استفسار بخصوص ضعف الاشارة
 

انا موصل سلك دش الي المدخل (سوكيت) رقم 1 مباشرة من الدش .. سلك واحد ... وبعدين خدت منه وصلة الي مدخل رقم 2 و من 2 الي 3 عن طريق الحائط ... طبعا المدخل رقم 1 شغال تمام الحمد لله .... المشكلة ان في المدخل رقم 2 , 3 فيه 10-12 تردد مش شغال و الباقي شغال عادي

المسافة من الطبق لمدخل رقم 1 :: تقريبا 35 متر
المسافة من مدخل 1 الي مدخل 2 :: تقريبا 20 متر
المسافة بين مدخل 2 الي مدخل 3 :: تقريبا 5 متر

عاوز حل لاني حاليا عاوز اشغل المدخل رقم 2 او 3

و شكرا للمساعدة مقدما

رد: استفسار بخصوص ضعف الاشارة
 

السلام عليكم...حضرتك تركب قطعه 4 مخرج وتاخد منها سلك لكل مصدر هيكون افضل بكتيروطبعا هتقدر تشغل ريسيفر على اى مصدر فيهم او 3 ريسيفرات مختلفه بنفس الوقت..تحياتى

رد: استفسار بخصوص ضعف الاشارة
 

اولا شكرا لحضرتك ..
ثانيا : معني كده اني مش محتاج حاجة تقوي الاشارة نهائيا

رد: استفسار بخصوص ضعف الاشارة
 

يا شباب ... حد يفيدني ها انا كده محتاج حاجة تقوي الاشارة و لا ايه ... برجاء الرد

رد: استفسار بخصوص ضعف الاشارة
 

شكرا لحضرتك .

رد: استفسار بخصوص ضعف الاشارة
 

مش محتاج تقوى الاشارة ولا حاجة بس حكاية انك تشغل اكتر من فيشة او مدخل على طبق واحد و قطعة واحد مخرج الكلام غير عملى بالمرة و الحل زى ما قال الاخ حسام الجد انك تركب قطعة اربعة مخرج وتبقى كل فيشة على مخرج مستقل علشان ميبقاش فيه فقد فى الاشارة و يستحسن انك تخلى الكهربائى يسحب سلك مباشر من كل فيشة لحد الطبق بدون ما يقطع فى السلك