تعبت ومش لاقى اجابة على سؤالى ارجو الرد من المشرفين الكرام
 

اولا اسف على التكرار للمرة التانية . بس انا مش لاقى رد عملى على سؤالى من اول امبارح . انا عندى جهاز هيروشيما لما بقوم بغلق المقاومة r8 مش بيقبل اى سوفت ولا حتى ايرث مع العلم قبل كده كان بيقبل عادى . ولما بفتح المقاومة بيشتغل عادى . وانا عايز اغلق المقاومة لان سوفت الدونجل على قمر ثور يتطلب غلقها , انا عايز من فضلكم حل عملى لهذه المشكلة . يعنى ايه هو العيب وكيفية اصلاحه , وياريت الاجابة من مشرفى القسم.

يا اخى ... والله لو حضرتك دخلت على موضوع

الكافى مع الدونجل المتعافى

كنت لاقيت حل مشكلتك

ومشكلتك تتلخص فى الكريستاله 27000

فعند إغلاق المقاومه

يتحول الاعتماد فى عمل البروسيسورعلى كريستالة التيونر

مما يتسبب فى هذه المشاكل

ومنها عدم لحامها جيدا او تلفها نهائيا او تغيير ترددها

شكرا يا مهندس اسامة على الرد السريع وده التعودنا عليه من مصراوى بس قصدك اغير الكريستالة ولا ايه ولا علبة التيونر التلفت لان الكريستالة بتقبل على المقاومة المفتوحة

لا إله إلا الله

يا غالى والمقاومه مفتوحه البروسيسور بيعتمد على كريستالة البورده

اللى هى 4000

مش الكريستاله الموجوده بالتيونر واللى هى 27000

يعنى انا اغير الكريستالة ال 27 بواحدة جديدة . هو ده الحل علشان اغلق المقاومة ؟؟؟؟؟؟؟؟؟؟

اينعــــــم

هو كده بالظبط

شكرا ياكبير على المتابعه

وكل عام وانت بخير

تحياتى لك

حبيبى يا ابو سكران

كل سنه وانت طيب