مصراوى سات - طريقة تركيب قمر دهوك

انا كنت طبعا زى كل الناس عاوز اركب القمر الهولندى NSS 57 E عشان قناة دهوك من قبل كاس العالم باسبوعين تقريبا وكل ما اروح لمكتب دش او اكلم فنى يضحك عليا ويقولى انت شوفتها بنفسك طيب على النت كله هرى على الفاضى او القمر ده لازم طبق متحرك مش اقل من 180 , طبعا يعنى منتهى الاحباط المهم جبت فنى قعد 3 ساعات لما طلع عينى وفى الاخر فشل انه يجيب اى حاجة المهم انا كنت جايب كذا فنى يركب القمر ده وفى نفس الوقت يركب اموس مع نايل سات و يوتل سات والاوروبى على طبق تانى طبعا ركبلى النايل سات والاوروبى واموس ونص ترددات النايل سات بتقطع و كمان الاوروبى ... المهم انا تابعت المنتدى هنا وشوفت الصور وقولت اجرب بنفسى ... ركبت الاول الاوروبى ونايل سات و يوتل سات + استرا 1 + سهيل سات مع العرب سات على طبق متر لوحده وبقيت ببدل بينهم عشان الدايسك اخره 4 اقمار ... جربت اركب الهولندى مرة كدة بش فشلت برده ..... المهم حاولات من يومين اركبه بقه فى طبق متر لوحده والحمد لله نجحت من غير فنى ولا حاجة مع العلم انا بعيت عن المجال ده خالص ... وطبعا هيطلع واحد يقولى انت بتقطع عيش الفنى اقوله انا جبت ميت فنى قبل كدة انا حتى كنت قربت على تمن اشتراك الجزيرة ... وكلهم عاوزين يركبو اموس او الاوروبى اخرهم وياخده اللى فيه النصيب ويخلعو ... وفى منهم اللى يقعد يتريق لما اقوله القمر الهولندى ومايعرفوش يعنى ايه دهوك يعنى حتى اكبر واحد عندنا فى الاسماعيلية ما كنش يعرف يعنى ايه دهوك .

المهم طريقة دهوك جت معايا بطريقة صعبة شوية لو حد عاوز يجرب يعمل زى بالظبط ويركز فى الكلام بالظبط عشان فيه شوية لخبطة فى الترددات وكمان اتجاه العدسة.

اول حاجة هيكون اتجاه العدسة زى النايل سات بالظبط ونظبط بريسيفر عادى عشان الاتش دى بيلقط اضعف من العادى, هنحرك الطبق ناحية الشمال لبعد القبلة بحاجة بسيطة و نظبط على التردد ده 11007V4883 طبعا عامودى ( التردد ده اصلا افقى بس احنا هنخليه عامودى موقتا )
المهم هيلقط معانا بعد كدة تربط المسامير . بعد كدة نعمل حاجتين الاول نركب الريسيفر الاتش دى .. والحاجة التانية نغير ميل العدسة عكس النايل سات ....والحمد لله اشتغلت عندى دهوك وقولات السليمانية اشارتها ضعيفة بس عادى اهم قناة على القمر ده هى دهوك ... طبعا الموضوع ده اخد منى حوالى ساعة ونص عشان كنت الاول بظبط على ريسفر اتش دى ماكنش لاقط خالص وكمان كنت بظبط الطبق غلط لكن الحمد لله لقط لما وجهت الطبق بعد القبلة شوية على التردد اللى قولت عليه قبل كدة المهم نركز فى الرأسى والافقى دى حاجة وكمان ميل العدسة هنلاقى الموضوع بسيط ان شاء الله.