|
تكملة لموضوع عدم وجود اشارة لكارت Tevii S662 على ويندوز
السلام عليكم عندى مشكلة على كارت Tevii s662 وويندوز 10 انا حملتلوا كذا تعريف بس برضوا مش عايز يجيب قنوات خالص جربت كذا تعريف منهم الى بيعرف الجهاز عاد بس اجى اعمل بحث على القنوات يقولى في اشارة بس مفيش ولا قناة بتنزل خالص مع انى جربت الطبق الاشارات كلها ممتازة ومش عارف اعمل اية تانى ؟ انا جربت التعريف الى موجود هنا ونفس المشكلة الاشارة موجودة والكارت متعرف بس مفيش قنوات بتتحمل خالص ؟ وجربت على كذا ويندوز 7 و 10 وبرضوا مفيش حاجة شغالة فيهم خالص التعديل الجديد انى جربت انزل ملف قنوات على كل البرامج الى استخدمها بروج او دريم او ماى ثيتير او اي حاجة تانية وكلوا مرفق بالصور وكلوا برضوا مشتغلش الاشارة موجودة على القنوات بس مفيش اى حاجة شغالة وكنت وضحت قبل كدا فى المشاركة المغلقة انى اتكلمت مع الشركة الخاصة بالكارت وقالولى ان دة ممكن يكون عيب تعريف بس محدش فيهم لسة كلمنى تانى وبرضوا بعتلهم الفيديوا والصور دول ونفس المشكلة انا فعليا مش عارف اية المشكلة وللحفاظ والتسهيل على كافة الاعضاء والمشرفين للمساعدة انا جربت الدش بتاعى على الرسيفير المنزلى Dream box 800 مع طبق برفيكس 180 سم وقطعة فوجى والاشارة زى ما حضرتكم شوفتوا كدا فانا كدا غالبا معنديش مشكلة خالص فى الطبق بتاعى ولا فى امكانيات الاب توب وكلمت الوكيل قالى ان الكارت بيشتغل عادى مع ويندوز 10 وهو شغال عندهم على ويندوز 10 من التعريف الى موجود عالموقوع وعرفتوا زى ما فى الصور كدا بس مش عارف مش شغال لية لحد دلوقتى برجاء الافادة من الخبراء اترككم مع الفيديوا والصور https://youtu.be/Rd0SdoG7JWU http://imgur.com/a/vxxzX/zip |
رد: تكملة لموضوع عدم وجود اشارة لكارت Tevii S662 على ويندوز
وعليكم السلام ورحمه الله وبركاته
شوف الصوره دي هتلاقيها نفس مشكلتك ودي من جهازي https://f.top4top.net/p_4846zpem1.png |
رد: تكملة لموضوع عدم وجود اشارة لكارت Tevii S662 على ويندوز
المشكله اللي حضرتك ذكرتها نفس الصوره اللي انا رفعتها
وبرده الاشاره بتوصل للاخر في النوعيه ( اللي هي جوده التوصيل ) طيب ايه سبب المشكله ؟؟ بعد ما شفت الفديو بتاعك عرفت ع طول الحمد لله ان المشكله في الادبتر عندك انا خلعت الابتر بتاعي من الكرت وصورتلك الصوره دي هما احتمالين الاول انه يكون مش راكب كويس وفتحة الفيشه واسعه عليه التاني انه يكون تالف اصلا ومش موصل اي تاير للكرت الحل انك تتاكد الاول انه متوصل كويس بالهربا و وتشغل لو مشتغلش تجي مفك تست وتشوف وتوصل الادبتر بالكهربا وتشوف وناحيه مدل الكهربا للكرت تشوف الابتر موصل كهربا ام لا لو معندكش مفك خد الابتر لاي فني اليكترونيات يقيس بيخرج كام |
رد: تكملة لموضوع عدم وجود اشارة لكارت Tevii S662 على ويندوز
طيب يا مستر وليد انا عندي مشكله علي نفس نوع الكارت ومش لاقيلها حل لحد دلوقتي
انا الفيدات بلقطها علي 7 شرق مثلا وجايبه معايا اشاره كويسه وبتعدي ال 60% واجي ابحث يقولي مفيش قنوات بتنزل ومع ان الاشاره موجوده انا كل اللي عاوز اعرفه العيب فين في الحكايه دي اتمني حضرتك تقولي المشكله فين وشكرا ليك |
رد: تكملة لموضوع عدم وجود اشارة لكارت Tevii S662 على ويندوز
طيب تمام يا استاذ ابراهيم انا فعلا جربت ادبتور تانى بس كان 12 v و 2 امبير بس برضوا نفس المشكلة انا انهردة وديت الجهاز للتوكيل فعلا وهو جرب كل حاجة من عندوا وقالى ان المشكلة فى الكارت نفسوا وهيشوفوا ويرد عليا يوم الاربع باذن الله وبالنسبة للاستاذ البلعوطى انا سئلتوا والله على مشكلتك وقالى مش مشكلة طالما فى الضمان خلية يجيبوا ونشوفهولوا ولو فى مشكلة هيكشفوا عليها ويقولولك |
رد: تكملة لموضوع عدم وجود اشارة لكارت Tevii S662 على ويندوز
استاذ ابراهيم الصورة الى حضرتك رفعتها مش موجودة لو ممكن بس ترفعها تانى علشان اشوف حضرتك تقصد اية ؟
|
رد: تكملة لموضوع عدم وجود اشارة لكارت Tevii S662 على ويندوز
تسلم يا استاذ احمد ربنا يبارك فيكي
بس المشكله ان انا مش من القاهره ومش عارف اصلا الضمان فين بس لما حضرتك سالته قالك ممكن يكون العيب فين وياريت لو تقولي فين التوكيل ده |
رد: تكملة لموضوع عدم وجود اشارة لكارت Tevii S662 على ويندوز
انا سئلتوا والله وقولتلوا المشكلة مش فى القنوات العادية المشكلة فى الفيدات الاشارة موجودة بس القناة لا تعمل قالى بس خلية يجيبوا لو فى الضمان وانا مش عارف والله هل ممكن احط العنوان ولا انا عارف ان الارقام مش موجودة بس بسيطة انت ممكن تبعتوا تبع اى شركة شحن وتشوف بس الاول اعمل زى ما استاذ ابراهيم بيقول وان شاء الله تتحل حتى من غير ما تبعت او تتعب نفسك |
رد: تكملة لموضوع عدم وجود اشارة لكارت Tevii S662 على ويندوز
ولا يهمك ربنا يبارك فيك
وعالعموم انا مستني استاذ ابراهيم يقولي المشكله فين عندي انا عندي القنوات شغاله عادي وبالنسبه للفيدات بلقط فيدات الدوري الاسباني اما بالنسبه لفيد التنس علي 7 شرق بتاع بطوله برشلونه حاولت كتير القطه وجاب معايا اشاره ولما جيت ابحث عن القناه قالي لا توجد قنوات اتمني استاذ ابراهيم يقولي ده ليه عشان اعرف واشوف هعمل ايه جزاك الله خيرا استاذ ابراهيم |
رد: تكملة لموضوع عدم وجود اشارة لكارت Tevii S662 على ويندوز
استاذ بلعوطى شوف كدا الموضوع دة يمكن يفيد حضرتك بحاجة ؟
|
رد: تكملة لموضوع عدم وجود اشارة لكارت Tevii S662 على ويندوز
تسلم استاذ احمد بس انا اصلا مش عارف اسطبه ازاي
ربنا يبارك فيك يا غالي |
رد: تكملة لموضوع عدم وجود اشارة لكارت Tevii S662 على ويندوز
انهردة كلمت الوكيل وقالى ان المشكلة فى التيونر وانى عايز يتغير ودة بتمن الجهاز ومش عارف اعمل اية دلوقتى بس انا مستغرب من الكلام دة لانوا لو المشكلة من التيونر اكيد مكنش هيشوف اشارة اصلا ولا انا كلامى غلط ياريت استاذ ابراهيم يقولى كدا هل انا فعلا صح ولا مش ضرورى ممكن تكون اشارة وهمية ؟ |
رد: تكملة لموضوع عدم وجود اشارة لكارت Tevii S662 على ويندوز
استاذ ابراهيم انا دورت شوية فى المنتدى وكنت شوفتها قبل كدا بس مركزتيش فيها فعلا بس فى عضو عندوا نفس مشكلتى كدا واستاذ @zohny رد علية الرد دة http://imgur.com/rAOp7bI هنا بس انا مش عارف اوصل استاذ للاستاذ Zohny فلو ممكن حضرتك تقدر توصلوا وهو يقولنا اية هية الحاجات الى غيرها وانا احاول اعملها يمكن تنفع زى ما حضرتوا بيقول كدا ؟ |
رد: تكملة لموضوع عدم وجود اشارة لكارت Tevii S662 على ويندوز
الول نزل برنامج الدريم وركب عليه ملف قنوات جاهز واستخدم طبق بقطعه استقبال بمخرج واحد وسلك مباشر للكرت
و اتاكد من السلك كويس وشغل برنامج الدريم وشغل اي قناه وارفع صور من واجهة برنامج الدريم تكون واضحه وشوف اذا كان فيه لمبه خضراء بتنور في الكرت عند تشغيل اي قناه ولا لاء |
رد: تكملة لموضوع عدم وجود اشارة لكارت Tevii S662 على ويندوز
استاذ ابراهيم انا عملت كل دة وصورتوا الصور الى انا بعتها دى من طبق متحرك بسلك جديد وقطعة فوجى زى ما قولت بالضبط كمان الاشارة جربتها على الدريم بوكس والاشارة 100% ونزلت كمان ملف قنوات على الدريم والبروج وفى اشارة بس مفيش جديد برضوا مش عارف اعمل اية تانى الصور الى انا حتطها كلها بعد التجربة بملف القنوات ومن غير واللمبة الخضراء بتنور لما بعمل سكان بس برضوا مفيش قنوات بتشتغل برضوا |
| الساعة الآن 12:58 PM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd