للأسف ما ينفعش أخى محمود تجمع بين الهسباسات وأسياسات بموتور عادى لازم موتور H to H يعنى من الأفق للأفق
لكن لو آسيا سات مهم بالنسبه لك ممكن تعمل الآتى
اولا تستغنى عن أى قمر بعد النايلسات زى الجزائرى والهسباسات ، أو لو حتى عندك طبق صغير خاص بالنايل سات يكون أحسن
ثانيا : تقلب وضع الموتور بدل من أن يكون علي اليمين من خلف الطبق تثبته ع الشمال
ثالثا : تطول الفلانشه المثبت عليها الموتور من 10 إلى 15 سم علشان يقدر الموتور يرفع الطبق بعد مايوصل لآخره من ناحيه الغرب اللى حيكون النايلسات إن شاء الله
رابعا يكون بدايه عداد الموتور هو آسياسات ونهايته هو النايلسات ولو قبل كده يكون أفضل
والله أعلم

اللهم آمين
المشكله يا أخى مش فى مشوار الموتور
يعنى لو ابتديت من أول قمر فى الغرب ممكن الموتور يوصلك لآسياسات لأنك كل ما اتجهت ناحيه الشرق اى حركه صغيره فى الموتور بتدى زاويه أكبر فى الطبق
وبيحصل مع بعض الإخوه إن الطبق يسقط لموضع الآسياسات بسبب فتح الليمت أكتر من اللازم فيسقط الطبق ولا يستطيع الموتور إعادته إلا بمساعده
لكن المشكله إنه لما الطبق بيبقى عند الآسياسات بيبقى شبه رأسى ، والموتور تقريبا ملامس الماونت وزاويته مع الطبق حاده جدا
فلا يمكن فى هذا الوضع رفع الطبق من هذا الوضع إلى ناحيه الغرب مهما كانت قوه الموتور
السؤال الثانى
يمكن تثبيت فلانشه الموتور ناحيه اليمين كما يمكن تثبيتها ناحيه الشمال وستجد مكان تبادلى لمسامير الثبيت ناحيه الشمال كما فى الصوره
والطريقه هى أن تقلب الفلانشه كما تقلب صفحه كتاب وتثبت الفلانشه فى المواضع 3 ، 4 بدلا من 1 ، 2
تحياتى لك وتمنياتى بالتوفيق

أهلا بيك أخى حماد
وماله لم تمسك علي نقطه أو اتنين كل يؤخذ من كلامه ويرد إلا صاحب هذا المقام
بالنسبه للبولار ماونت اللى تحت نوكيا او ecc او بنجامين أو مايشبههم
يمكن قلب دراع الموتور زى ماقلبنا الفلانشه يعنى زى مابتقلب صفحه الكتاب وستجد الدراع متماثل حول محور الطبق
يعنى حتفك المسمارين اللى مثبتين الدراع وتفك مسمار جلبه المحور وتقلب الدراع
أما بالنسبه للبولار اللى عليه الشرح وهو ممكن يكون برفكس أو ecc لأنه متوفر فى الإثنين البرفكس الجديد وال ecc
إما تخرم الدراع المقابل فى الناحيه التانيه
أو تفك الدراع المثقوب علي اليمين وتنقله بدل الدراع المصمت ع الشمال
وبالنسبه للأطباق المحترمه
أظن إنى لقيت فى بعض الأطباق الأمريكى ثقب فى الدراع الشمال مماثل للثقب فى الدراع اليمين
وبعدين ده كان روتين بنعمله أيام الأنالوج علشان نتفرج علي الآسياسات يعنى أنا باتكلم من الذاكره ووارد جدا إن ذاكرتى تخونى وحد م الإخوه ينبهنى.
المهم الأخ محمود ياخد الفكره ويحاول ينفذها وكل ماتقابله مشكله نقعد نتكلم أنا وانت وهو واللى يحب يشارك فى مواضيع جديه ،وفيه مثل باقوله دائما : لا تعبر الجسر قبل الوصول إليه
يعنى خطوه خطوه وكلنا بنتعلم من المشاكل
تحياتى أخى حماد
وأرجو أن تكون هذه المناقشه مفيده للأخ محمود