|
ديب فريرز كريازى 5 درج يصدروا صوت صرير
عندى ديب فريرز كريازى 5 درج
صوت موتور المروحة اللى بتوزع الهواء بداخله يصدر صريخ واضح رغم انه جديد بعد تشغيله بساعات وحصل انى طنشته يومين وتركته بصوته --- قام تعطل خالص والديب مابقاش يجمد الا اول درج وباقى الادراج ساحت وبوظت الاكل وغيرته بموتور جديد واشتعلت المروحة تمام والتبريد تم بكل الادراج تمام ولكن بعد 8 ساعات ايضا سمعت تانى صوت صريخ منه وكأنه فرملة سيارة وخفت ليبوظ ورحت قافل الديب نهائى ممكن اعرف ايه السبب لانى جربت 3 مواتير مختلفه وكلهم يصدروا صوت صرير بعد التشغيل بساعات وباظ منهم اتنين وحاليا قافله خالص وشكرا موتور رقم واحد وباظ https://www7.0zz0.com/2019/12/18/10/337101129.jpg موتور رقم اتنين وبرضه باظ https://www7.0zz0.com/2019/12/18/10/914181309.jpg |
رد: ديب فريرز كريازى 5 درج يصدروا صوت صرير
العيب غالبا فى الحساسات
عليك بتفريغ الثلاجه وفتح الباب لمدة لا تقل عن خمس ساعات حتى يذوب الثلج واكش على الحساسات |
رد: ديب فريرز كريازى 5 درج يصدروا صوت صرير
هل عطل الماتور جلب اما احتراق الملفات وكمان الماتور القديم كم وات وكم امبير لان لازم تجيب الجديد ذى القديم فى الوات والامبير وشوف هل اثر مياه على الماتور وهل الريشة المروحة متركبه صح ومش عاملة احتكاك بمعنى لازم تثبت الماتور والريشة صح عشان متعملش احتكاك
|
رد: ديب فريرز كريازى 5 درج يصدروا صوت صرير
اولا : أشكركم لردكم واهتمامكم
====================== كنت مع فنى من شركة لبيع الغيار على facebook وكان رده كالاتى : ============ (( أغلب الوقت هيكون عند حضرتك عيب بدائره الديفروست بيتكون ثلج بعد اعاده تشغيل الفريزر بعد تغيير المروحه او توقفه لفتره لاى سبب بيتكون ثلج حول ريشه موتور المروحه بيتسبب فى الصوت اللى حضرتك تقصده بيفضل الثلج يزيد لغايه ما تقف ريشه النوفروست تماما و ده اللى بيبوظ موتور المروحه -- و الله اعلم )) ============== وبرده السابق بيكون عندى هنا ثلاثة ردود وسأعلق عليها حالا |
رد: ديب فريرز كريازى 5 درج يصدروا صوت صرير
اقتباس:
تمام اخى الديب فريزر مفصول عنه الكهرباء من امبارح و لايوجد به اى شىء نهائى ولا حته ثلجة لكن ارجو التوضيح لى بجملة ( واكش على الحساسات ) |
رد: ديب فريرز كريازى 5 درج يصدروا صوت صرير
اقتباس:
اقتباس:
وكنت خلعته واشتريت مثله تمام وجربت الصينى والهندى وبرضه صوت صرير اقتباس:
اقتباس:
ومطمن ان مافيش احتكاك ومرتاحة فى الدوران |
رد: ديب فريرز كريازى 5 درج يصدروا صوت صرير
اقتباس:
فهل تنصحونى اعزائى الكرام بأن اغير ايه فى الديب = هل اغير السخان ولا الترموستات ---- ولا أغير الاثنين واخلص من العطل ده = هل في الديب ده عدد 2 سخان واحد كويل والاخر شريط ولا واحد فقط --- لانى لم افتح منطقة السخانات عندما قمت بتغير المروحة = هل فى اى شىء تالت غير السخانات والترموستات ممكن يكون هو اللى مسبب الثلج حول المروحة انتظركم وشكرا لمساعدتكم |
رد: ديب فريرز كريازى 5 درج يصدروا صوت صرير
غير الترومستات ولو فيها تايمر غيره برضو و لو فيها ثرموديسك غيره ولو ملفات السخان سليمة يبقا متغيرهاش
|
رد: ديب فريرز كريازى 5 درج يصدروا صوت صرير
اقتباس:
=========== جارى فتح منطقة أعلى الباب ووجدت بها ترموستات وايضا وجدت تايمر حوله دخان اسود وسأرفق الصور عندما انتهى من تغيير الاثنين |
رد: ديب فريرز كريازى 5 درج يصدروا صوت صرير
مازلت أعمل به بنفسى
لانى جربت الفنيين بتوع كريازى وفنى واحد من منطقتى وكلاهما بيستغلوا جهلى فى تصليحه وفى الاخر بخسر فلوس وبرضة بيرجع يبوظ تانى يعتبر خلاص انا انتهيت وهلكت معاه والنتيجة ستظهر بكرة بعد مرور وقت كافى لاختباره ====== إن شاء الله سأرفق صور لتفيد من يقع فى مشكله مثل مشكلتى وشكرا |
رد: ديب فريرز كريازى 5 درج يصدروا صوت صرير
6 مرفق
الحمد لله أخيرا تم الاصلاح بفضل الله طبعا اولا واخيرا
وذلك بعد تجاوبكم معى اخوانى الكرام وارشادى للحل وأيضا بعد مشاهدتى بعض الفيديوهات من اليوتيوب وذلك على مدار يومين وببطء حتى لا اقع فى اى خطأ ============ وأقسم بالله كانت أدواتى هى فقط مفك + قصافة + شريط لحام + جهاز افوميتر بسيط وأنبوبة لاصق أمير لحوض السخان كان به شق بسيط وطبعا معى كاميرا للتصوير أو قلم و ورقة ============ وتم تغيير الترموستات طلع عطلان ( 55 ج ) https://3.top4top.net/p_14518rdpp2.jpg وتغيير واحد ثرموديساك طلع برضة عطلان ( 15 ج ) https://5.top4top.net/p_1451x9exf2.jpg وتغيير السخان الشريط بتاع الحوض طلع متهالك ( 45 ج ) https://4.top4top.net/p_1451o3i4h3.jpg واعادة لحام شق صغير فى حوض السخان يتسبب فى نزول مياهفى الدرج اسفل الفريزر ويقفل بالثلج https://5.top4top.net/p_1451my3xm4.jpg ولم يتم تغيير الاتى : سخان الكويل و موتور المروحة https://2.top4top.net/p_14519n5dr5.jpg التايمر https://2.top4top.net/p_14515g8yi1.jpg لان بعد اختبارهم طلعوا قشطة وخلاص الدنيا بقت اخر جمال وحلاوة -------- واليكم روابط الفيديوهات الهامة والخاصة بالديب فريزر كريازى نو فروست لو كانت كارتة وتريد تحويلها لتايمر https://www.google.com.eg/url?sa=t&r...8rsjOyGZFNFQYM https://www.google.com.eg/url?sa=t&r...6YJVRkWA57BAxy وايضا روابط اخرى هامة لاختبار الثرموديسك https://www.google.com.eg/url?sa=t&r...Q2SERX4D9KBYwZ والتايمر https://www.google.com.eg/url?sa=t&r...z2NeZbPwSMH_Zr https://www.google.com.eg/url?sa=t&r...4h-to_op5Sy6mS والترموستات https://www.google.com.eg/url?sa=t&r...chSvpwZl4eH4H2 وتركيب المروحة والسخان https://www.google.com.eg/url?sa=t&r...g-ImGtIpYqe2xi https://www.google.com.eg/url?sa=t&r...R9LWdzciqnt8Jb ======== والفكرة كلها إن الواحد كفاية يفهم جهازه وماحدش تانى يضحك عليه لانهم بيصلحوا شىء ويتركوا شىء اخر عشان تفضل محتاجهم وشكرا |
| الساعة الآن 11:20 AM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd