السلام عليكم :- محتاجه مساعدتكم
 

السلام عليكم ورحمة الله وبركاته

بصراحه مش عارفه هو ده القسم الصحيح ولا لاء

بس بصراحه انا تعبت كل شوية اروح لباب اللوق علشان يشغلوا الـ Art

انا شاريه جهاز بريفكس 8000 من حوالي شهر ونص
الراجل اللى باعلي الجهاز قال لي انا ممكن اخليلك الجهاز يفتح المشفر بس اشترى طبق تاني ويتوجه ناحية القمر W3

المهم اشتريت ولاقيته فتح الجهاز وركب بوردة تانيه جوا الجهاز مش عارفه نوع البورده دي ايه المهم فتح الـ Art بعد اسبوع قفلت القنوات اتصلت بالراجل قاللى هاتي الجهاز وتعالي . روحتله وشغل القنوات وتوقفت تاني وروحتله وكتير توقفت ورحتله بصراحه انا تعبت

المهم فتحت الجهاز من جوا وشوفت المكونات لاقيت عدد 2 بوردة واحده منهم للبريفكس والتانيه لبورده مش عارفه ايه هي وادي الصورة بتاعة البوردة التانيه

http://www10.0zz0.com/2012/04/02/14/656696816.jpg

لما سئلت قالولى دي اسمها بوردة متحوله لدنجل ياريت تفيدوني اسم البوردة دي ايه ؟ والدنجل اللى شغال عليها اسمه ايه ؟

وكمان ياريت السوفت وير بتاعها اللى يفتح القنوات وكمان طريقة تنزيل السوفت وير بس ياريت عن طريق الكابل العادي اللى بيتعمل بيه السوفت وير بتاع الرسيفر

ومتشكرة جدا واسفه للأطاله

البوردة صغيرة وانا مصوراها كلها ومفيهاش اي حاجه غير الرقم ده على تقريبا الفلاشة او البروسيسور 2824pl 1031 ومتشكرة جدا لرد حضرتك