خيانــــــة
 

خيـــــــــانة ... كلمة صعبه
بنسمعها
وبنحسها
وبنشعرها
بتقابلنا في وشوش كتيره
ومواقف في كل حياتنا
بنخاف منها
لانها بتوجعنا
وبتهد كل شئ جميل فينا
وحوالينا
وبتطرح جوانا مليون سؤال وسؤال ,, ياتري فيه حد صادق
ياتري فيه حب اخلاص وصدق ووفاء
معاني كتيره بنشك في وجودها
الخيانه بتخلينا مانشوفهاش مع انها في كل يوم بنقابلها في ابتسامة طفل صغير
في حنان ام او عطف اب
او مشاعر اخ او اخت
بس الخيانه بتعمي كل شئ جميل
مابنشوفش مابنحسش
لاننا بنكون انجرحنا اوي
والطير الجريح مش بيعرف يطير
نفسه ضعيف
وجناحه بيخونه
اوقات بيقدر يستحمل
واوقات بيموت م الخوف
بيموت م الحزن

عشان كده بحلفكم باغلي حاجه عندكم
اوعوا تخونوا
لان الخيانه شئ صعب