|
استفسار عن كاوية لحام هوت آير
السلام عليكم..
عندي هوت آير شغال تمام وكل حاجة، بس كانت الكاوية بايظة، المهم جبتلها كاوية بس أدائها وحش مهما كانت الكاوية ساخنة والسن ساخن مش بيسيح القصدير، فلو حد يقولي ع إسم كاوية محترمة أجيبها.. مع العلم إني شغال بكاوية تانية لوحدها بس انا عايز حاجة تشتغل ع الهوت اير. |
رد: استفسار عن كاوية لحام هوت آير
لو الهوت اير كادة لازم تجيب كاوية كادة
مش m&r اشترى الكاوية بنفس اسم البراند بتاعه |
رد: استفسار عن كاوية لحام هوت آير
هو مش كادا بس نفس كاوية الكادا
وهل نوع الهوت اير نفسه هيفرق؟ لأني بشوف ناس شغالة بكاوية غير كاوية الهوت نفسه |
رد: استفسار عن كاوية لحام هوت آير
بتفرق عشان توزيعة الهيتر والسنسور
|
رد: استفسار عن كاوية لحام هوت آير
اقتباس:
وليه بشوف ناس مشغلة كاوية MR على كادا طلاما نوع الهوت اير بيفرق؟ |
رد: استفسار عن كاوية لحام هوت آير
بص ياغالى الكاوية بيكون ليها
5 اطراف 2 هيتر و2 سنسور و1 ارضي اية لازمة السنسور عشان الهيتر يقف عند درجة حرارة معينة لما اجى اركب كاوية مش بتاعة الهوت اوقات طرف السنسور بيكون مختلف مع الهيتر والكاوية بتشتغل بس السن بيحمر بيكون اية الحل بتحدد اطراف السنسور والهيتر في الهوت وكمان في الكاوية وبتعدلهم زي بعض يعنى مثلا انا جايب كاوية ومطلع منها طرفين الهيتر وموصلهم بادبتور 12 فولت 2 امبير وبشتغل بيه عادى وبيلحم معايا |
رد: استفسار عن كاوية لحام هوت آير
اقتباس:
تمام فهمتك جدا، بس اخر سؤال معلش.. زراير اللمبة الحمرا في الهوت آير لازم عشان ينور تكون الكاوية راكبه، ولا ممكن ينور والكاوية مخلوعة عادي، لأن عندي فصل مش عارف عشان الكاوية باظت وخلعتها، ولا الهوت آير نفسه حصل فيه مشكلة، بس خرطوم الهواء شغال عادي. |
رد: استفسار عن كاوية لحام هوت آير
لازم الكاوية تكون راكبة عشان ليد الكاوية ينور
|
رد: استفسار عن كاوية لحام هوت آير
اقتباس:
أصل كنت معلي درجتها ع الأخر ومخدتش بالي، لقيتها سخنت جامد وبعد كدا فصلت ولمبة الليد مش بتنور، فكيت الكاوية لقيتها سايحة فعلا من جوة عند الشمعة وسلوك شايطة. معلش آسف بس عايز أتطمن ان الهوت اير نفسه محصلش فيه حاجة! وأشكرك لسعة صدرك والله. |
رد: استفسار عن كاوية لحام هوت آير
اقتباس:
|
رد: استفسار عن كاوية لحام هوت آير
هى ساحت عشان زى ماقلتلك توصيلة السنسور
مكان الهيتر اتاكد الاول ان مكان الكاوية مطلع 24 فولت وممكن يكون العيب على حسب الهوت شغال بتريك والمقاومة المتغيرة او ايسي على حسب الهوت بتاعك بس ريح نفسك واشتغل بكاوية خارجية |
رد: استفسار عن كاوية لحام هوت آير
اقتباس:
انا كده كده شغال بكاوية خارجية، طب معلش أقيس مكان الكاوية إزاي؟ ينفع من برة عادي ولا لازم أفك الهوت اير وأقيس من جوه؟! |
رد: استفسار عن كاوية لحام هوت آير
الافضل من الداخل عشان تقدر تحدد انهو بتوع الهيتر
|
رد: استفسار عن كاوية لحام هوت آير
اقتباس:
|
رد: استفسار عن كاوية لحام هوت آير
تحت امرك
|
| الساعة الآن 08:16 AM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd