مشكلة فى التنقل بين القنوات فى الجوكر ارجو المساعده
 

السلام عليكم
انا عندى كيوماكس الجوكر فرجن 1 ونزل ملف قنوات من المنتدى هنا ولقيت ان فى ترددات كتير بياخد وقت كبير عشان يفتح القناه بتاعتها سواء مشفره او عاديه غيرت السوفت وير ونزلت سوبر اتش دى 2.1 وعملت بليند سيرش بس المشكله انه نزل قنوات قليله جدا وكمان نفس المشكله فى التنقل بين القنوات مازالت موجوده علما بان الطبق عندى ثابت ومعنديش غير نايل سات هل فى اعدادات معينه فى الريسفر لازم اعملها؟؟؟ ارجوكم المشكله دى طفشتنى

اخى .. اولا ضبط مصنع - ثم الضبط على بحث شبكه - ثم بحث اعمى - ثم بحث مره اخرى بالزر الازرق - ستجد ان الباقات كلها قد تم تحميلها

شكرا اخى انا هعمل كده وهرجع ارد على حضرتك ان شاء الله وجزاك الله كل خير

عملت زى ماحضرتك قولت بالظبط وبرضه اغلب القنوات مش موجوده بس اللى انا لاحظته ان فى الصفحه بتاع اختيار النتوورك والبليند سيرش بيكون فى تحت بار للاشاره وبار للقوه واحد مكتوب عليه s وواحد مكتوب عليه Q ال Q حوالى40٪ انما التانى اللى مكتوب عليه s صفر هل ده معناه حاجه؟؟؟

المشكله عندك ان الطبق عايز ظبط بسيط - يعنى يمين شويه او شمال

المشكله كمان ان لما بعمل بليند سيرش بيكرر قنوات كتير جدااا زى مثلا قناة الحياه ممكن يكررها ييجى خمس مرات وهكذا

اعمل ضبط مصنع تانى .. وعند البليند سيرش حيسألك ..هل تريد حفظ المعلومات الحاضره .. اختار (لا) حتى لايكرر القنوات

نفس المشكله اغلب الترددات مش موجوده وبيكررها من نفسه بدون مايسالنى انا بجد تعبت مع الريسيفر ده مش عارف اعمل ايه

خلاااااااااااااااااص ياجماعه الحمدلله بعد عناء طويل اكتشفت المشكله المشكله هى ان الباشا صاحب العماره عامل فوق دش مركزى والدش المركزى ده من النوع القديم مش بيجيب كل القنوات على القمر وركبت النهارده طبق لوحدى للنايل سات والجهاز شغال طلقه وكل القنوات موجوده الله يكرمه تعبنى تلات ايام وبس ع الفاضى كتر الف خيركم والله وخصوصا حضرتك استاذ احمد ربنا يجزاك كل خير يارب