مصراوى سات - ما هو أفضل تعديل لعدسة أريون 35 بفيد فوجى على طبق بريفكس 180 مسطح ؟

منقول لصراحه
تعديل جديد
مخطأ من يقول أن الطبق المسطح ليس له تعديل بفيد فوجي ..وان التعديل بالفيدات الخماسية والرباعية بل السباعية النادرة اقتصرت فقط علي الاطباق العميقة
اولا يا سادة €€
السات بحر كبير وكل يدلو بدلوه والتجربة هي المحك وهي الاساس للوصول الي النتائج المرضية ..
جرب وعدل وقص بنفسك وتابع واقرأ هنا وهناك ولذة التجربة حينما تصل وبنفسك
ثانيا التعديل علي المسطح &&
يجب أن يتم بطول 8.5 ثماني سم ونصف فما فوق حتى 9سم ..ولكن كلما كان بين ال9سم وال8.5 كان أفضل حسب حجم الطبق الصافي ووعمقه
هناك اطباق مسطحة عمقها 22.5 وهناك 23.5
حضرتك اذا كان عمق الطبق 22 ل22.5 هايكون تعديل عدستك 8.5 ل8.6 ..واذا كان عمق الطبق 23 ل 23.5 هايكون تعديلك 8.6 سم ل8.7 سم
طب انا بقول ليه 9 سم
عشان فيه اطباق مسطحة تحت ال25 عمقها
يعني 24 ل 24.5
كل ما كان عمق الطبق اكتر كل ما بتزود في التعديل
والمللي الواحد بيفرق
وتخلي بالك انك تشيل الجزء البارز من فيد الفوجي الصغير عشان الحلقات كلها تبقي متساوية
ثالثا
التعديل قمت بتجربته علي عدسة انفرتو البيضا 2 مخرج وفيهم مخرج ذهبي
انا جبت العدسة من صديق ليا محترم Emad Saleh
بعد ان شكر فيها الدكتور محمود النبوى
وفي الاول قصيت حلقة والنتائج عادية
قصيت حلقتين ولم يتغير شيئ
قصيت الفيد وعملت تطويلة ب1.5 سم زور فوجي
ولم تاتي بنتائج مرضية
ركنتها وبعدين كل يوم اقول هاجرب علي فيد فوجي وكنت متخوف ومكسل
الي امس قولت هاعملها اليوم ..بدأت التعديل علي 9.5 لقيت النتائج طين
وبعدين عدلت علي 9 سم بس القص كان تقريبا 8.9
فلقيت الدنيا اتحسنت شوية
رحت قصيت يدوب 2مللي 8.7 لقيت الاشارات بقت زي الكموني
نزلت ل 8.5 و 8.6 لقيت الاشارات زي العسل
واكتفيت بكدة
واول مرة قناة ZDF استر 19 في الوقت دا تجيب معاي 76 و80
بس كان فيه مشكلة عندي الغطا بتاع العدسة كبير ومش عارف اتحرك بيه عشان اضبط ميل العدسة
شيلته وكانت المشكلة الاكبر اصبحت الفلانشة واسعة جدا علي زور التعديل الجديد
فبدأت أثبتها بقطعة كرتون قوية مع قطعة خشبية
الي ان تم التثبيت بنجاح
وقولت الموضوع تحت التجربة وبعدين اثبت براحتي
تغطية استرا عندنا في سينا ضعيفة جدا ..لكن بصراحة التعديل فرق جامد
خاصة في الاقمار الضعيفة يعني باقة مالتي ستريم علي يوتلسات 12 غرب تردد 12721 كان ع الكموني اخرها 84
ع التعديل الجديد 91
انصح الجميع ..بأن يقوموا بتجاربهم خاصة الاطباق المسطحة
وكل يوم جديد مع عالم السات
أتمنى ان تكون تجربتي نافعة لحضراتكم
وعالم السات بحر كبير ..بس للمجتهد مش الكسلان
واتمنى ان أكون وفقت في الشرح
طابت أوقاتكم بكل خير
#القاضي_الادمن
ï؟¼
ï؟¼
ï؟¼