مشكلة جننتنى عن WebOs مش لاقيلها حل
 

المشكلة ان اى تليفزيون Lg WebOs بوصل فيه هارد خارجى يو اس بى مش بيقرا عليه اذا كان هارد اكسترنال او هارد لاب محطوط فى راك فى حين ان الهاردين شغالين على شاشاة LG تانية بس مش WebOs والفلاشة شغالة على الاتنين ايه السبب مش عارف هل فى حل ؟؟؟؟؟

رد: مشكلة جننتنى عن WebOs مش لاقيلها حل
 

اخى الكريم
انت بتقول(اى تليفزيون Lg WebOs)
هل جربتة على جهاز اخر Lg WebOs غير جهازك
ثانيا ممكن يكون فى تطبيق او اعداد لتشغيل الهاردات
لانى بحثت لك على النت ملقيتش اى شرح
بس شوفت ردود لناس بتأكد ان الهارددات شغالة على الشاشات الاسمارت Lg WebOs
على العموم حبحث تانى وافيدك بالاجابة ان شاء الله

رد: مشكلة جننتنى عن WebOs مش لاقيلها حل
 

السلام عليكم ورحمة الله وبركاته :

أرجو من حضرتك تتبع الخطوات التالية -والتجربة بعد كل خطوة -

1- التأكد من أن الهارد دسك لا يحتوي على برنامج إقلاع ذاتي (( AutoRun)) بإمتداد .exe - أحياناً يكون مخفي -

2- عمل فحص للأخطاء للهارد بواسطة الكمبيوتر ((كما بالرابط التالي )) :

https://support.microsoft.com/ar-sa/kb/2641432

3- قد يكون سلك الـ يو اس بي لا يغذي الهارد بالقدر الكافي من الكهرباء .. فأرجو تجربة سلك أخر .

4- وهي الخطوة الأصعب .. فرمتة الهارد والأفضل يكون بنظام NTFS ويفضل إستخدام البرنامج الخاص بذلك من الشركة المصنعة - إن وجدت في موقعهم على الإنترنت - أو إستخدام هذة البرنامج :
http://www.partition-tool.com/download.htm

وقبل العملية الأخيرة - إذا كان الهارد يحتوي على ملفات مهمة - أرجو أن تخبرنا بما يستجد معك يا غالي فقد نجد حل أخر - فالأساتذة هنا ما شاء الله عليهم فيهم الخير الكثير والعلم الغزير - .. والله يكتب لك التوفيق .

دمت بخير والمعذرة على التقصير.

رد: مشكلة جننتنى عن WebOs مش لاقيلها حل
 

المعذرة نسيت نقطة ..
إذا كان جهازك يحتوي على أكثر من منفذ يو اس بي .. أرجو تجربة المنفذ الأول
USB 1 PORT

بالتوفيق .