|
مواقف وطرائف فنى دش
الحاجات دى حصلت معايا شخصيا وقولت احكيهالكوا
مرة روحت لزبونة السطح بتاعها مالوش سلم بقولها مافيش سلم خشب اواى سلم تخيلوا الرد منها كان ايه انت مش المفروض يكون معاك سلم ماشى بيه التانيه بقى حبيت اتفق معاها قبل تركيب الطبق يافندم تجميع الطبق والاشارة وبرمجة الرسيفر على الكمبيوتر ملف مترتب يبقى 40 جنيه وخد عندك بقى وصلة ردح ايه يا خويا واحنا جايين من بلاد بره وانت هاتعمل ايه ان شاء الله هاتربط مسمارين هى 20 جنيه حلوة اوى وكتير كمان كان جوابى سلاموا عليكوا هاتى ابو عشرين اما اذكى زبون صادفته فى حياتى بعد مااتفقنا على الحساب قالى اطلع السطح واحدف جركن من فوق املاه ليك ميه انا هاقف استناك تحت طلعت السادس وابص عليه من ع الشارع مافيش حد من بير السلم مافيش حد وماكانش معايا رصيد اتصل بيه فضلت انده لا حياة لمن تنادى نزلتله اتفضل ياعم املا ميه وطلعت السادس تانى بعد ماقولتله هانزلك الفيشه توصلها ارجوك اقف فى حته وخد الفيشه وصلها قالى حاضر نزلت الفيشه من الشارع استنى مافيش حد ربع ساعه وحده معديه ندهتلها لو سمحتى خبطى على الشباك اللى ادامك قوليله يحط الفيشه المهم الكهربه وصلت لاقيت صاحبنا بيتصل بيا ها النور جى ضحكت وقولتله اه النور جى قالى هاكملك كمان شويه قولتله ماشى بس لو ماردتش عليك يبقى فى ايدى جبس واسمنت كلمنى كمان ربع ساعه كده اوك اوك تلات دقايق والتليفون هاتك رن وايدى كلها جبس واسمنت سيبته يرن المهم الصبه نشفت وركبت الطبق والحمد لله اتصل بيا ها عملت ايه قولت خلاص افصل الكهربة اشد فى السلك مافيش لاقيته بيكلمنى مانزلتش ليه قولت السلك الفيشه انت قافل الشباك عليها قالى بكل براءة اه طب افتح الشباك خلينى انزل الجو بيمطر المهم اخيرا نزلت وبجد كان زبون زكى زكاوة يالهوى |
الحمدلله مليش فى الستالايت patch_rir--patch_rir--patch_rir--patch_rir--patch_rir--patch_rir-- |
|
اقتباس:
والله العظيم اللى انت بتقوله ده حصل معايا وزيادة وامشىولكن انت عاقل انا بقى مجنون بسيب الشغل |
هههههههههههههههه
الله يكون فى عونكم والله لو واحد تانى كان زمانه ضربهم وريح نفسه |
|
مره رحت عند واحد ذكي جداااا ركبت له دش...
وبعد ما نزلت جيت اوصل له الريسيفر بتاعه مالقيتش عنده تليفزيون... سألته فين التليفزيون رد بكل برود هو إحنا مش ركبنا دش هنعوز التليفزيون في ايه |
اقتباس:
داذكى ذكاوة مفيش بعد كدة امال بيركب الدش ليييييييييييييه بصراحه راجل لو انا منكم كنت ارمى من فوق السطوح |
طيب في واحد بقوله خد سلك الكهرباء وصله تخيوا يقولي ايه اوصله فين
|
ولسه ياما هانشوف العجب طول مااحنا فى الشغلانه دى
بس بصراحه الشغلانه دى الواحد بيعشقها |
اكل العيش مش بيساهل
|
طيب يا سيدي خد دي
مرة بعد ما خلصت تركيب وكالعادة صاحب الطبق مراقبك بكل تركيز كانه عاوز يتعلم التركيب - المهم - كل القنوات شغالة الضعيف والقوي قولتله " اه -- تمام " قالي تمام ولما شلت الوصلة من الطبق والريسيفر كتب علي الشاشة " اشارة ضعيفة او غير موجودة " زعق بحماس شديد وقال " الحمد لله الطبق خرب اهه قبل ما تمشي " |
اقتباس:
|
يااخى احمد ربك
انه مااقلش لك خليك جنب الطبق تقلب لى على القناة اللى هااشوفها patch_rir--patch_rir--patch_rir--patch_rir--patch_rir-- |
اقتباس:
طيب وانته ايه اللى خلاك تركب اطباق على السطوح هههههههههههه احنا عندنا فى البلد بنركب الطبق على الارض والزبون عليه الباقى ؟؟؟؟؟؟؟ بعد مابنمشى بيطلع السطوح ويشد الطبق بالحبل هههههههههههههههه الحمد لله بطلنا شغل اطباق من اكتر من 14 سنه ايام ماكان تركيب الطبق لايقل عن 500 جنيه هههههههه بجد والله |
| الساعة الآن 10:25 AM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd