مصراوى سات - مساعدة في اختيار تلفزيون led

السلام عليكم ورحمة الله وبركاته
تحياتي لاعضاء المنتدى الكرام
كنت حابب مساعدة من الخبراء لشراء تلفزيون led بحد اقصى 2500
انا بصراحة في التلفزيونات على قدي وقريت كتير بس بصراحة مش عارف انهو احسن خصوصا مع كترة الموديلات بشكل غريب ومبالغ فيه :)
كنت سمعت ان احسن تلفزيونات lg و samsung
ايه رأيكم؟
وكنت دورت على موديلات في ال lg ووصلت لاربع موديلات بس كنت عاوز اعرف الفروق الجوهرية وانهو افضل

32ln540b
32ln5400
32ln5110
32lb561b

ولقيت اسعارهم في موقع القاهرة للمبيعات تنحصر تقريبا بين 2100 ل 2600
بخصوص السامسونج ديما مش بعرف اوصل لحاجة فيها بسبب ما شاء الله كثرة منتجاتها وتقاربهم الشديد لذلك فضلت اسيب الرأي للخبراء لو في حاجة في سامسونج قريبة من الاسعار دي وافضل منهم

بخصوص المقاس انا المناسب ليا ان شاء الله 32 بوصة
بخصوص الامكانيات بصراحة ميفرقش معايا امكانيات كتير مش شرط ثري دي خالص مش حاسس ليها لزمة والميزانية اكيد مش هتكفي ومش شرط عدد مخارج اليو اس بي والكماليات الكتير وبرضه مش حاسس ان سمارت tv يفرق كتير اوي بالنسبالي
انا اهم حاجة عندي جودة الصورة والصوت اكيد وخصوصا مع مشاهدة المباريات
ان التلفزيون يكون full hd او اقرب حاجة لكده واهم حاجة عندي انه يدعم تشغيل القنوات الرياضية العالمية بالذات لأني عادتا بتفرج على المباريات على قنوات زي سكاي سبورت على الهوتبيرد فالجودة عالية هتبقى مهمة بالنسبالي ويكون بيشغل افلام من الفلاشة بشكل كويس (ياريت يبقى كمان بيدعم لحد 1080p)
منتظر ردودكم ومشورتكم وشكرا جزيلا