|
أربعة أسئلة قبل تحديث Hivion 9090 !!
السلام عليكم ورحمة الله وبركاته ... جهازي هو .. Hivion 9090X plus ID : 07F0A126 H/W : 1.16.00 S/W : 1.11.9A ************************************************** *** ................ 2/ هل لازم أسحب سوفتوير الجهاز و ملف القنوات وأحطهم على الكومبيوتر قبل ان أحدث الجهاز ؟ ............... 3/ لو السوفتوير الجديد طلع فيه مشكلة مع الجهاز .. هل أقدر أرجع السوفت القديم الاصلي اللي كان على الجهاز قبل التحديث ؟ ............... 4/ اذا حصل معايا خطأ في عملية التحديث هل ممكن يتحرق الرسيفر وما يرجعش يشتغل تاني ؟ و أوديه محل ويركب له فلاشة جديدة وكلام من ده ؟؟؟ patch_no::: ............... و كل الشكر ليكم يا أروع منتدى ,,, مستنيكم .. |
تمام اية المشكله عن حضرتك
|
أنا أقصد هل الاربع نقاط اللي انا كاتبهم دول صح ؟؟ وبالذات النقطة رقم /4/ لأنو لو هيتحرق الرسيفر ويبقى الفلاشة اتحرقت ولازم واحده جديدة و روح دور على مهندس صيانه يفك الجهاز ويغير دي ويبدل ده .... ولفه طوييلة عشان يتصلح بقى .!! دي اهم حاجه .. و كمان عايز جواب على الاربع اسئلة .. بأيوة زي ما قلت a084KK .. أو لآ أنت غلطان يا كبتن .. ..patch_no::: وشــاكــر لحضرتك ردك وتفاعلك يــا : محمد الطوخــي باشا ,, مستنيكم |
بص ياغالى الاجابة على الاسئلة بتاعتك
1- جهازك لا يحتاج كلين لعمل سوفت جديد لان الكلين بيكون للاجهزة القديمة فقط لتغيير الايدى والاجهزة الحديثة لا يتم تغيير الايدى بها 2- يمكنك سحب السوفت وملف القنوات لو حبيت ترجع لهم فى اى وقت لان احيانا بعد عمل سوفت جديد للجهاز بيفقد قنوات وممكن تكون ليك ترتيب خاص بك ولو نزلت ملف جديد هتتعب فى ترتيبه مره اخرى ليعود كما كان من قبل فبكده هيكون سهل عليك لو الجهاز فقد قنوات يبقى ملفك موجود على الكمبيوتر 3- السوفت الجديد مبيكونش فيه مشاكل لان الشركات بتنزل السوفت علشان ترفع من كفائة الاجهزة مش علشان يكون فية مشكلة ولو حبيت ترجع للسوفت القديم هتعمل كلين مرة واحدة وبعدين هتنزل السوفت اللى سحبتة قبل كدة 4- اجهزة الاسترا والعائلة تتميز عن باقى الاجهزة بانها لاتقبل سوفت خطا لو حبيت تحمل اى سوفت خطا اللودر هيدى رسالة على الكمبيوتر بعدم توافق البيانات اتمنى انى اكون افدتك واى حدمة تحت امرك |
بجد أروع منتدى ,,,
شــكـــرا لـك ... م/سمير محــمــد ... بالفعل انت المشرف المتميز بقسم الاسترا .. اسم على مسمى ,, a056-- بس كمان حاجه خطرت ببالي بعدما قريت ردك الجميل ده .. .. ؟؟ انا مثلا خلاص نزلت السوفت الجديد على الجهاز وقبله (ان شاء الله) ... يبقى السوفت القديم راح فين ؟؟ بمعنى آخر :... لما انزل سوفت حديث الشهر ده مثلا ... وبعد كم شهر يطلع واحد .. وأقوم أحدث و أنزله .. وبرضو بعدييين مثلا السنه الجاية طلع سوفت حديث جدا ونزلته ,, وكـدة يعني ... وانا شغال انزل في ده ورى ده .. طيب ... في الحالة دي السوفتات القديمه هتروح فين ؟ لو هتتخزن في الجهاز يبقى الذاكرة حتخلص بقى !!! وحأجي مرة أحدث هيقول : الذاكرة لا تكفي !! a213-- صـح كده ولا أنا فاهم غلط ؟؟؟ ---*--- حاجه أخيرة ومهمة :: هو تحديث السوفت ده لازم كل ما يطلع واحد جديد انزله ؟؟ ولا التحديث دا بيكون مرة كل سنتين مثلا او كل سنة ؟ وشــكــرا للتفاعل الرائع ده ,,, patch_lov- |
اقتباس:
اقتباس:
هههههههههههههههه لا ياغالى طبعا الجهاز بيقوم بتنظيف الذاكرة تلقائى مع كل سوفت بمعنى اصح السوفت الجديد بيمسح القديم نهائى وبيفضل الجديد فقط اقتباس:
لا يشترط تحديث الجهاز نهائى يعنى مثلا انت عايز تشغل نايل سات فقط وجبت جهاز كامل فلا يشترط السوفت لان السوفت بيكون لرفع كفائة الجهاز وللتعامل مع ******* او لحل مشكلة فى الجهاز ممكن يكون حلها فى التحديث يعنى مثلا الجهاز بيهنج او ريستارت فبنلجا للسوفت اولا قبل الدخول فى الصيانة اما لو عندك نايل سات مش محتاج غير جهاز عادى حتى لو صينى اتمنى تكون المعلومة وصلت واستفدت منى كتير واى استفسار موجود ياغالى باذن الله |
بارك الله فيك يا أخي العزيز .. .. انا تعبتك ..بس عشان دي اول مرة أحدث... فياريت تستحمل اسئلتي الكتيرة دي .. M-Dg في حاجه كدا ظهرت لي لما نزلت الملفات امبارح .... اولا انا كنت بأتصفح في المنتدى ولقيت موضوع وفيه حد بيطلب سوفت بيشغل شيرينق للهايفيون بتاعي دا نفسه .. وبيانات جهازه هي : ID : 07F0A126 H/W : 1.16.00 ..وقام واحد من المشرفين اداله السوفتوير اللي طلبه .... و أنا قبل كده دخلت على الموقع الرسمي للهايفيون ولقيت برضو تحديث بتاريخ 1/7/2011 ونزلته عندي ..... ودلوقتي مش عارف انهي واحد فيهم هو الكويس .. و اساميهم مش زي بعض .. فأسم السوفت اللي حملته من المنتدى ..: S7f0a126-11600-11431F.sgn و اسم اللي حملته من الموقع الرسمي للهايفيون هو ..: S7f0a126-11600-12000F.sgn --------------------------------------------- وفي كلام غريب مكتوب في مذكرة مرفقه مع السوفت اللي نزلته من موقع الرسمي للهايفيون .. و اللي هو .. : NOTICE! After you update new version of Software, you must proceed "Factory Reset" to add new satellite & TP infromation. If you don't proceed "Factory Reset" after updating software, there will be some problems of STB's function related with satellite & TP information (e.g. SCAN) ++++++++++++++++++++++++++++++ ياريت تديني رأي حضرتك في المكتوب ده ؟؟ ومعلش على الازعاج والتعب اللي سببتهولك .. بس انت فعلا ماشاء الله عليك يا م/ سمير محــمــد a056-- |
أنا في الانتظار يا أخوان ...
وجزاكم الله خيرا ,, |
.. اخر سؤالين بس ....!! M-Dg |
اسف ياغالى للتاخر فى الرد
بالنسبة للسوفتات السوفت اللى تم تحميلة من موقع الهايفيون هو اعلى من اللى تم تحميلة من المنتدى وده بيظهر من الرقم الاخير وهو رقم السوقت فلو تم المقارنة هتلاقى ان السوفت الموجود على المنتدى رقمة 11431 والسوفت اللى تم تحميلة من الموقع الرسمى هو 12000 وهو موجود ايضا على المنتدى فى هذا الموضوع اما بالنسبة للمذكرة المرفقة مع السوفت فمعناه انه يجب عمل ضبط مصنع للجهاز بعد عمل السوفت وبرمجة الجهاز مرة اخرى واى استفسار تحت امرك |
لا ولا تأخير ولا حاجة يا عم ,,
بس الموضوع كل شوية يبقى في الصفحات اللي ورا فأنا كنت بكتب عشان يبقى في الصفحة الاولى يعني !,,,, دا انت كفيت ووفيت في الشرح .. ربنا يكرمك ... آآآآآآآآآآآخر حاجه بقى .. الملفات اللي بيكون اسمها مثلا : SoftCam_tnt_orf.key أو example_nxgxa_boxkey.key أو SoftCam_TNTsat_07122010.key عبارة عن ايه ؟؟ وهل بتفيدني كمستخدم لنايلسات وعربسات ؟ أو حتى Eutelesat W3A 7e --&-- Turksat 42e ؟ |
أنتظر ردك حضرة المشرف م/سمير محمد ,,, :) |
زي ما قلت يا جماعه آآآآآآآآآآآخر حـــاجـــة !!!!! ياريت مساعدة منكم ,, |
هههههههههههه
طلباتك كترت يا ايمن بس مش مشكلة انت فى مصراوى سات اطلب تجاب المهم دى عبارة عن ملف ***** لباقات على اقمار اخرى وانت كمستخدم للنايل سات او العرب سات فلن تفيدك فى شئ ويفضل عدم تحميلها لانها هتكون حمل على الفلاشة بدون فائدة وفى النهاية اتمنى انك تكون استفدت منى ومن الاخوة بالمنتدى اى معلومة حتى ولو كانت صغيرة واى استفسار اطرحة بالموضوع وسوف ارد عليك باذن الله وكل عام وانت بخير رمضان كريم |
أشــــــــــــكرك على سعة صدرك ورحابتك أخي م/ سمير محمد.... ولكن زي ما قلت == اطلب تجاب == لأن ده مصراوي سات ومش غريب عليه ,, أنا كدا خلاص خلصت الاسئلة الكتيرة و الممله بتعتي ... ! انا عارف اني خليتهم 40 سؤال بدال 4 ... !!!!!! لكن انا بحب الرسيفرات و كده يعني ! .... فحبيت استزيد من بحر العلم الموجود بمصراوي سات ,,, وبالتأكـــيــد الموضوع دا انا حأحتفظ بيه كنسخه كاملة على جهازي عشان ارجع له كلما حبيت احدث الجهاز بتاعي ...... بجد موضوع رااااااائـــع !! ربنا يخليكم .... و رمــــضــــــان كريم عليكم,,, وربنا يبارك لنا في ما تبقى من شعبان ويبلغنا رمضان وكل الشكر و التقدير ... وجزاكم ربنا خيرا ,,, |
| الساعة الآن 02:16 PM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd