ارجوكم ما هو افضل ريسيفر hd لافضل صورة؟؟؟
 

السلام عليكم ورحمة الله وبركاته
الاخوة الكرام فى المنتدي هذا اول موضوع لي هنا واشتركت لأني محتاج رأي المتخصصين فى المجال
عندي تليفيزيون سامسونج LA40D550 هو Full HD 1080p
اشتريت ريسيفر اسمه EH9400PVR HDMI وصورتة سيئة جدا
النهاردة هارجعة لشركة اليكترونيك هاوس وهابدلة بواحد HD
ارجوكم قولولي اية افضل ريسيفر HD اهم حاجة ان الصورة بتاعته تكون كويسة وسؤال تاني لو جبت HD هاقدر استقبل قنوات MBC ولا لأ
بالله عليكم انا نازل كمان ساعتين ومش عارف اعمل اية!!!!!!

الدريم 8000 hd
انا شخصيا استخدم هذا الجهاز مع تليفزيون سامسونج
Full HD 1080p
وصورة hd رائعة الى درجة تصل لحد الابهار
تفاصيل اكثر فى هذا الموضوع المشاركة رقم 18

http://www.masrawysat.com/vb/showthread.php?t=403450

http://www4.0zz0.com/2012/03/06/07/611878920.jpg

أخي العزيز انا متشكر جدا على سرعة الرد بس الدريم بوكس غالى جدا انا كل اللى معايا من 500-800 جنية بالظبط
على فكرة انا نسيت أقول اني مش عايزة يفتح اى قنوات لأني مش عندي نت الا من خلال USB فأرجو مساعدتي على ايجاد ريسيفر HD لأفضل صورة واية رأي حضرتك فى ال EH وهل هو فعلا استرا لأن الريسيفر اللى انا هارجعه النهاردة EH9400z PVR HDMI لأن صورتة سيئة جدا
والشركة بصراحة محترمة قالولى تعالى بدلة فهل يوجد جهاز EH يكون HD صورتة كويسة ؟؟؟
وانا متشكر جدا لحضرتك على مساعدتي

عندك الهيوماكس اتش دى وتقريبا هيبقى افضل صوره
ادخل على قسم الهيوماكس وكون فكره عنه
وعندك الكيوماكس الجوكر اتش دى ب530 وبيفتح القنوات المشفره عن طريق النت العادى وفلاشات النت والويرلس كمان بس الجهاز صينى بس صورة القنوات الاتش دى بتاعته جميله عندى وانا عندى شاشه اتش دى ريدى ماركة ال جى
لكن الهيوماكس اعتقد صورته هى انضف صوره
ادخل على القسمين وكون فكره قبل ماتشترى

اخى الفاضل طالما انت هترجع الجهاز لاكترونيك هاوس بدل الجهاز من عندهم برسيفر اخر من انتاج الشركة اسمة pan sat 9000 hd الرسيفر فعلا جيد جدا حيث نة كورى المنشا فول اتش دى بقوة 1080 سرفر لمدة عام جميع القنوات نايل واوربى واموس طبعا مفيش شوتايم ولة اوربت الجهاز فعلا عندى والصورة جيدا جدا على شاشة سامسونج سيرس 4 ولك مطلق الاختيار وسعر الجهاز 590 من التوكيل