الرجاء الافادة من الخبراء بخصوص تليفزيون توشيبا lcd
 

اشتريت النهاردة تليفزين توشيبا lcd ملون hdmi
19 بوصة ب 1250 جنية
هل هذا الجهاز كويس ام ردىء كذلك هل جودتة عالية فى القنوات الاتش دى ام ماذا لانى لسه ما اشترتش رسيفر اتش دى
وما هو افضل رسيفر اتش دى يتعامل مع التليفزون بكفاءة ويكون سعرة مناسب
وسشكرا لكل الاخوة المحترمين

الجوكر جهاز ريسيفر اتش دى صورته روعة جدا على التوشيبا انا عندى اتنين توشيبا 32 و 24 والصورة فيهم على الجوكر روعة بجد وهو فى حدود 520 ج بس ليه مجبتيش الشاشة 24 اكبر واحسن وهتزيد 50 او 100ج فقط

اشكرك اخى الحبيب بس عايز اعرف اشغلها ازاى على الكمبيوتر

السلام عليكم ؛ مبروك الشاشة
 

منتجات توشيبا منتجات ممتازة بشكل عام
بالنسبة للسعر مش عارف كدا حلو ولا لاء !!
انا صحيح مهندس بس الحال واقف من ايام النكسة (الثورة يعني)
المهم
الشاشة بإذن الله ممتازة و حجمها مش صغير ولا كبير ؛ لكن هتلاقيها هاي ديفنيشن ريدي مش فل !! يعني علي 720p عموماً القياس ده أكتر من ممتاز و لغاية الحجم 32 مفيش فرق ملحوظ بين ال 1080 و بين ال 720
الشاشة ممكن تشتغل علي الكمبيوتر عن طريق توصيلها بوصلة فيجا rgb لونها ازرق زي الشاشات التقليدية و دي بتتباع في الخليفة المأمون و دوري علي حاجة مانهاتن او براند كويس علشان تنقل صورة حلوة ؛ و لو مانهاتن غالية من وجهة نظرك هاتي ديجيتال
و ممكن لو كارت الشاشة عندك فيه منفذ هاي ديفنيشن توصلي الشاشة عليه بكابل هاي ديفنيشن و هنا بقي معلش استحملينا و اشتري مانهاتن لأنه موثوق في كفاءة عرضه
التوصيل علي الريسيفر العادي من وصلات rca العادية اوديو فيديو يعني
بالنسبة للريسيفرات عندك eh و ده ممتاز في موديل تقريباً 9900hd و ده تحفة بجد
اي إستفسار انا موجود.

انت تسمى الثوره المصريه العظيمه نكسه لو علمت ما فعله المخلوع لمده 30 سنه فلن تقول عليها نكسه المخلوع جرف مصر وقزمها عالميا وجعلها صندوق قمامه لامريكا واسرائيل والحكومه اللى عينها حكومه رجال الاعمال الحراميه اللى نهبوا البلد وباعوها وكان كل عملهم هو بيع كل شئ فى الدوله وياخذون العموله بس واضح انك كنت بايت بره ومش دارس تاريخ كويس اذا لم تقم الثوره فان مصر كانت ستنهار لوحدها لان الظلم والفساد والانحلال زاد عن الحد واصبح الظالم المستبد يفتخر ويجاهر بظلمه واقول لك انت جاهل ولا تعرف اى شئ مش معنى انك ركبت كذا طبق اى فواعلى او سباك بيركبهم بكل سهوله يبقى انت علامه patch_sal--

يا اخى كل واحد حر فى رايه يشوفها ثورة او نكسة او حتى ما يشوفهاش خالص هو حر
وعيب عليك تقول جاهل او تسفه من عمله او قدره
وماله السباك من غيره مش هتعرف تخش الحمام
وماله الفواعلى من غيره تقعد فى الشارع
ومش معنى انى مختلف فى الراى ابقى جاهل او ........او.........او..........
وبعدين من اول مشاركة بتشتم الناس
واخيرا الاحترام ليس للبيع او الشراء
ونرجو من الادارة مراجعة العضو

بعد ما تجربيها على الاتش دي ياريت تعطينا رائيك فيها وياريت كمان لو نعرف سعر ال24 بوصه وهل هي فل اتش دي؟؟

ردا على اللاستفسار .
 

lcd ... وسعرها 1340تحت مقاس 24 بوصة . toshiba ... hv10e
وموديل اخر بزيادة 200 ليصبح 1540 .
وكلاهما بتقنية fuil - hd

ردا على اللاستفسار .
 

اولا ... مبروك اقتنائك قمة التكنولوجيا فى وقتنا الحاضر .
ثانيا ... ايماءا الى تاريخ رفعك الاستفسار ومازال فى حيز المسموح به
يسعدنى ان ابدى راى فى الافضليه لهذه التقنية وكما يلى ...
ظهرت فى الاونة الاخيره lcd تحت مسمى tornado واسعارها كالاتى ...
24 بوصة وسعرها 1240 جنيها ... fuil hd .
32 بوصة وسعرها 1940 جنيها ... fuil hd
.................................................. .........
led --- بمقاس 19 بوصة وسعرها 875 جنيها .
ومقاس 24 بوصة وسعرها 1450 جنيها .
ومقاس 32 بوصة وسعرها 2550 جنيها .
وجميعهم fuil hd . ومنتهى الروعة فى كل شيئ .
وبرغم انها ضمن خط انتاج نفس توشيبا الا انها تفوقها فى كل شيئ .
=
وبالتوفيق ان شاء الله

افضل من السامسونج؟؟

حضرتك بتقول في منتهى الروعه هل هي في روعة السامسونج ام افضل ام اقل قليللا؟؟

طيب عاوزين شاشه بإمكانيات محترمه لييد 32 بوصه سعرها يعمل كام

وهل فيه امكانيه ندفع مثلا 1500جنيه ونقسط الباقي بدون فوائد كتير؟؟

ردا على اللاستفسار .
 

لتعلم ان كثرة الاضواء بالمعارض تبهرك والموديل حديثنا لايوجد به تفاوت
فالمنتج واحد والجودة تكاد لا تفرق .
نامل استعراض كل المسميات المتاحة على الطبيعة لتستقر وتقتنع بنظرتك .

ردا على اللاستفسار .
 

ك . العبور به كم هائل من جميع المسميات والموديلات ويمكنك التقسيط
حسب المتاح لديك . فقط اذهب واطلع .
والاسعار موضحة بعالية . فقط تانى فى الاطلاع .