كلام سليم استاذ سنقر طبعا ماينفعش مشكله ماحدش يعرف من المصراويه الجدعان ولا غيرهم حلها ، لأن مالهاش حل والله أعلم

يا أستاذ عطار حضرتك طالب المستحيل
عندك سلك نازل من الدايزك وأكيد الدايزك إختار بالفعل قمر من الأقمار المتوصله نفرض أنه الاوروبى وحضرتك عايز تستقبل اليوتلسات 16
اليوتلسات 16 وقف عند الدايزك فوق ومالوش إشاره بعد الدايزك لأن الدايزك إختار بناءا على طلبك الأوروبى ونزله لك تحت
إزاى بقى مهما تقدم العلم والعلماء تلاقى إشارة اليوتلسات 16 تحت عندك وتوصلها لريسيفر تانى ؟
ركز معايا فى المشكله حضرتك والمتابعين حتجد إنك بتبحث عن إشاره فى الشقه وهى موجوده ع السطح فقط ؟؟

أهلا بيك أستاذ عطار مجددا
السلك اللى نازل من الدايزك لايحمل إلا إشاره واحده والريسيفر ليس له القدره على إختيار القمر تلك مهمة الدايزك
وإذا تجمعت أكتر من إشاره فى السلك النازل من الدش فلن يستطيع الريسيفر أن يستخلص من الإشاره المجمعه شيئا
الشاهد أن مهمة الدايزك إختيار القمر بأمر من الريسيفر والريسيفر مهمته إختيار التردد المطلوب
هذه للأسف حقائق الإستقبال التى يجب أن تكون حاضره فى ذهن كل فنى يتصدى للعمل بهذا المجال
بالنسبه للنت والكهرباء هذه حقيقه لأن لكل منهما مجال ترددى خاص به ، وإذاعات الصعيد الفرعيه كانت تنقل للصعيد عبر شبكة الكهرباء
وحنروح بعيد ليه سلك الدش يحمل تيار التغذيه المستمر للعدسه من الريسيفر ، ويحمل إشارة العدسه فى الإتجاه المعاكس
عموما أنا فى إنتظار تجاربك فى هذا المجال وأرجو أن تستمر وتعطينا النتائج وربنا يوفقك إلى إكتشاف جديد ينسب لمنتدى مصراوى
ومن أجل ذلك سيتم إن شاء الله تثبيت الموضوع لمزيد من التفاعل من الإخوه المهتمين بهذه التجربه