أخي الكريم / اشتري عدد2 كوم rs232 من أي محل بتاع ألكترونيات وقوله بالحرف الواحد عايز 2 كوم rs232 وبعد كده شوف طول السلك اللي انته عاورزه المناسب مثلا متر أو مترين أو خمسة متر ( المهم ان السلك لا يزيد عن 15 متر ) وذلك الاْفضل في كل شيء من ناحية سرعة توصيل الداتا من الكمبيوتر الي الرسيفر سواء برامج الشيرينج أو السوفتويرات وخلافه ) والسلك اللي هتشتريه حسب الطول اللي انته عاوزه هو سلك النت d.s.l السلك ثمانية أطراف******* أما من ناحية التوصيل هتلاقي الكوم فيه خمسه أماكن علوية + أربعة بالاْسفل - خليك في الخمسة أماكن العلوية والتوصيل كالاْتي 1- ألحم اللون البني في جسم الكوم من فوق في الاْعلي ( ليكون أرضي ) 2- ألحم اللون أبيض بني في أول رجل من اليمين من الخمسة أرجل وسيب ثاني رجل فارغة وثالث رجل الحم فيها اللون الاْزرق ثم اللي جنبها أبيض أزرق والرجل الاْخيرة سيبها فارغة يعني كده استعملت أربع ألوان اللون البني والاْبيض بني ثم الاْزرق ثم أبيض أزرق والاْسلاك الزائدة قم بقصها _ والكوم الثاني نفس لحام الاْلوان هيه هيه بالظبط ما عدا اللون الاْزرق خليه أبيض أزرق والاْبيض أزرق خليه أزرق وأبيض بمعني اعكس اللونين الاْزرق والاْبيض في الناحية التانية _ يبقي أزرق ثم أبيض في الكوم الاْول - وأبيض وأزرق في الكوم الثاني وباقي لحامات الاْلوان زي ما هيه _ وبكده انتهينا ومبروك عليك وصلة ألكوم rs232 بأي طول لغاية 15 متر . تحياتي لك أخي الكريم