|
كيفية تنظيف الموتور من الداخل بسبب الصدأ والقفش وتظبيطه
السلام عليكم ورحمة الله وبركاته
لدي 3 مواتير مقاس 24بوصة واحد راكب علي طبق 180 ecc واحد راكب علي طبق 180 prifix واحد مركون لانه ناشف وقافش و مصدي ومش عارف اعمل له ليونة زي الاول اللي علي الطبق الecc بدأ يعطيني n5 او ns علي شاشة وحدة التحريك قمت قلبت السلوك الاربعة بكل الطرق سواء داخل الموتور او وحدة التحريك ولكن بلافائدة ونفس المشكلة ياريت اعرف حل المشكلة ايه لموتور الطبق ecc و حل الموتور القافش ومصدي ايه ولكم كل التحية و التقدير وكل العام و انتم بخير |
رد: كيفية تنظيف الموتور من الداخل بسبب الصدأ والقفش وتظبيطه
موتور الطبق prifix بيرحل عن موقع الاقمار
و لازم استخدم و حدة التحريك تكة تكة للوصول لموقع القمر ياريت الحل ايضا |
رد: كيفية تنظيف الموتور من الداخل بسبب الصدأ والقفش وتظبيطه
صلي علي النبي انتا هتفك المسمار بتاع الدراع هيطلع الدراع لوحدة هتاخدة وتروح علي المخرطه قوله خرجلي الدراع من الجراب هيخرجه هتلاقي جوة بليه قافشة هات زيها وركبها ومبروك عليك
|
رد: كيفية تنظيف الموتور من الداخل بسبب الصدأ والقفش وتظبيطه
مشكلة الماتور اللى بيعطى رسالة n5 او ns
ممكن يكون محتاج تغير السنسور الخاص بيه اذا كان بيتحرك تكه ويقف |
رد: كيفية تنظيف الموتور من الداخل بسبب الصدأ والقفش وتظبيطه
اقتباس:
كل سنه وحضرتك طيب أخى العزيز أبو علي رجلك خفت هنا بقى لنا مده لم نسمع منك فى قسم التركيبات شوف أخى الكريم بالنسبه للموتور القافش حضرتك حتراجع المشاركه اللى فى الرابط علشان تعرف منها إزاى تفك الموتور وتشحمه وإذا كانت البليه إزاى تغيرها ولو عايز تعمل صيانه للموتور من غير ماتفكه من الدش حتعمل نفس الخطوات حتفك العلبه من مسمار 14 ثم تفك الجلبه بالميزلونجه وتضغط الدراع لأسفل يخرج الدراع بقلاووظه بتيشه وتلينه وتشحمه براحتك الأول راجع المشاركه وبعدين نتكلم كل عام وحضرتك بخير http://www.masrawysat.com/vb/showpos...97&postcount=7 |
رد: كيفية تنظيف الموتور من الداخل بسبب الصدأ والقفش وتظبيطه
تحيتي لكل الاخوة الافاضل المشاركين بموضوعي
ويا حاج شريف انت متابعني لله في لله و انا بعزك و احبك في الله ورسوله والحمد لله انا مصاب من نصف مايو الماضي بحادث و منتظر ان شاء الله الاحد القادم اجراء عملية تركيب شرائح ومسامير بالكتف الايسر وطبعا ممنوع من الحركة حتي يوم اجراء العملية و سيقوم زميل لي باجراء كل شئ تطوعا المهم دعواتك لي بالشفاء و دعواتك للجميع بالخير والسعادة |
رد: كيفية تنظيف الموتور من الداخل بسبب الصدأ والقفش وتظبيطه
كل الشكر لاخوتي في الله
الاستاذ محمود عبدالنبي و الاستاذ احمد حسن جزاكما الله خيرا |
رد: كيفية تنظيف الموتور من الداخل بسبب الصدأ والقفش وتظبيطه
اقتباس:
شفاك الله وعافاك أخى الكريم هو وحده القادر على إزاحة هذه الغمه ، إصبر أخى العزيز وسلم أمرك لله فلا ملجأ لنا إلا هو |
رد: كيفية تنظيف الموتور من الداخل بسبب الصدأ والقفش وتظبيطه
اللهم لك الحمد في السراء و الضراء
يا حاج شريف سؤال فني هو مسمارين الموتور اللي بيربطوه بالاستاند و الحلة بربطهم جامد ولا مهوي عليهم لان انا بصراحة سايبهم مهويين خالص ولكن الهسباسات طار من كام يوم و الايراني62شرق طار هو كمان فهل اربطهم جامد و اقرط عليهم ولا ايه واخر طلب ياريت صورة لكل مسمار علي حدة وتقولي ترتيب الورد و الدبل و الصواميل من فوق لتحت لان انا بصراحة مليت من كتر ظبطي للمدار ولما اركب الموتور يقوم مرحل وش الطبق عن المدار ويطير بعض الاقمار اسئلتي كتير و ربنا يجازيك خير |
رد: كيفية تنظيف الموتور من الداخل بسبب الصدأ والقفش وتظبيطه
شفاك الله وعافاك عاجلا
|
رد: كيفية تنظيف الموتور من الداخل بسبب الصدأ والقفش وتظبيطه
1 مرفق
اقتباس:
مرحبا بك أخى الكريم ابو على بص ع الصوره دى http://www.masrawysat.com/vb/attachm...1&d=1465802597 حتلاقى المسمارين اللى بييجوا مع الموتور زى الصوره تمام مسمار 19 ، ورده عاديه ، وردة زنق ، دبله ، صاموله بلوك بلاستيك يتركبوا كالتالى مسمار يركب من فوق البليه بتاعة الدراع أو الماونت تحته ورده عاديه تحتها وردة زنق تحتها البليه بتاعة الموتور تحت البليه وبينها وبين الدراع الدبله علشان تبعدها عن الدراع أو البولار تحت الدبله الدراع أو فلانشة الماونت تحت الدراع أو فلانشة الماونت صاموله لوك بلاستيك ، أو صامولتين متكنترين علي بعض الربط يكون مهوى أو محكم : الربط يكون بإحكام شديد طيب المرونه حتيجى منين مع الحركه : المرونه فى البلى المفروض يتحرك معاك ويميل فى جميع الإتجاهات مع الحركه ولذا يلزم تشحيمه بإستمرار او بإستخدام مزيل صدأ طيب هل الموتور بيركب فوق الدراع وفلانشة الماونت ولا تحتهم ؟ فى معظم الأحوال ماعدا ال ecc240 الموتور بيركب فوق فلانشة الماونت وفى كل الأحوال بيركب فوق دراع تحريك الحله ماشى هل الموتور بيكون جزء الكهربا الصغير فوق والا تحت علشان المطر ؟ الموتور لما يركب بيكون فتحاته تحت فتحة الكابل وفتحة التزييت وبيكون موتور الكهربا فوق والدراع الطويل تحت طيب ليه لما الموتور بيركب المدار بيرجع محتاج ضبط تانى ده ممكن يكون سببه مسمار الميزان المفروض يتربط هو كمان بحيث الحله ماتلبش معاك أو يكون فيه أى بوش فى تركيبة الطبق مسمار الميزان يتربط ازاى : تفك الموتور وتربط المسمار بحيث مايزنقش ع الحله لكن يكون محكم وتربطه بصامولتين علشان مايحلش مع حركة الحله نضبط المدار بالموتور أو بدونه : يفضل بالموتور يدوى يعنى تلم الموتور ع الآخر بالبوزشنر وبعدين تفك العلبه منه بمسمار 14 اللى مثبت دراع الموتور بالعلبه وتحرك الطبق عن طريق بنسه فى تيلة دراع الموتور من تحت أو مفتاح مشرشر صغير اسيبك لغاية هنا علشان ماتقلش عليك ولو فيه حاجه مش واضحه إحنا مع بعض تمنياتى بالشفاء وتمام الصحه والعافيه أخى ابو على وكل عام وحضرتك بألف خير |
رد: كيفية تنظيف الموتور من الداخل بسبب الصدأ والقفش وتظبيطه
اعتقد يا حاج شريف
ان بعد شرحك السلس ده لو انا معرفتش اظبط طبقي يبقي اروح ابيع الاطباق بالريسيفرات وارجع للاريال الارضي هههههههههه عن نفسي الكلمات تعجز عن نطق اجمل مشاعري لك فلندع القلوب تدعو بما يعجز اللسان عن قوله اللهم دع لاخي الاكبر الحاج شريف نصيب من دعواتي و كل الاخوة المحترمين اللهم اجعل حياتنا كلها رمضان ، لتكون اخرتنا لنا عيد |
رد: كيفية تنظيف الموتور من الداخل بسبب الصدأ والقفش وتظبيطه
اقتباس:
جزاك الله خيرا يا غالي |
| الساعة الآن 09:40 PM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd