لو حضرتك عادة بتعمل بحث أعمى مش حتفرق معاك
لكن لو تحب تنزل تردد معين فوق 11700 فلابد أن يطابق الإختيار فى الريسيفر البيانات علي العدسه
فلو العدسه 9750/10600 يبقى تختار نفس الرقم علي الريسيفر
والفكره إنه زمان ماكنش فى إلا نطاق ترددى واحد هو 10750-11750 ميجا وبالتالى كان فى العدسه مذبذب واحد هو 9750 ميجا
والفكره فى وجود مذبذب قريب من ترددات الإستقبال هو أنه لا يمكن أن يتحمل سلك الدش ترددات أكثر من 2000 ميجا
فالعدسه بتطرح تردد المذبذب من تردد الإرسال
فلو تردد قيمته 11250 ميجا مثلا عند إستقباله فى العدسه تطرح منه 9750 ميجا يبقى الخرج اللى ماشى فى السلك عندك 1500 ميجا
وهو تردد ممكن سلك الدش يتعامل معه بدون فقد كبير
لكن
عند ظهور نطاق ترددى جديد فى التسعينات من 11750-12750 ميجا ماكانش فى استاندرد أو مواصفات للعدسه يلتزم بها الجميع
فهناك من أنتج عدسات بمذبذب تردد عالى قيمته 10600 وهناك من أنتج عدسات بمذبذب عالى قيمته 10750 كشركه استرونج مثلا
وهناك من خصص 13/18 فولت للتحويل من ترددات منخفضه لعاليه ويعتمد علي بولاريزور منفصل لتحديد القطبيه رأسى / أفقى / دائرى يمين /دائرى شمال
ثم إستقر الأمر أخيرا علي
مذبذب الترددات المنخفضه " 10750-11750 " تردده 9750 ميجا
مذبذب الترددات العاليه " 11700-12750 " تردده 10600 ميجا
التحويل من رأسى لأفقى بالفولت 13 فولت للرأسى 18 فولت للأفقى
التحويل من الترددات المنخفضه للعاليه بإشاره 22kHz
وصارت هذه هى الإستاندرد أو ما يعرف بمواصفات العدسه العالميه Universal LNB

طيب ماذا يحدث لو ضبط الريسيفر علي 10750 ميجا والقطعه مواصفاتها 10600 ميجا
لو عملت كده حيحصل ترحيل فى كل الترددات العاليه فقط بقيمه 150 ميجا اللى هى الفرق بين 10750 ميجا و10600 ميجا
وحتلاقى التردد بتاع القنوات التعليميه " أول ترددات النايلسات الحقيقيه " اللى هو11747 ميجا حيتستقبل بدلا منه تردد11597 ميجا اللى ممكن يكون عليه محطات تانيه أو مش مستخدم أصلا
والله أعلم