طبيعى لو حضرتك الصاموله عاديه ( بدون لوك بلاستيك ) كنتر عليها بصاموله تانيه علشان ماتهويش وضع قبل الصاموله الأولى وردة زنق

أو ضع بعد الذراع ورده عاديه ثم وردة زنق ثم صاموله بلوك بلاستيك كما بالصوره
http://www.masrawysat.com/vb/attachm...1&d=1500821366

منور مشرفنا الكبير ابو افنان
من غير صوره أنا ممكن أخمن إن الأخ محمود عنده مشكله فى بليه العروه ، ممكن تكون قافشه ومحجره وبالتالى مهما ربط عند حركة الموتور المسمار حيلف لأن معدن الدراع طرى وحيسمح له بكده

هو صحيح مش مرتب الصواميل صح يعنى المفروض يحط الأول ورده عاديه ثم وردة زنق ثم صاموله عاديه والآخر صامولة بلوك بلاستك

ونصيحتى للأخ محمود إنه يحاول يلين بلية العروه بمزيل صدأ أوبجاز او بزيت فرامل اللى يقدر عليه
لو ما أمكنش يبقى يفك العروه لوحدها أو الموتور كله ويسخنها ع النار من الخارج لغاية البليه ماتسيب ويشحمها أو يغطيها بمزيل صدأ

كمان لازم تحت البليه بينها وبين الدراع لازم دبله سمكها اسم علشان تعطى حرية حركه للدراع بحيث إنه يتحرك يمين وشمال وفوق وتحت من غير مايحمل علي المسمار
تحياتى مشرفنا الكبير وتحياتى لصاحب الموضوع الأخ محمود

فى الحقيقه إحنا اللى لازم نشكرك علي
اولا عنوان يصف المشكله بدقه ،
عرض جيد وتفاعل مع الإشراف
ولغتك الجميله بدون أخطاء تذكر ماعدا كلمه واحده تقريبا وفى ظنى أن حضرتك قارىء جيد للقرآن الكريم

ولو زينت الموضوع بصوره فى أوله كما نصح بذلك ابو افنان كبير مشرفينا لكان عرض الموضوع نموذجيا مفيدا لكثيرين لا ينتبهون للمشكله إلا بعد تآكل الجلب وعدم ثبات الإشاره
تحياتى أستاذ محمود وتمنياتى باللقاء فى موضوعات أخرى