أنا مع الإستاذ عادل فى إن المسطح أفضل فى الإستقبال وحاقولك ليه
أولا تعريف المسطح هو اللى البعد البؤرى مقسوم علي قطر الطبق يبقى أكتر من 35%
يعنى كلما زاد البعد البؤرى كلما اعتبرنا الطبق مسطح أكثر
وبزياده البعد البؤرى بيحصل حاجتين
أولا الإشاره المنعكسه من أطراف الطبق بتبقى زاويه دخولها العدسه أقل فبتستقبلها العدسه أسهل
ثانيا المسطره بتبقى أطول لأن طول المسطره مرتبط بالبعد البؤرى وهى بالحساب البعد البؤرى مضروب فى ظل الزاويه بين قمر المسطره وقمر السنتر ، وده يسهل تركيب عدستين لقمرين متجاورين أكثر زى الأمثله اللى حضرتك ضربتها
وتعالى نحسبها
لو البعد البؤرى متر مثلا بيبقى الفرق بين السنتر الأوروبى والقمر 10 حوالى 5.2 سم
وبيبقى النايل سات علي بعد 36 سم من السنتر والعاموس علي بعد 30 سم يعنى الفرق بينهم 6 سم
لكن لو الطبق غويط والبعد البؤرى 75 سم مثلا
بيبقى الفرق بين الأوروبى فى السنتر وال 10 شرق حوالى 4 سم
والفرق بين النايلسات والعاموس برضه 4 سم
فتجد أنه كلما كان الطبق مسطح أمكن تركيب اقمار قريبه من بعضها علي مسطره وأوضح مثال لده إنك علي اطباق الأوفست المسطحه تركيب الأقمار المتجاوره أسهل
لكن طبعا فيه نقطه سلبيه للبعد البؤرى الكبير هو أن العدسه بتبقى خارجه لبره فى الهوا أكثر وده يعرضها للشوشره أكتر
بخلاف الطبق الغويط العدسه بتبقى شبه محميه من الشوشره بالطبق نفسه
مع تحياتى لك أخ عمرو ولأخى عادل

معلش الأرقام دى حسبه مسافات المسطره كمرجع لكلامى
0.04 0.052407735 3
0.27 0.3639699 20
0.23 0.305730407 17

يا أخى العزيز سبق الرد علي سؤالك فى هذا الإقتباس من المشاركه السابقه

وفى الصوره التاليه تركيبه لأخ سودانى نشرت فى منتدانا الإسبوع الماضى وترى فيها كم تسع المسطره من العدسات نظرا لأن الطبق مسطح جدا كما ترى
http://im59.gulfup.com/y1op57.jpg