مصراوى سات - بحبك يامصر بقلمى /عادل حجى

بحبك يامصر كلمات / عادل حجى فى 10 /12 /2014 م
بحبك يامصر
بحبك يابلدى
بحب الشوارع 00 بحب الحارات
بحب اللى جاى فى حضنك يبات
بحب اللى ضحى بدمه ومات
بحبك يابلدى يا أم البلاد
00000
عشانك يامصر ثاروا الولاد
وثورة يناير كانت للعباد
لأجل الكرامة 00 لأجل الوجود
لأجل مانصحى والخير يعود
لأجل ماتبقى 00 وتبقى 00 وتبقى قد الوجود
بحبك يابلدى يا أم البلاد
000000000
لكنك يابلدى فى لحظة اتخطفتى
ورجعتى تانى فى أيد اللصوص
لصوص سلموك وباعوا الحدود
لصوص حطوا إيدهم فى إيد اليهود
لكنك ياطيبة ولادك أسود
قامولك فى يونيه بثورة تعيد
تعيدلك تاريخك 00 تعيدلك وجودك 00 تعيد الحدود
قالوا إحنا فى يناير نفضنا الخضوع
وموش ممكن أبدا لكذاب نطيع
بحجة خلافه أو شبه دين لأمنك نبيع
ده دينك يابلدى ده دين السماحه
يهودى ومسيحى فى حضنك أمين
بحبك يابلدى يارمز الأمان
0000000
وعمرك ياطيبه مابعتى ولادك
وعمرك ماقلتى ده عسكر لئيم
ده جيشك يابلدى راعيكى وحاميكى آلاف السنين
فى قادش حماكى 00 وفى المنصورة 00 وفى أكتوبر 00 وفى حطين
وعمرى ما هـنسى يوم الجالوت
وفى شهر يونيه 00 ومن قلب جيشك خرج لك ينادى
لتحيا بلادى 00لتحيا بلادى 00 لتحيا بلادى
وقالك يامصر يا أم البلاد
هتبقى يابلدى قد الوجود