|
استفسار بخصوص برفكس 180 مسطح
6 مرفق
السلام عليكم
يا ريت خبراء تركيب المتحرك يفيدوني عندي طبق 180 برفكس مسطح بقالي فترة بحاول اظبطه وامبارح قررت اني افكه تماما واشوف اخباره ايه لانه عندي من 2006 و اتنقل اكتر من مرة واتبهدل صراحة طبعا لقيته مفتول عدلته باني وضعته على ارض مستوية ومشيت على الاطراف دا غير انه كان فيه خبطات كتير ونقر وعدلتها كلها بمطرقه خفيفة والحمد لله ظبطته بنسبة 90 % أو أكثر والتركيب رفعت الحله نفسها بوِرد معدن (لانه ما فيش بلاستيك) عن اذرع البولار لان مسامير وسط البولار كانت لامساه وعامله اعواجاج في الوسط المهم ربطته تربيطه محترمة جدا وظبطت المدار على حسب معرفتي ودي صور للاقمار على الاطراف طبعا اشارة النايل سات الاذري والاوروبي تردد 11137 كلها 85 % والجهاز مش بيجبب اساسا اعلى من كدا ليه بقى مش بستقبل تردد zdf 11362 على استرا 19؟ وللعلم العدسة عندي ستار جولد فوجي بفيد رباعي مقصوص منها الزور على خسب اقتراح احد الفنيين هنا ب الجروب العمود وقت تثبيته كان ميزان السلك المستخدم المتر فيه جملة ب 6.5 جنية اللي كله اسلاك نحاس كتير دا والبلاستيك الخارجي فيه شبه شفاف استفساري هل المدار مظبوط تمام؟ والا لا؟ طيب لو كان مظبوط تمام المشكلة في ايه بالتحديد؟ نوع العدسة؟ والا الطبق متبهدل فعلا؟ والا المشكلة من ايه بالتحديد؟ مكاني في دمياط عموما وبكرة ان شاء الله هصور الطبق و ارفق الصور كمان |
رد: استفسار بخصوص برفكس 180 مسطح
5 مرفق
دي صور للطبق جايز تفيد
وللعلم ارتفاع الاذرع من الصحن لطرف الفلانشة في كل ذراع 78.5 سم تماما والبعد البؤري 71.5 سم دا اذا انا كنت قايسه صح |
رد: استفسار بخصوص برفكس 180 مسطح
غير العدسة ياهندسة هات نوفا ممتازة وهتشوف الفرق بنفسك
|
رد: استفسار بخصوص برفكس 180 مسطح
اقتباس:
اعدلها بقص حلقتين برده والا اتركها بدون تعديل؟ وكمان جاي لي من السعودية انفرتو هل هتكون افضل من النوفا وهل هتحتاج تعديل برده؟ |
رد: استفسار بخصوص برفكس 180 مسطح
الافضل والاحسن ترفع الحله بورد كاوتش
|
رد: استفسار بخصوص برفكس 180 مسطح
اقتباس:
اقف على استرا 19بمسمار الميزان انزل واطلع وجرب شوف لو الاشاره ظهرت تردد zdf 11362 لازم تراجع على الطبق من درعات وبولار وبعدها ضبط مدار |
رد: استفسار بخصوص برفكس 180 مسطح
اقتباس:
فركبت ورد معدنية لكن هل بتفرق؟ |
رد: استفسار بخصوص برفكس 180 مسطح
اقتباس:
شكرا جزيلا |
رد: استفسار بخصوص برفكس 180 مسطح
اقتباس:
|
رد: استفسار بخصوص برفكس 180 مسطح
اقتباس:
بالعكس دي أفضل مرة يكون الطبق فيها مظبوط كويس ويجيب الاشارات بالشكل دا على المدار كامل من اول الهسباسات لحد 72 شرق و دي حاجة عمرها ما حصلت ع الطبق دا من أول ما جه جديد وركبهولي فني متواضع وقتها في 2006 ودا اللي خلاني اتعلم اظبطه بنفسي انا هركب العدسة النوفا الجديدة بس مش عارف اقص منها حلقة والا اتنين والا اعدلها واركب لها فيد عدسة فوجي قديمة ؟ وهجرب على استرا 19 زي ما حضرتك قلت بجانب هحاول اربط الدراعات بمسمار واحد من غير الفلانشة علشان اظبط الدنيا ان شاء الله |
رد: استفسار بخصوص برفكس 180 مسطح
السلام عليكم
تم التعديل على الطبق بتركيب عدسة نوفا مخرجين مقصوص منها حلقتين وطبعا الفرق كبير في الاشارات على كل الاقمار صراحة وبالتجربة على استرا 19 قدرت استقبل مجموعة ترددات على استرا 1L 11068 11860 11288 12188 12226 12515 12545 وطبعا اشارتهم صحيح ضعيفة لكن ثابتة على معظمهم وفي كام تردد على على استرا 1KR و 1L بس دول اشاراتهم يا دوب كدا تيجي وتروح مش بلقط منهم قنوات وهم 11318 على 1KR 11421 على 1KR 11509 على 1L 11597على 1L طبعا تردد ZDF 11362 ولا الهوا هل العيب في الضبط ما زال والا البعد البؤري والا نوع العدسة والا ضبط المدار؟ وللعلم الاشارات عالية على كل الاقمار من أول 30 غرب لحد 70.5 شرق |
رد: استفسار بخصوص برفكس 180 مسطح
فى فنى مستقبل بجوارك على طبق اخر
احتمال يكون فى تشويش على تردد بمكانك |
رد: استفسار بخصوص برفكس 180 مسطح
اقتباس:
في حد نصحني بتركيب فيد 7 حلقات مدرج قالي هيعمل معاك فرق جبار؟ |
| الساعة الآن 12:02 AM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd