لما باشغل فيلم من الفلاشة الترجمة العربي بتكون متلخبطة..ايه الحل ؟
 

لما باعمل اللغة بتاعة الريسيفر عربي و بعد كدا اشغل اي فيلم اجنبي من على الفلاشة , الترجمة بتظهر بس الحروف العربي غير مقروئة و متداخلة

خلاص يا جماعة عرفت الحل, الحل ان احنا نلصق ملف الترجمة بالفيلم بحيث يصبحو عبارة عن ملف واحد و بامتداد mkv و دي الخطوات:

1: تحميل برنامج mkvmerge من هنا:

http://www.videohelp.com/download/mk....3.0-setup.exe

2: اعمل setup للبرنامج و بعد كدا شغله

3: البرنامج هايفتح في الوضع الافتراضي على خانة input

4: اضغط على add و اختار الفيلم و بعد كدا اضغط على add تاني و اختار ملف الترجمة بتاع الفيلم

5: تحت خالص هاتلاقي خانة اسمها output filename و دا المكان اللي سيتم حفظ الملف الجديد فيه , اختار المكان اللي انتا عايزه

6: دوس على start muxing و استنى انتهاء التحميل و بعد كدا هاتظهر رسالة تؤكد نجاح العملية باذن الله , دوس ok و اقفل البرنامج

7: حمل الفيلم الجديد بصيغة mkv على فلاشة usb و ضع الفلاشة في الريسيفر كيو ماكس 999 v3 HD بس تأكد من أن اللغة الافتراضية في الريسيفر على العربي


8: شغل الفيلم و لو الترجمة ماظهرتش اثناء عرض الفيلم , من الريموت اضغط على SUB هاتظهر قائمة اختر رقم 1 و ان شاء الله الترجمة هاتشتغل