصرى بس انا مشفق على مصر وعلى شعب مصر من الى حاكمين مصر

ولو مزعلك التلفزيون اروح ابيعه من بكرة لا يا سيدى انت قلت اللى انت عاوزه لاكن اظاهر ان فيه ناس عايشه فى البلد دى ومش عايشه يعنى من الناس اللى انت واخد بالك منهم اللى يتعشى فى المطعم الفلانى ويتغدى فى المطعم العلانى وبتركب عربيات من اللى بتتمونببنزين 92 يعنى عمره ماجرى وراء اتوبيس ولا لما حصله انزنق فيى زى يوم الحشر ولا يطلع فى اذان الفجر علشان يجيب رغيف عيش مدعوم بالمسامير وباعقاب السجائر ويا سلام لو راحت عليك نومه للساعه 7 صباحا يبقى نهارك كوحلى لا تقضيها من المكرونه اللى الكيلو ب4 ونصف بتاعة الغلابه لاما نفسك فى العيش تجيب رغيف من ابو ربع جنيه وانت عارف المرتبات هنا بسم الله مشاء الله مكفيانه وبنحوش منها اقول ايه الهم لا تسلط علينا بزنوبنا من لا يخافك ولا يرحمنا بالزمه مش ايام الملكيه كانت احسن كان الجنيه اغلى من الجنيه الدهب دلوقتى الجنيه السودانى ب5 جنيه مصرى هما اللى حكمنا يا جماعه اظاهر بيحكموا شعب تانى خالص غيرنا واسف للاطاله

بمناسبة الشاشات اية رايكم فى شاشة باناسونيك 32 هاى ديفينيشن
الشاشة صناعة يابانية خمس سنوات بضمان بغداد

كلامك مزبوط يا اخى 100% وانا لا استطيع تغير ولا حرف من كلامك ده
واسف يا غالى اذا زعلتك فى شى

تحياتى لك

من يريد التغير


http://www.taghyeer.net/

يا اخ حماده مفيش اسف ولا حاجه احنا اخوات ومصريين زى بعض ولاكن والله دا بس زعل على الاوضاع اللى احنا عيشنها ودا حب فى مصرنا العزيزه عوزنها تكون احسن بلد فى الدنيا وترجع تانى ام الدنيا لان والله يا استاذ حماده لما تغرق البلد دى لا سمح الله دول اقصد اللى مسكين البلد اول ناس هتنط من المركب وانت عارف فلوسنا اللى باعوا بيها البلد مهربنها فين وهما والله مشين على مثل ان لم تستحى ففعل ماشئت ومتزعلشى منى ولك تحياتى وربنا يستر

ربنا يسترها علينا جميعا

كلامك صح يا غالى والله الواحد بيفكر يسافر بره ويشتغل احسن من هنا ده هنا الواحد حاسس كانه غريب فى بلده

انا شارى الشاشة دى من حوالى 4 شهور بصراحة الشاشة خرافية تستاهل الفلوس اللى اندفعت فيها