|
استفسار هاااااااام بخصوص ال ADSL
لو سمحتوا ممكن اعرف لو فى حد هنا السنترال غير عنده ارقام التليفون الارضى والكابلات اتحولت من نحاس لفايبر؟ والنت جالك بعد اد ايه لما فصل بسبب تغيير ارقام التليفونات؟؟؟ لان انا مشترك مع فودافون والنت فاصل عندى من يوم 22/9 بسبب تغيير ارقام التليفونات الارضى وتحويل الكابلات من نحاس لفايبر .. وكل ما اكلم الشركة يقولولى ان فى صعوبة فى التركيب من الشركة المصرية للاتصالات وان الفايبر بياخد وقت شوية فى تركيبه .. فا عايز اعرف هل الكلام دا صح ؟ والى حصل معاه كدا النت جالك بعد اد ايه؟ وشكرا مقدما patch_lov-
|
رد: استفسار هاااااااام بخصوص ال ADSL
شركة tedata محتكرة الفيبر في مصر للاسف هتضطر تحول ل tedata لانك مش هتعرف توصل تاني من فودافون
|
رد: استفسار هاااااااام بخصوص ال ADSL
سمعت ان اجهزة التشغيل غير موجودة الاف تى داتا
|
رد: استفسار هاااااااام بخصوص ال ADSL
انا عندى بيتم تغير الكبل القديم باجديد اللى هو الفيبر شغالين منذو شهر وعملية الانتهاء فى شهر 11 الجاى
|
رد: استفسار هاااااااام بخصوص ال ADSL
السلام عليكم بص يانجم الخط تم تغييره من نحاس لفايبر فى خلال شهرين و بعد كده تاخد اسبوعين لما ينقلوا بياناتك من الخط القديم للجديد وبعد كده تروح تى داتا غصب عنك و تشترك معاهم فى خلال اسبوعين حتى لو الشركة اللى انت معاهم بتدعم الفايبر الموضوع بيطول جدا ده لو ركبوا لك بس الحق يقال بعد تغيير الخط من نحاس لفايبر مفيش مشاكل و السرعة بتوصلك كاملة |
رد: استفسار هاااااااام بخصوص ال ADSL
بص يا باشا ... فى طريقتين للتحويل ل فايبر ... الطريقه الحاليه اللى شغالين بيها ان الخط بيبقى فايبر لغايه الكابينه و بعد كده بيبقى نحاس لغايه البيت عندك ... و دى اسوأ حاجه لسببين :
1- هتحتاج جهاز يركب فى الكابينه و ده محتكر من TE زفت 2- هتحتاج تعمل كونفجريشن للخط بتاعك و برضه المصريه للأتصالات محتكره الموضوع برضه و مبتعملوش غير ل TE زفت من الأخر عصابه و احتكار و حاجه تقرف بعد مرورى بنفس تجربتك ... للأسف غيرت من فودافون ل TE .. النت رجع فى 24 ساعه و الخط قارى سرعه 16 ميجا ... لانى مشترك معاهم فى طلقه مع انى فضلت حوالى شهر بتابع مع فودافون بعد تحويل الخط و اعرف مديرين كبار هناك ... ومكنش فى اى حل ولا حتى مده متوقعه لتشغيل الخط ... بسبب عصابه و احتكار TE مع المصريه للأتصالات اخر ملحوظه ... فودافون برقبه بتوع البليله TE فى الخدمه و نوع الراوتر و كل حاجه ... بس مفيش حاجه فى ايديهم يعملوها و بيخسروا عملا كتير بسبب احتكار عصابات الدوله ... و الموضوع بيكبر و هيتقدم شكوى رسميه بيه لوزير الأتصالات |
رد: استفسار هاااااااام بخصوص ال ADSL
اقتباس:
اما فى حالة عدم تغيير الرقم الارضى فأن كل شىء سيظل كما هو بأستثناء انك لازم تتصل بالشركه مقدمة الخدمه الخاصه بالdsl وتبلغهم بالعطل من اول يوم حتى يتم تعويضك عن فترة الانقطاع سيعود الخط الارضى اولا ثم عليك بأبلاغ شركة النت لاعادة الخدمه وده بياخد48ساعة عمل ليس من بينها العطلات الرسميه وشكرا |
رد: استفسار هاااااااام بخصوص ال ADSL
يعنى يا جماعة من رأيكم انى احول تى اى داتا وخلاص بدل ما افضل مستنى على الفاضى؟؟؟
|
رد: استفسار هاااااااام بخصوص ال ADSL
الفيبر تمام
|
رد: استفسار هاااااااام بخصوص ال ADSL
اقتباس:
لان لحد الان مفيش شركات شغاله علي الفايبر غير tedata |
رد: استفسار هاااااااام بخصوص ال ADSL
يا جماعة انا كلمت فودافون وقالولى انهم بدأوا فعلا فى توصيل الخدمة للكابلات الفايبر .. وكمان قريت على النت ان فودافون واتصالات اخدوا حق التوصيل لكابلات الفايبر خلاص .. فا انا مش عايز احول ع الفاضى ل تى اى داتا دى واقعد حوالى شهر عقبال مالخدمة تيجى .. وبعدين انا كنت مشترك معاها من كام سنة وشركة زبااااااالة جدا
|
رد: استفسار هاااااااام بخصوص ال ADSL
لو حضرتك عايز رأيي يا أستاذ ميدو :
أستني شركة فودافون أو اتصالات افضل . شركة TE Data دي شركة معدومة الضمير اساسا ولو اشتركت فيها مش هتشوف نت وهيرتفع الضغط عندك لأن ايام هتلاقي نت لاكن بطيئ جدا وايام مقطوع وايام شغال . وكمان عشان تخرج من عندهم وتنهي الإشتراك هيدوخوك السبع دوخات وتقعد اكتر من شهر تستني ال Cancelation number فأنت قضيها بوصلة نت مثلا من احد جيران حضرتك او من أي سايبر قريب من حضرتك وصل واي فاي ... لغاية ما فودافون او اتصالات تدخل الخدمة . انا حبيت اقول رأيي المتواضع لأن هنا كلنا اخوات ونخاف علي مصلحة بعض .... وفي النهاية اتمني ان حضرتك تاخد القرار الصحيح . بالتوفيــــــــــــــــــــــــــــــــق إن شاء الله . |
رد: استفسار هاااااااام بخصوص ال ADSL
مشترك فى TEdata سرعة 1 ميجا بـ 140 جنيه
النظام القديم , النت فصل شهر ونص تقريبا ً لغاية ما ركبوا الفايبر وغيروا الرقم ورجعوا النت تانى يدوب لسه النهارده المغرب بس راجع ! وكان المفروض ان الاشتراك خلص بس اخدت تعويض عن الفترة ال غاب فيها النت لأن اخر شهر ليا مستخدمتش منه كتير سرعة الداون لوود مستقرة الى حد ما http://store2.up-00.com/2015-10/1444252925391.png ال Ping قليل عن زمان بكتير بس ما زال فى تقطيع والموضوع دا محتاج اجربه على اكتر من جهاز عشان اتأكد , لأن احيانا ً الجهاز بيبقى السبب بصراحة ف ان ال ping يبقى عالى او فيه تقطيع http://store2.up-00.com/2015-10/1444252781961.png الكابلات فايبر لغاية الكابينه اللى بعيده عن البيت بحوالى 100 متر تقريبا ً انما واصلنى سلك نحاس ف النهاية |
رد: استفسار هاااااااام بخصوص ال ADSL
لو ال ping الي عند حضرتك ده اثناء التحميل من الdownload manager يبقي حلو .
لاكن لو مش بتحمل حاجة ولا مستخدم اي صفحة نت والبنج كده .... يبقي فيه حاجة مش مظبوطة خاااالص . |
رد: استفسار هاااااااام بخصوص ال ADSL
تى داتا تمام 8 ميجا بدون استخدام عااااااااااادلhttp://www.3rbz.com/image194369.html
|
| الساعة الآن 06:34 AM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd