|
حل مشاكل الدونجل مثل التقطيع والتوقف لكل الفلاشات هنا فقط
2 مرفق
اليوم إخوانى أقدم لكم بعض المشاكل وحلولها للفلاشات القديمة والجديدة إخوانى الكرام بعد عدة تجارب على عدة أجهزة محولة لدونجل وعدة أجهزة تعمل على الدونجل خاصة أجهزة عبد العال التى تجمع بين الكفاءة ورخص الثمن واجهتنى عدة مشاكل قد لا يلتفت إليها الكثير منا أمر مهم جدا أن تلفت إلى الجهاز الذى تستخدمه كدونجل والجهاز الأخر الذى تستخدمه معه كرسيفر داعم للدونجل فقد تواجهك مشكلة الريموت......إزاى؟ لنفرض أن لديك دونجل محول على جهاز باركليبس وتستخدم معه رسيفر هيروشيما وركبت الطبق وظبط إشارة الدونجل والِإعدادات وكله تمام والقنوات اشتغلت معاك زى الفل... تخيل إيه اللى ممكن يحصل لو إنك شاحن للباراكليبس فلاشة تعمل بريموت الهيروشيما لأنه الريموت موجود عندك؟؟!!!! طبعا إنت عمّّال تعلى وتوطى وتدوس على الزرار ده شوية والزرار ده شوية... وبعدين يا مسكين تيجى تتفرج على ماتش ع الجزيرة أو فيلم على art تلاقى الدونجل واقف.....!!!!!!!! الله ... إيه اللى حصل تدخل على موضوع استاذ منعم أو حبيبنا أسامة لمتابعة حالة الدونج تلاقى أكثر من واحد بيقول شغاااااااااااااااااااااااااااااااااااااااااااال كأنه أخر نفس بيطلعه... وإنت وغيرك كتير عمالين تضربه كف على كف وتصرخ ممكن مساعدة يا أستاذ أسامة؟؟؟ أو إلحقنى يا أستاذ منعم؟؟!!! يا مايسترو إلحقنى بسوفت؟؟ طب حد يدينى السوفت اللى شغال عنده؟؟ عل الحال ده كتيررر ونفس المشكلة وطبعا العيب من عنك ياكبير السر فى الريموت اللى إنت عمال شغال بيه ع الرسيفر وانت فى نفس الوقت عمال تغير فى إعدادات الدونجل وإنت مش حاسس يا مسكين.......... شئ طبيعى إن الحل يكون 1- تستخدم رسيفر مختلف فى ريموته عن ريموت فلاشة الدونجل 2- تستخدم فلاشة دونجل ريموته مختلف عن ريموت الرسيفر طب إفرد إنى مضطر أستخدم دونجل ورسيفر بنفس الريموت فى الحالة دى يبقى أفضل حل افتح غطى الدونجل وأفصل كابل الشاشة الأمامية للرسيفر من البوردة طبعا عشان إعدادات الدونجل متتغيرش مع استخدامك للريموت على الرسيفر طيب إفرد بعد كل ده الدونجل قطع أو وقف يبقى اتبع التعليمات الأتية : أولا : التأكد من إعدادات الدونجل... إزاى - وصل كابل الفيديو بالدونجل وإتأكد إن الإعدادات تمام http://www.masrawysat.com/vb/attachm...1&d=1322780089 والإعدادات دى خاصة بالفلاشات القديمة بالذات وكمان الفلاشات الجديدة التى تستخدم الفلاشة التى فى المرفق الأول وزى الصورة لازم تختار جنب كلمة sat القمر 1.0W Intel 10-02_1 ولما تلاقى إشارة فوق وتحت وجنب كلمة شانل رقم مثلا Channels=289 يبقى إعدادات الدونجل كله تمام والسيرفر شغال تمام وعلى فكرة: ممكن تخش على إعدادات الدونجل تلاقى القمر مظبوط والإشارة موجودة فوق وتحت بس الدونجل مش شغال فى الحالة دى إتأكد فيه جنب كلمة شانل رقم واللا لأ فلو لقيت صفر زى كده Channels=0 ده معناه ******* مش شغال وعن تجربه لو إنت غيرت القمر ورجعت له تانى حتلاقى ******* اشتغل وهتلاقى جنب كلمة شانل رقم زى الصورة وعلى فكرة هناك زرارين فى ريموت الكيوماكس 999 الإسود يمكن استخدامهما لتغيير إعدادات الشاشة السابقة اللى بالصورة الزر info يغير موضع المؤشر من زرار sat إلى زرار DiSEqc وبالعكس كما بالصورة وزر تعلية الصوت فقط يقوم بتغيير القمر.... خلاص بقت سهلة ثانيا : التأكد من إشارة الدونجل ... إزاى وصل كابل إشارة الدونجل بالرسيفر روح على التركيب أو ضبط الإشارة على قمر thor2-3 أو intelsat 10.02 ودخل التردد التالى 11093 أفقى 15550 الحيز الترددى الى بدل 27500 7/8 أو التردد 12418 عمودى 28000 7/8 وإعمل بحث يدوى مثلا ولازم تلاقى إشارة وقناة نزلت اسمها ERT WORLD المهم لو لقيت إشارة يبقى كده إشارة القمر تمام ثالثا : إتأكد إن خاصية الشيرنج أو التوين بروتكول مفعلة ولو مفعلة إتعب نفسك وغير إعدادات الشيرنج لاختيار خطأ وطفى ارسيفر وشغله تانى وارجع للتفعيل الصحيح .... إه يمكن يمكن الرسيفر مهنج والا حاجة رابعا : إتأكد إن كابل الأر إس بتاع السوفت اللى موصول بين الرسيفر والدونجل شغال.. يعنى حاول تجرب واحد غيره مثلا خامسا : إتأكد من البنة أو صامولة الأر إف اللى بتربط الكابل فى الرسيفر تمام يمكن معوجة أو مشدودة أو السلك ملمس من الأخر لو كل حاجة قدامك تمام عيد عليها تانى لو حاجة تركيب إخلعا وركبها تانى ولو إعدادات غيرها وإطفى الرسيفر وشغله وارجع للإعدادات الصحيحة يعنى لو الدونجل واقف أو بيقطع إتأكد من حاجة حاجة من اللى قلتلك عليها لغاية متوصل للحل إن شاء الله بعد كل ده لو مشتغلش يبقى المشكلة فى ******* واستنى حل جديد أو سوفت جديد هنا بس على [B]مــــــــــــــــــــــــــــــــــصراوى ســـــــــــــــــــــــــــــــــــــــــــــات[/B] سوفت فلاشة قديمة وجديدة جاهزة على القمر ثور سوفت فلاشة جديدة ومسريلة بريموت الهيروشيما سوفت فلاشة جديدة ومسريلة بريموت الكيوماكس أوعى تنسى تتأكد من إعدادات شاشة الدونجل على القمر ثور أو الإنتل سات وهذه صورة إعدادات السوفت الثانى والثالث ادخل عليه بالضغط على زرار منيو حسب الريموت المستخدم وخلى الإعدادات زى الصورة بالنزول على الاختيار الثالث وغير القمر بزار تعلية وتوطية الصوت http://www.masrawysat.com/vb/attachm...1&d=1322041982 فى نهاية الموضوع أخبركم إن الموضوع كله مجهود شخصى وحصرى على مصراوى سات ويسمح بنقلة بشرط ذكر المصدر ودعوة خير بظهر الغيب لا تنسونا من صالح الدعاء إخوانى أخوكم مجدى الهوارى **************************** ********************* ************** ******** *** * |
يسعدنى ان اكون اول الشاكرين على المجهود الرائع
|
اقتباس:
بارك الله فيك |
اقتباس:
|
الف شكر اخى الحبيب على المعلومات الرائعه بس كان ليه طلب عند سعادتك انا مشغل دونجل فلاشه قديمه ومحوله وشغال تمام لكن مفيش ولا قناه على الهوتبيرد شغاله ومفيش الا الجزيره الرياضيه فقط على النايل سات فهل من حل عندك ارجو الرد سريعا
|
اقتباس:
الفلاشات القديمة مش شغال عليها سوى قنوات الجزيرة على النايل سات معلش دا نصيب الغلابة اللى زينا وربنا يفرجها من عنده لكننا لا نكل ولا نمل هنا فى مصراوى سات من أجل إسعاد الجميع بالتوفيق إن شاء الله |
والله العظيم أنت عبقرى , شرح رائع وبصورة مفهومة ومبسطة , ربنا يزيدك كمان وكمان
|
الف شكر على المجهود الرائع
لكن الفلاشة القديمة مالهاش سوفت ثابت علشان كل لما بفصل الكهرباء السوفت بيقع ولازم انزل سوفت من اول وجديد واسيب الدونجل واصل بالكهرباء لو فيه حل يا ريت عترفنى ويا ريت اعدادات اللورد للفلاشة القديمة لمبة حمرا |
مجهود راءع جزاك الله خيرا ولك تحياتى
|
مشكورررررررررررررررررررررررررررررررررررررررررررررر ررررررر
|
الف شكر اخى الكريم
|
اقتباس:
وزادنى شرفا أن تكون أول مشاركة لك فى موضوعى هنا بارك الله فيك |
يا عم مجدي يا ريت تشوف حل الفلاشه sst القديمه احسن من الكلام الكتير الي ملوش لزمه الكلام ده في المثبت واحنه عرفينو عمال تشغل افكرنه وخلص عمل بلبله علي مصروي سات ياعم شوف جديد احسن من البلبه
|
اقتباس:
كلام إيه الكتير وفين ده اللى موجود فى المثبتات وبعدين أنا مش مفصّل الموضوع ليك ولأمثالك سيب غيرك يستفيد و مشاركتك يا ريت تريحنا منها ولو ده مش منتدى محترم كنت رديت عليك بإسلوب غير ده بصراحة إنت شخص مستفز |
الف شكر على المجهود الرائع
|
| الساعة الآن 04:23 PM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd