مشكله في التسجيل من القنوات المشفره في Qmax 999 HD V3
 

السلام عليكم

انا عندي مشكله في التسجيل من القنوات المشفره
في رسيفر
Qmax 999 HD V3

لما بسجل من القنوات المتشفره مثل
الجزيره
ESPN
لما بسجل من الرسيفر عالفلاشه بيسجل عادي بدون مشاكل ولما اعرض الي سجلته بواسطه الرسيفر بيشتغل عادي
لكن لما بشيل الفلاشه واوصلها بالكمبيوتر واجي اشوف الي انا سجلته مبيشتغلش خااااااالص حاولت بي برامج كتيييييير اوي
Windows Media Player + VLC + PURE CODEC + KLM Codec +

وكله مبيشغلش القنوات المتسجله من المشفر

لكن لما بسجل من القنوات المجانيه زيCBC
بيعرض عالكمبيوتر بدوووون اي مشاكل

ياريت الي يعرف حل للمشكله دي يقولي

ياريت تساعدوني لاني جايبه علشان اسجل من القنوات المشفره وخصوصا الاتش دي
شباب انا جيت هنا لالاني عارف ان ده اكبر منتدي متخصص بالشغل ده ياريت الاقي عندكم الاجابه لاني اصبت بالاحباط بصراحه من المشكله دي وشكرا لكل من نوي المساعده

بس انا اقولك نص المعلومة علشان انا والله ما عرفش باقي المعلومة ..... الامداد بتاع الفيديو هو ts
دور انت شوف ايه اللي ممكن يشغله علشان انا دورت ومالقيت

ياغالي أنا عابز حد عنده الجهاز اللي عندي يجرب يسجل من المشفر بس او الاتش دي ويقولي اشتغلت معاه ولا لأ وخصوصا المشفر هي دي المشكله مش راضي يشتغل نهائي ياريت لو حد عنده طريقه يقولي اشغله ازاي بس يكون مجربها

نفس المشكله عندي يا باشا وانا عملت موضوعين قبل كده هنا ومحدش فادني
مع العلم اني عندي رسيفر كوميكس اتش دي وبسجل من المتشفر عادي
لكن مع الكيو ماكس نفس مشكلة حضرتك ودي المواضيع الي انا عملتها

http://www.masrawysat.com/vb/showthread.php?t=403353
http://www.masrawysat.com/vb/showthread.php?t=433915

طيب ياغالي براحه عليا انت بتقول عندك رسيفر كيوماكس اتش دي وبتسجل منه وعندك تاني مبيسجلش طيب هما نفس النوع ولا نوعين مختلفين وياريت لو اعرف بيسجل اتش دي ولا لأ لان المهم عندي الاتش دي بصراحه والتسجيل عامل ازاي

+

يارب حد من المتخصصين يرد لاني بجد مش عايز ارمي الفلوس علي الارض ولو فيه حل ياريت يقولوه ولو مفيش هل فيه اجهزه تانيه تسجل المشفر والاتش دي ويشتغل علي الكوم بدقه ووضوح عالي من غير تقطيع والاسعار


ويارب نلاقي حل علشان الفلوس متبقاش راحت علينا انا شاري الجهاز مش من اسبوع

الأخ العزيز أنا عندى ريسيفر كوماكس أتش دى على سوفت السوبر 2.8 وبيسجل بأمداد ts وبيشتغل المسجل على الريسيفر بكفاءة و بيشتغل على الكومبيوتر مع برناج gom play بكفاءة و تكون أيكونة المسجل بلون أخضر و بيشتغل جرب و دى معلوماتى و أتمنى أن أكون ساهمت و لو بقليل فى حل مشكلتك و لك منى كل تحياتى

جربت تسجل من المشفر طيب ياغالي او الاتش دي المشفر ياريت لو جربت تقولي وتاكد المعلومه وتشوفلي اشتغل علي الكومبيوتر ولا لأ منتظر ردك بفارغ الصبر

أنا اللى قولتهولك من قبل عن تجربة بس نسيت أقولك الريسيفر عندى كوماكس hd v 2ومش عارف ده هايفرق ولا لأ و لك كل التحية

أنا بس مش فاهم حضرتك في حاجه انا بسالك هل انت سجلت من القنوات المشفره ام العاديه انا بسجل من العادي وبيشتغل علي الكومبيوتر بس لما اجي اسجل من المشفر واشغله علي الكومبيوتر مبيشتغلش مع انهم نفس الامتداد فانا بسأل حضرتك انت سجلت من القنوات العااديه ام المشفره

الامتداد علي فكره هو هو ts عندي لتفكر ان الاختلاف في الامتداد ياغالي

أيوه سجلت من محطة مشفرة و أشتغل على الكومبيوتر أخى الكريم و قولتلك قبل كده عن تجربة يعنى قصدى أيه بكده
مع خالص تحياتى و أمنياتى بحل كل مشاكلك

الرسيفر الي بسجل من عادي من نوع Comix مش Qmax
والكيوماكس مش بيسجل من متشفر لو سجلت متشفر يبقي اعرضه عالرسيفر بس