هل drake 7500 hd هو الافضل؟
 

السلام عليكم ورحمة الله وبركاته

ان شاء الله انا ناوي اشتري ريسيفر اتش دي عشان الحمد لله جبت اخيرا تلفزيون led وعاوز اشوف بقى القنوات الاتش دي خصوصا القنوات الرياضية على الهوتبيرد وخصوصا اننا قربنا على كأس العالم وربنا يستر عالشيرينج اللي في باقي الاقمار

بصراحة فكرة الريسيفر الاتش دي كتير اوي فكرت فيها وكتير اوي سألت هنا في المنتدى ولم اجد اجماع حاسم واغلب الوقت كله بيقول اصبر لحد مش عارف ما يحصل ايه .. وزي ما قالت الست ام كلثوم انما للصبر حدود وانا خليت والدي واخويا وكل الناس اللي اعرفهم ويسألوني يصبروا ومش عارف كلنا صابرين على ايه patch_rir--

المهم بدون اطالة .. دلوقت انا سمعت كثيرا عن الجهاز drake 7500 hd وسمعت عن الترومان بريميوم بلس وسمعت عن الدريم بوكس (بس اسمع ان سعره مولع طبعا وفي تقليد وحاجات غريبة مش فاهمها) وبصراحة سمعت هنا عالمنتدى عن مليون جهاز وجهاز والحيرة زادت

كل ما احتاجه في الريسيفر ببساطة:

- ريسيفر full hd 1080p بدعم حقيقي بجد مش حاجة اتخم فيها ودي اهم حاجة بالنسبالي
- يدعم DVB-S2/8PSK .. يعني مش مهم يفتح اوربت شوتايم ولا البي ان سبورت الاتش دي ولا لا لكن المهم عندي يقرا تردداتهم .. عشان لو ربنا كرم والشيرينج فتحهم اقدر اشغلهم مش يكون عندي ريسيفر مش بيشغل الترددات بتاعتهم من الاساس وخصوصا ان في قنوات في اقمار تانية شغالة على نظام البث ده
- يكون في مكان لتوصيل كابل الانترنت عشان الشيرينج يبقى فيه مش نظام rs232 والحاجات اللي تشل دي
- السعر لا يتجاوز 1000 ج (اكيد لو اقل ويوفي باقي المطلبات اكيد يبقى افضل)

بس كده هي دي طلباتي واعتقد مش مبالغ فيها .. باقي الاشياء بالنسبالي كماليات لكن اكيد الجهاز لما يكون قوي وفي حدود السعر اللي بقول عليه وكمان يحتوي على امكانيات اضافية اكتر هيبقى احسن

ياريت النصيحة من الخبرااااااااااااااء يا جماعة عشان بجد الواحد احتار ومش بيعرف يوصل لأي معلومة عن امكانيات الريسيفرات بشكل حقيقي ومؤكد مية في المية وياريت يبقى الرأي مدعم بالامكانيات بتاعة الريسيفر والتوضيح عن مكان (منطقة) تواجد الريسيفر حاليا مش اسم المحل او غيره عشان قوانين المنتدى لكن اللي عاوز اعرفه المنطقة وهل هو موجود حاليا فعلا ولالا
واسف على الاطالة وشكرا

انت لخصت اللى انا عايز اقولة اوافقك الراى وياريت يكون فية موضوع ثابت للاسترشاد ويكون بعيد عن التعصب والانتماء لاى توكيل لجهاز معين يكون فقط لافضلية الاجهزة حقيقا مع ذكر التجربة .

معاك جدا والله يا ابو فارس لأن فعلا المنتدى ما شاء الله عظيم ولكن ينقصه هذه النقطة لأن اغلب الردود تكون اشبه بالدعاية وتصبح موضوعات الاستفسارات اشبه بالحروب الدعائية

ترومان
 

ترومان بريمير 1+ جهاز محترم فيه كل اللى انت عايزه انا كنت شاريه ب 1000 جنيه اول نزوله بس سعره نزل شوية وممكن تشوف القسم الخاص بيه على الموقع ولو اقتنعت بيه هاته

انا شوفت قدام عينى واحد بيرجع التومان بريمر 1 بلس علشان تقيل جدا فى كل شىء
واخد مكانة ستار سات2000 هايبر فما رايكم

الدريك احسن من الترومان
والدليل انه محتفط بسعره بعكس الترومان سعره هبط 300 جنيه

حضرتك عندك الدريك؟؟؟ لو عندك مشتريه من امتى؟ ومن انهي منطقة وهل هو اقل من الميزانية اللي انا حاططها اللي هي 1000 ج ولا هيزيد عنها حاليا؟
واخبار الشيرينج عليه ايه في ******* اللي عليه؟؟ ومعلش لكترة الاسئلة هل بيتسقبل ترددات القنوات اللي بتشتغل على dvb-s2/8psk ولا لا؟

فين خبراء المنتدى الكرام

يااخى عن تجربة انا عندى starsat 9900 hd هو نفس الدريك وسعره 925 وفيه كل اللى انت عايزة واكتر بجد

طب امكانياته ايه والتفاصيل بتاعته
ثانيا هل هو full hd 1080p
وهل بيقرا DVB-S2/8PSK يعني قاري ترددات البث ده ولا لا .. زي قنوات شوتايم اوربيت والبي ان سبورت الاتش دي (اقصد يقرا التردد في البحث مش يفتحهم)

انا راي كومكس h4 بعد التجربه جهاز بصراحه فوق الخيال بالنسبه لسعره

طب ممكن اعرف من حضرتك امكانياته واقل من ميزانيتي بكام مادام سعره هايل زي ما حضرتك بتقول وموجود في انهي منطقة
ثانيا هل هو full hd 1080p
وهل بيقرا DVB-S2/8PSK يعني قاري ترددات البث ده ولا لا .. زي قنوات شوتايم اوربيت والبي ان سبورت الاتش دي (اقصد يقرا التردد في البحث مش يفتحهم)

هو full hd 1080p سعره هنا
http://www.masrawysat.com/index.php
وجهاز اخر حلاوه اندرويد وشغل علي الموبيل وحجات للمستقبل انشاء الله هيبقي زمانه
وفلاشته 8 ميجا ازان الشغل عليه هيبتدي من الهكر هيبقي ميه ميه دا رايي واسف علي التاخير

شكرا لأهتمامك وردك اخي الكريم .. بس عندي سؤال .. لو الجهاز عند حضرتك ممكن مثلا تقولي هل هو بيقرا الترددات dvb-s2/8psk ولالا عشان في قنوات كتير عالاوروبي مثلا بتستخدم نظام البث ده وفي قنوات منها كتير اعتقد موجود في الشيرينج زي مثلا قنوات سكاي سبورت .. وفي مثلا ترددات عالنايل سات اللي هي بتاعة اوربت شوتايم والبي ان سبورت الاتش دي بتستخدم نفس النوع من البث دلوقت ولذلك الرسيفرات العادية مش بتلاقيها في البحث اساسا
فهل مثلا التردد 12265 H عالنايل سات موجود عند حضرتك وقاري دلوقت ولالا؟

يا غالي اي رسيفر HD
بيدعم dvb-s2/8psk

dvb-s2/8psk معناها ان التردد HD