ارجو المساعدة smart tv webos & web server
 

ارجو المساعدة تشغيل web server لرسيفر ترومان بيريمير
على شاشة lg smart tv webos
مباشرة
انا جربت لكن شاشة سوداء

حاجة تانية انا الاب توب بتاعى يدعم خاصية intel widi
الى هيا عكس الاب على تلفزيون lg عن طريق الوافاى
عند تشغيل البرنامج على الاب تظهر الشاشة وعند الضغط عليها يظهرلى
pin: {pin} على الشاشة

المفروض يظهربدل {pin } 8 ارقام ليتم الاتصال بين الاب والشاشة
لكن لاتظهر
ارجو الرد وشكرا مقدما

رد: ارجو المساعدة smart tv webos & web server
 

انت قصدك اخى ان الشاشة موصلة بالنت ولها ايبى من الشبكة
ودخلت على متصفح الشاشة وعملت الخطوات وفتحت معاك لكن شاشة الفيديو سوداء
يبقى مفيش فلاش بلاير مدعوم على الشاشة
ولو متصفح الفايرفوكس مدعوم عندك حاول تجرب عليه كدا وتشوف النتيجة
لكن اخى النقطة الثانية الخاصة باالاب فمش عارف حلها بصراحة

رد: ارجو المساعدة smart tv webos & web server
 

جزاك الله خيرا يا بشمهندس محمد فعلا دخلت على الايبى من الشاشة من متصفح الشاشة
وعند اختيار قناة مش بتشتغل
لكن اليوتيوب شغال عادى على متصفح الشاة اعتقد المشكلة ان مفيش برنامج vlc

ومشكور مرة تانية يا بشمهندس

رد: ارجو المساعدة smart tv webos & web server
 

اليوتيوب ال على الشاشة دا عبارة عن تطبيق وهو بيشغل المقاطع لان التطبيق نفسة بداخلة الفلاش بلاير
اما حتى لو عندك برنامج VLC فلابد ان تقوم بتطبيقة مع المتصفح وهذا صعب للشاشات وهى مش زى الكمبيوتر او متصفح الكمبيوتر على العموم اخى فى متصفحات بتدعم الفلاش بلاير دايركت حتى على الشاشات واتمنى انك تجرب الفايرفوكس وقولى النتيجة

رد: ارجو المساعدة smart tv webos & web server
 

شكرا يا استاذ محمد على ردك
الغريب انى جربت متصفح الشاشة شغل اليوتيوب بعيدا عن التطبيق
لكن مفيش متصفحات تانية على الشاشه

رد: ارجو المساعدة smart tv webos & web server
 

بص يا استاذنا علشان الحاجة تشتغل بتحتاج توافق اكتر من بلاجن فى وقت واحد واهمهم ال vlc لكن الشاشات بيبقى موجود عليها فلاش بلاير بس وده مش كفاية علشان يشغل الخدمة

رد: ارجو المساعدة smart tv webos & web server
 

مشكور يا بشمهندس حازم يعنى كدة بعض الشروط مش متوفرة فصعب تشتغل على الشاشة مباشرة

رد: ارجو المساعدة smart tv webos & web server
 

بالظبط لان ترجمة الاشارة اللى خارجة من الرسيفر او عن طريق الرسيفر بتحتاج معالجة معينه كما لو كان عندك كارت شاشة لكن الفيديوهات الموجودة على الانترنت كلها مصممة علشان تشتغل على الفلاش وغالبية امتداداتها flv or mp4 علشان كدة الشاشة مش بتشغله
وبعدين انا لا بشمهندس ولا حاجة ولا ليا علاقة بالموضوع ده من قريب او من بعيد دى بس هواية لكن انا صيدلى

رد: ارجو المساعدة smart tv webos & web server
 

السلام عليكم ورحمة الله
ما شاء الله تبارك الرحمن على دكتور حازم موسوعة لكل تفصيلة للجهاز
بارك الله له في كل نية وعمل ونفع به

عن فكرة توصيل اللابتوب بالتلفاز
بالأمس ذكرنا كم نقطة يا أستاذي الفاضل
ونسيت ذكر نقط إضافية وهي التأكد من تحديثات وندوز كذلك

نأتي للخطوة التالية إذا لم يتم التشغيل بالشكل المطلوب رغم تحديث التلفاز ووندوز وتعريفات كروت الشبكة والشاشة وكذلك تحديث برامج الشبكة والتأكد من أن تشفير الشبكة وجدار الحماية لا يعيقان التواصل
ما العمل ؟؟

نذهب إلى المسار C: \ Program Files \ Intel Corporation \ Intel WiDi \ WiDiapp.exe

ونضغط بزر الفأرة الأيمن على WiDiapp.exe
ونختار خصائص ومن النافذة التي ستظهر نختار compatibility أو التوافقية وبالخيار الثاني compatibility mode نفعله ونختار أن تكون التوافقية مع Windows 7 ثم نضغط OK
فنقوم بعدها بتشغيل البرنامج Intel WiDi app فيعطينا خيارين نتبع الثاني ونكمل الخطوات المعروضة حتى ننشيء إتصال مع التلفاز
وإن شاء الله سيتصل

وإذا لا سمح الله لم يفعل يوجد حل أخير سأكتبه لحضرتك بعد ما تنتهي من الخطوات السابقة

ملاحظة: أرجو أن لا تقوم بتخطي أي نقطة قبل الأخرى حتى تكتمل الأمور بالشكل الصحيح
فقد قرأت الشيء الكثير من الشكاوى لنفس مشكلة حضرتك وأغلب حلولها - ليس الكل -نتجت عن وجدود خلل في أحد المتسلسلات السابقة.
ولي عودة من بعد تحديثك للمستجدات
إن شاء الله
وفقك الباري وسهل أمرك .

رد: ارجو المساعدة smart tv webos & web server
 

جزاك الله خيرا جربت حكاية التوافق نفس المشكلة لكن نفس المشكلة
مشكور لتعبك واهتمامك يا اخ محمد

رد: ارجو المساعدة smart tv webos & web server
 

الله يجزاني ويجزاك كل خير ويتم عليك رضاه وعفوه يا أستاذي الغالي

لا يأس مع الحياة
لنجرب حل أخر

أرجو إتباع الخطوات السريعة التالية من
هنا

فإن عملت فنعم بها وإلا نعاود البحث عن حل أخر

تقبل تحياتي لشخصك الكريم .

رد: ارجو المساعدة smart tv webos & web server
 

هجرب ولينا عودة ان شاء الله
تسلم

رد: ارجو المساعدة smart tv webos & web server
 

بإذن الله وإنت طيب يا أستاذي الغالي

سلمك الله من كل بأس ووفقك في كل أمر .