إستفسار بخصوص تعديل كارت باور
 

السلام عليكم..

عندي جهاز كارتة الباور تالفة بس هي خمس أطراف
5v و 3.3 و gnd و 15v و 20v

حاولت أشغل عليها كارتة تانية أربع أطراف 15v و 20v و gnd و 3.4

وصلت كل الأطراف المشابهه ببعض إلا ال 5v مش عارف أوصله فين في الكارتة أربع طرف، مع العلم الجهاز فتح معايا باور واشتغل اشارة، لكن الشاشة الأمامية فاصلة، وجربت أخد ال 5v من خرج ال 3.4 مشتغلش، أخدته من 15v إشتغل شوية وبعد كدا وقف ع 8888 والجهاز فاتح عادي لكن الريموت واقف، فعايز أعرف إزاي أطلع 5v من كارتة مفيهاش 5v لو سمحتم.

رد: إستفسار بخصوص تعديل كارت باور
 

شكلك حرقت السينسور
اشترى بوردة يكون فيها خمسة فولت
وثمنها رخيص حوالى 25 ج

رد: إستفسار بخصوص تعديل كارت باور
 

فعلاً حرقه
ازاى يشغل خط 5 فولت المغذى للشاشة بــــــ 15 فولت ؟
كان الافضل كما ذكر م/ حسام شراء دائرة بها 5 فولت

رد: إستفسار بخصوص تعديل كارت باور
 

شكرًا لحضراتكم ع الرد، بس حابب أوضح إن الجهاز خاص بيا وكان مركون مش شغال بس حبيت أجرب عليه وأتعلم مش أكتر، يعني مش بتاع زبون..

وسؤالي: لو صادفت نفس المشكلة ومش متاح كارتة 5 أطراف، إزاي أعوض الطرف اللي ناقص؟!
يعني ال 5v مثلا أعوضها إزاي من كارتة مفيهاش 5v ،، والسؤال ع سبيل العلم والفهم بس!

رد: إستفسار بخصوص تعديل كارت باور
 

تحتاج ريجوليتور 7805 وتوصيله من خط 15 فولت