|
بطارية 12 فولت
السلام عليكم ورحمة الله وبركاته عاوز اعمل بطارية 12 فولت لتشغيل ريسيفر ميني من غير كهرباء اولاً جيبت بطارية لابتوب قديمة وطلعت منها 6 بطاريات سامسونج من اللي هي بالشكل ده (اتنين منهم مش شغالين واربعه بيدوا قراءة بالافوميتر) http://arabscene.org/img/upload/big/...ed4b2355b2.png وكان عندي باور بانك قديم استخرجت منه دايرة الشحن الخاصة بيه (مع العلم ان البطاريات اللي كانت داخل الباور بانك نفس النوع اللي معايا بس كلهم بايظين) دي صورتها http://arabscene.org/img/upload/big/...ed54561bd2.png ممكن بقا طريقة التوصيل وطريقة الشحن بس واحدة واحدة علشان انا علي قدي ف حوار الالكترونيات ده |
رد: بطارية 12 فولت
1 مرفق
اقتباس:
طريقه التوصيل كما هو مبين بالصوره أسفل الكلام حتوصل البطاريات السليمه على التوالى وتحط مفتاح لبدء الشحن أو إنتهائه البطاريات اللى عندك فولتها 3.7 فولت ولما توصل تمام الشحن بتدى حوالى 4.1-4.2 فولت يعنى يشغلوا الريسيفر بحسب كفاءة البطاريات لو جديده ممكن 5 أو 6 ساعات لو قديمه إنت وحظك بحسب التجربه الشحن يتم بشاحن الريسيفر أو البور سبلاى الداخلى طبعا ممكن تلغى دائرة تنظيم الشحن لإنها ماتلزمكش ، دى بتثبت تيار الشحن وهى فذلكه مالهاش لزوم فى حالتنا ، إنما دى دائره عامه حاول تستوعب الدائره فى إنتظار إستفساراتك والله أعلم https://www.masrawysat.com/vb/attach...1&d=1566511214 |
رد: بطارية 12 فولت
الف شكر لاهتمام حضرتك حج شريف
علي حسب ما فهمت من كلام حضرتك اني ممكن الغي دائرة الشحن اللي مطلعها من الباور بانك ومالهاش لازمة طب كدا هيبقا توصيل البطاريات ازاي وهيتم شحنها ازاي انا أأسف علي اسألتي الكتير دي بس علي قدي في حوار الالكترونيات ده جداً |
رد: بطارية 12 فولت
وبررضو علي حسب ما فهمت اني ممكن الغي دائرة تنظيم الشحن واجيب نتاية لذكر شاحن الريسيفر واوصلها في السلوك اللي طالعة من الريسيفر مكان دايرة السحن ويتم الشحن مباشر
والسلكين اللي هيطلعوا من البطارية الناحية التانية يتم توصيلهم بذكر شاحن ريسيفر ويتوصل في الريسيفر عادي صح كدا ولا فاهم غلط ولو صح ياريت رسم تخطيطي زي ده لطريقة التوصيل اللي قولتها دي |
رد: بطارية 12 فولت
1 مرفق
لا ماشاء الله عليك فاهم صح أستاذ أدهم من كلامك أفهم إن الشاحن بره الريسيفر ومعنى كده إن إنت عندك طرفى الموجب والسالب على جاك الريسيفر وعندك برضه مفتاح ON /OFF صغير فى الخلف حنفرض إنك حتركب البطاريات داخل الريسيفر لزوم الأمان والشياكه الخطوه الأولى حتوصل البطاريات توالى زى الرسم ويبقى عندك طرفين اسود وأحمر ( اى لونين ) الاسود حتوصله على سالب الجاك بتاع الأدابتور نصيحه عند توصيل البطاريات بسلك يلزمك حاجتين الأولى تظبط الموجب والسالب كما بالرسم ، صنفرة البطاريه حتى تقبل اللحام بالقصدير علشان تتحكم فى الشحن يلزمك مفتاح شحن لسببين الأول علشان تتحكم فى مدة الشحن وكمان علشان تفصل الباور عن الجهاز عند الإحتياج يمكنك إستخدام المفتاح الموجود خلف الجهاز بعد إلغاء وظيفته بقص الطرفين الواصلين له ثم وصلهم مع بعض بعيد عنه وعزلهم ولازم قص علشان المفاتيح دى حساسه للكاويه وممكن تسيح منك والطرف المقصوص حتلحم فيه بعد كده وبعدين تكمل الدائره طرف الأحمر من البطاريه إلى طرف المفتاح المقصوص ، ومن الطرف الثانى المقصوص للداخلى فى جاك البور لو عايز تسيب كل شىء على أصله حتشترى مفتاح وتعمل له خلع مستطيل على قده وتركبه وتوصله بنفس الطريقه اللى شرحتها من شويه هذا حد علمى والله أعلى وأعلم https://www.masrawysat.com/vb/attach...1&d=1566579912 |
رد: بطارية 12 فولت
معلش يعم الحاج انا توهت منك انا ااسف اعتبرني زي ابنك :""D انا اللي فهمته من مشاركتك الاولي عملته صورة بالشرح اللي قصدته بالظبط ممكن حضرتك تشوفها وتقولي كدا صح ولا فيها حاجه غلط http://arabscene.org/img/upload/big/...0777120f8f.png ماعملتش مفتاح اون و اوف + هل لو التوصيلة كدا صح البطاريات تاخد كام ساعة لشحنها بالكامل وهل لو سيبتها وقت اكتر هيحصلها حاجه ولا لا ؟ وااسف عالاطالة |
رد: بطارية 12 فولت
اقتباس:
تمشى مع مراعاة الموجب والسالب فى البلج اللى بيركب فى الريسيفر والجاك النتايه لزوم الشحن عيبها إنها خارجيه ومحتاجه عزل علشان مايحصلش قفلات تؤثر على الأدابتور أو البطاريات ، وطريقه لتثبيتها مع الريسيفر الشحن بحسب كفاءة البطاريات ممكن ساعتين أو أكتر ولو سبتها اكتر مش حيحصل حاجه إن شاء الله لأنها بعد ماتتشحن مابتسحبش تيار الفرق بين اللى حضرتك عامله والإقتراح اللى عرضته عليك هو الأمان والشياكه والمظهر اللائق بفنى الدش والله أعلى وأعلم |
رد: بطارية 12 فولت
اقتباس:
هيتم مراعاة السالب والموجب طبعاً ان شاء الله بالنسبة للشكل دي هتبقا حاجه اولية بس ان شاء الله بعد كدا هاجيب شاشة 4 او 5 بوصة ويتم جمعهم كلهم في جسم الشاشة ااخر سؤال بقا حضرتك هل لو جيبت شاشة وحبيت اشغلها مع الريسيفر هاحتجلها بطارية تانية زي دي ولا دي تقدر تشغل الريسيفر والشاشة ؟ وااسف عالالطالة لتالت مرة |
رد: بطارية 12 فولت
اقتباس:
صعب أن تكفى هذه البطاريات المستعمله ريسيفر وشاشه كمان ماتضمنش جهد الشاشه يكون 12 فولت زى الريسيفر ، ممكن 9 أو أقل وبالتالى أمامك حلين إما وحدة بطاريات خاصه للشاشه أو تزود مع كل بطاريه موجوده واحده ع التوازى زى ماكانت متوصله فى المجموعه اللى حضر تك فككتها ثم نتعامل مع فرعة الشاشه بتخفيض الجهد بطريقه تناسبها والله أعلم |
رد: بطارية 12 فولت
تمام الف شكر ي حاج شريف
انا وصلت البطاريات زي الصورة تمام واشتغلت بس لسة ماجربتش الشحن هاجرب وهاقول لحضرتك النتيجة مش مهم الشاشة لما ييجي وقتها نبقا نتفاهم ان شاء الله بس انا فهمت حضرتك خلاص <3 الف شكر ي كبير ربنا يباركلك <3 |
شكرا على التوضيح والشرح
|
دائما مبدع حاج شريف، اعجبتني فكرة صنفرة اطراف الخلية ، جزاك الله خيرا
لأنه كما اعلم ان لحامها يحتاج الى ألة خاصة spot welding machine والتي أنتوي شرائها الايام القادمة بإذن الله بعدما ادرس افضل الانواع سؤالي للسيد أدم: نسبة تركيبك للنايل سات كام بالمئة مقارنة بالأقمار الأخرى ؟ |
تم فتح الموضوع
|
رد: بطارية 12 فولت
الله ينور عليك ويزيدك ياحاج شريف
|
رد: بطارية 12 فولت
patch_lov-patch_lov-patch_lov-
|
| الساعة الآن 08:45 AM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd