| osa1963 |
2013/07/18 06:29 PM |
شايفين حالة الضياع بتاعة ابوظبى الرياضية
اصدرت قناة ابوظبى الرياضية بيان وزعته على جميع وكالات الانباء قالت فيه : اكدت “ابوظبي الرياضية” اليوم الخميس “قررنا عدم الدخول في صفقات لا جدوى لها تجاريا في ضوء الأسعار غير الواقعية التي طلبتها شركة بيع الحقوق التي منحت حقوقه في المنطقة”. وتابع البيان ان “شركة ابوظبي للإعلام كانت قد دخلت في عطاء شراء حقوق بث الدوري الإنجليزي في المنطقة العام الماضي بعرض مالي يفوق القيمة السوقية الحقيقة للدوري، حرصا منها على الاسهام في تقديم هذا المنتج لمشاهديها، ولتبني على استثمارها الكبير في البطولة على مدى السنوات الثلاث الماضية، الا انه وبعد فترة تاخير غير مسبوقة في احالة العطاء، تم الإعلان عن منح الحقوق لاحدى شركات وكالات الحقوق الرياضية”.
وكشف البيان “السعر الذي طالبت به هذه الوكالة كان سعرا غير واقعي اذ كان يفوق باضعاف كبيرة القيمة السوقية لها، والتي قيمتها ابوظبي للاعلام استنادا الى دراسة جدوى علمية وتجربة عملية في ادارة هذه الحقوق، وفي ضوء ذلك قررت ان الاستثمار في حيازة هذه الحقوق غير مبرر وفق اي اسس مالية او تجارية، وان لا تدخل في صفقات ستعيق التطور الطبيعي للسوق الاعلامية وستنعكس سلبا على المشاهدين على المدى البعيد”.
طبعا معروف ان الحقوق بدات مع الايه ار تى بسعر 90 مليون دولار لتلات سنوات و بعدها اتنقلت الى الشوتايم بسعر 120 مليون و بعدها اخدته ابوظبى بمبلغ يقترب من 400 مليون و دلوقتى الجزيرة حصلت عليه بمبلغ قريب من 650 مليون دفعت نصهم القناة و النص التانى الصندوق السيادى لقطر
البيان بتاع ابوظبى كله استهبال لانهم عارفين ان الانجليز غضبانين منهم بسبب الطريقة اللى اتبعتها القناة لبث الدورى و اللى حرمت ملايين الناس من رؤية المباريات فكانت النتيجة ان قررت ادارة الدورى الممتاز بيع الحقوق الى وكالة تتولى تسويق البطولة لمن يريد من قنوات و على فكرة بيع الحقوق للجزيرة معناه انها الحقوق الفضائية و بس لكن الحقوق الارضية يمكن لاى قناة انها تتفاوض مع بى ام و سيلفا لكن الاسعار هاتفضل غالية و على فكرة بى ام و سيلفا اللى مشارك فيها الوليد بن طلال دفعت 300 مليون دولار لشراء الحقوق التسويقية للدورى من لجنة الدورى الممتاز الانجليزية و على حد علمى ان تليفزيون الكويت الارضى هو الوحيد اللى طلب اذاعة المباريات ارضيا لغاية دلوقتى اضافة الى تليفزيون الجزائر و مش واضح موقف تليفزيون مصر لكن التطورات السياسية و عدم وجود ميزانية للحدث الضخم بيخلى التليفزيون المصرى بعيد جدا عن الموضوع
بس طبعا بتوع ابوظبى بيتجاهلوا انهم هم اللى جابوا الوضع ده لنفسهم و بيتكلموا فى البيان و كانهم ضحية للعملية مع ان الامر واضح انهم ما حصلوش على دعم الشيخ منصور بن زايد لشراء الحقوق مرة تانية لكن تقول ايه فى المكابرة مش عايزين يعترفوا بالهزيمة و على فكرة انا سامع ان الجزيرة هاتعمل تغيير حاد فى الاول من اغسطس و هاتبدا بث من عشرة الى 13 قناة جديدة كلهم بنظام اتش دى و بالديكودر الجديد و ربما يستر لانهم هايزنقوا الناس قبل البطولة باسبوعين فقط و يارب تكون المعلومات دى مش صحيحة
|
