|
طبق 240 بنجامين مصانع حربية
السلام عليكم ورحمة الله وبركاته مهندسي ومتابعي واعضاء منتدانا العظيم .
عندي مشكلة ومش عارف احلها وطالب مساتعدتكم . عندي طبق 240بنجامين مصانع حربية المونيوم + عدسة سوبر فورس مدرجة تدريج سداسي.ركبت الطبق عن طريق فني حاول معاه آخر ما توصل له اقمار نص القوس يعني ممكن الغرب ييجي والشرق لاء أو العكس الشرق ييجي الغرب لاء حاول معاه على يومين ماعرفش جبت فني تاني نفس المشكلة نزلنا الحلة واستعدلناها يمكن تكون مفتولة وركبناها وبردو مافيش جديد سابني الفني ومشي بعد ما جابش اقمار خالص حاولت انا مع الطبق مع فك مسمار الديكليشن خفض ورفع حتى استطعت الحصول على اشارة العرب سات ثم التركي ثم الازري اشارة 91% اما اقمار الغرب مافيش خالص ممكن اعرف ايه المشكلة ؟ https://www9.0zz0.com/2022/02/28/20/336711776.jpg https://www9.0zz0.com/2022/02/28/20/972004092.jpg https://www9.0zz0.com/2022/02/28/20/187110444.jpg |
رد: طبق 240 بنجامين مصانع حربية
اظبط الهوتبيرد اعلى اشاره ومن ثم النايل سات ومن ثم العرب سات باعلى الاشارات وان شاء الله يظبط معاك وعموما طبقك محتاج فنى فنى مش اى كلام
|
رد: طبق 240 بنجامين مصانع حربية
انا في سيناء ومافيش حد محترف كلهم هواة زي حالتي .
|
رد: طبق 240 بنجامين مصانع حربية
1 مرفق
الاستاند لازم يكون موزون100%
البولار يكون موزون100% جمع ثلاث ازرع بمسمار 10 لتأخد الازرع وضع صحيح مسمار 10 موجه الى منتصف الطبق تفك مسمار 10 وتركب فلانشه وتركب ماسوره كارتون بنفس سمك القطعه وماسوره اللى بيتلف عليها ورق المنيوم الخاص بالطعام وتنظر منها الى منتصف طبق وتضبط الفلانشه بيها. منتصف المدار فى سيناء34شرق حدد مكانك بالضبط لازم تعالج الفتل على سراميك مش سطح عادى https://www.masrawysat.com/vb/attach...1&d=1646088178 |
رد: طبق 240 بنجامين مصانع حربية
المهندس/احمد جمال السلام عليكم .
شاكر لمرور حضرتك . كل اللي حضرتك قولته انا عملته بالظبط المشكله عندي اقمار الشرق بتيجي باعلى اشارةة واقمار الغرب ولا بتلامس العدسه حتى زهقت والله . |
رد: طبق 240 بنجامين مصانع حربية
اقتباس:
مع ضبط زاويه تصحيح ايضا |
رد: طبق 240 بنجامين مصانع حربية
3 مرفق
اقتباس:
اقتباس:
اقتباس:
اقتباس:
متابعات جيده من الأعضاء والإشراف لكن لى ملاحظات أستاذ عادل أولا على عبارة كلنا فى سيناء هواه : الصحيح أن كل من يعمل فى الدش هواه حتى من يتخذه حرفه لأنه لاتوجد مدرسه تعلم فن الدش وكل من يعمل فى المجال مجتهدون بدرجه أو بأخرى لكن بلا دراسه أكاديميه أو عمليه خلاف مهن أخرى كالتبريد والسيارات ،... ثانيا : الصور اللى حضرتك نشرتها مساحتها كبيره وتحمل على النت والموبايل ومرفوعه خارج المنتدى ، أعود لأصل المشكله عند إستقبال جزء من المدار بكفاءه وعدم إستقبال بقية المدار بنفس الكفاءه يصبح البحث هنا فى ضبط المدار وليس فى إستعدال الطبق وبتحليل الصور اللى حضرتك رفعتها وجدت فى هذه الصوره (الجميله) أن الطبق مرتفع لأعلى أكثر من اللازم https://www.masrawysat.com/vb/attach...1&d=1646100518 وللتدليل على ذلك هناك صورتان تبينان أن زاوية الرأسى (بخلاف زاوية التصحيح) صغيره حوالى 27 درجه بدلا من 30-31 درجه حسب خط العرض https://www.masrawysat.com/vb/attach...1&d=1646100757 https://www.masrawysat.com/vb/attach...1&d=1646100814 وحتى تفهم الصورتين فأنا أقوم بإمالة الصوره حتى تعتدل أفقيا أو رأسيا ومن الفرق أحسب زاوية البولار الحل أولا ضبط زاوية الرأسى على نفس زاوية خط العرض لمنطقتك وضبط زاوية التصحيح من مسمار الضبط على 5 درجات تقريبا ثانيا : محاولة إستقبال عربسات بأفضل إشاره وتصوير الطبق من الخلف حتى يتبين لنا مدا إنضباط إتجاه الجنوب بعد ذلك نتفاهم إن شاء الله ع النتائج ، مع تحياتى وتمنياتى بالتوفيق |
رد: طبق 240 بنجامين مصانع حربية
السلام عليكم ياحاج شريف تحياتي لمرورك ونصائحك الجميلة اولا حاولت ارفع صورة على الموقع مباشراً ماعرفتش اجيب رابط للصور غير ارفعهم على موقع واعمل رابط .
ثانياً انا مافهمتش حاجه من صور حضرتك بالمقياس يعني اعمل ايه ؟ هل اخلي الخط الاخضر عمودي مع الخط الثاني ؟ ازاي هل احل الحله واركبها تاني بطريقة مختلفة ؟ لانها اتحلت واستعدلت ممكن يكون ليها نظام تركيب مختلف ؟ حاولت مع الطبق اقمار الغرب جات والتركي من الشرق جاء اما الازري والياه ماجوش واسف على الاطاله |
رد: طبق 240 بنجامين مصانع حربية
اقتباس:
أهلا بك أخى الكريم بالنسبه لرفع الصور ع المنتدى لى موضوع مثبت أعلى الصفحه يشرح ذلك يشرفنى عرضه على حضرتك قد يفيد بالنسبه لمساحة الصور ممكن التحكم فيها من الموبايل كما تعلم حضرتك حتى تصبح مناسبه للعرض هنا بالنسبه للصور والزوايا التى عرضتها فى مجرد توضيح لحضرتك بأن زاوية الرأسى عند حضرتك أكبر من اللازم بمعنى أن الطبق مرفوع لأعلى حوالى من 3-4 درجات وهى كميه كبيره لاتتيح لك الحصول على مدار كامل لكن جزء منه فقط الشاهد من ردى هو إضبط زاوية الرأسى 30-31 درجه ومسمار التصحيح 5 درجات ثم حاول استقبال عربسات 30.5 وصور الطبق من الخلف |
رد: طبق 240 بنجامين مصانع حربية
والله ياعم الحاج كلامك على عيني وراسي .
بس ازاي اعرف الدرجات بتاعة الطبق واقيسها ازاي ؟ شفت واحد عامل منقلة ومسطرة ومثلث تمام بس زوايا ميل الحلة اعرفها ازي ( الدرجات ) و ازاي اقيس زوايا ميل الحلة اقيس منين الارتفاع معلش انا متلخبط على الاخر . هل تختلف زوايا ميل الحلة من طبق لاخر حسب الحجم والنوع ولا كله واحد ؟ محتاج فيديو للشرح بتاع قياس ميل الحلة وثوابت ميل الحلة من درجات . اسف على الاطاله لاني حاسس نفسي غبي خالص وعايز اتعلم واستفيد . |
رد: طبق 240 بنجامين مصانع حربية
1 مرفق
اقتباس:
الزوايا هى هى مهما إختلفت مساحة الطبق لكن ماتلخبطش نفسك ولا حاجه ، تعالى على قمر عرب سات 30.5 درجه المجموعه السعوديه https://www.masrawysat.com/vb/attach...1&d=1646310407 وترددها فى الصوره 10924 أفقى معدل الترميز 17000 وحاول تحصل على أفضل إشاره والعدسه فى وضع رأسى ، الطبق تقريبا أفقى وتحرك يمين شمال وفوق وتحت بعد كده حضرتك حتصور صورتين صوره من الخلف للطبق فى أفضل إشاره له ، وصوره من الجانب تبين زاويةالبولار ودى أول خطوه المفروض أى فنى بيبدأ منها ضبط الطبق لسهولة ضبط زوايا الطبق والعدسه ، هل ده طلب صعب ؟ أنا متابع معاك وربنا يوفقك |
رد: طبق 240 بنجامين مصانع حربية
5 مرفق
السلام عليكم يا حاج شريف اسف على التاخير في الرد لظروف خارجة عن ارادتي تم تركيب الطبق وتم الحصول على اعلى درجات المشكلة كانت في مسمار الديكليشن والعدسة .
قمر المنتصف عندي هو يوتلسات 33درجة شرق وليس العرب سات لاني في سيناء العدسه عندي عادية بـــ30 جنيه أشارة عالية بس مافيش تردد فيدات يوتلسات 3 اشارة 91% ويوتلسات 7 93% ويوتلسات 10 94% بدون فيدات . قوس الاقمار مضبوط من هسباسات 30غرب حتى الهولندي 57 شرق ترددات عاليه بدون فيدات هل مشكلة عدسة ؟ مرفق صور لقمر 33 درجة شرق . مرفق صور للطبق على 33 شرق و30 شرق وزاوية ميل الحلة |
رد: طبق 240 بنجامين مصانع حربية
اقتباس:
طيب استاذ عادل علشان اقدر اتابع معاك ، هل حضرتك ضبطت زاوية الرأسى من مسمار الميزان لتحصل على إشارات اعلى ومدار صحيح ؟ إذا كان كذلك وإشاراتك جيده حاول ضبط زاوية العدسه حتى تحصل على الفيدات المطلوبه ، مع تمنياتى بالتوفيق والله أعلم |
رد: طبق 240 بنجامين مصانع حربية
2 مرفق
السلام عليكم ياعمنا عندي العدستين دول نوعهم سوبر فورس واحده قصيرة وفيد سداسي والثانية طويلة وفيد ثلاثي ممكن واحدة فيهم تنفع للفيد ؟
|
| الساعة الآن 07:39 AM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd