استشارة قانونية في التوكيل بالصرف
 

كان في قضية تعويض مرفوعه علي شركة تامين حيث ان اخي توفي في حادث سيارة والحمد لله تم كسبها
المشكلة بقي
ان المحامي طلب مني انا واخي وزوجة اخي صور البطاقة لعمل توكيل بسحب الحكم من المحكمه علي حد قول المحامي هل التوكيل ده هيبقي توكيل بسحب الحكم الصادر من المحكمة وجلب الشيكات من شركة التأمين ولا هوه هياخد التوكيل ويعمل بيه كل ده اضافة الي صرف الشيكات ولا ايه ان لما اعترضت معاه قالي انا هكتب في التوكيل الشرط ده وهوه
لا يحق للطرف الاول ( المحامي طبعا ) صرف اي مبالغ نقديه الا بحضور الطرف الثاني ( انا واخي )
انا دلوقتي مش عارف اعمل ايه اوفق علي اللي هوه بيقوله ولا لا ولااعمل ايه علشان دي اموال ايتام وهتبقي في رقبتي ليوم الدين
بالله عليكم تفدوني

و ليه انت مش واثق فيه و كملت معاه ليه
عموما هو علشان ياخد صوره رسميه من الحكم او صيغه تنفيذيه مش بيحتاج توكيل خاص انما بيحتاج توكيل عام عادي
التوكيل الخاص للصيغه التنفيذيه بيبقي في مجلس الدوله بس علي حد علمي
بعدين التوكيل انت اللي بتعملو مش المحامي

شكرا لاهتمامك بالموضوع وجزاك الله كل خير