هو محدش عارف يرد علينا ؟؟؟؟؟
 

السلام عليكم و رحمه الله و بركاته
اعمل ايه؟؟؟patch_no:::
انا عندى ***** شغال كويس و متاكد انه شغال لانى لما بشيل الفلاشه (الفودافون) و اوصله على الدى اس ال بيشتغل زى الفل و لكن مع ذلك فى حاله تشغيله بالفلاشه مش بيشتغل ولا بيعد ******* مع ملاحظه ان
الفلاشه فودافون موديل k3565 و فاتوره شهريه و شغاله 100% و بتاخد اى بى بعد ثوانى علاطوول و بتكتب رقم الاى بى
الجهاز جوكر فيرجن 2 محمل بسوفت تايجر 2.23
******* شغال 100 % فى حاله تجربته على الدى اس ال

و شاكر المتابعه

الريسيفر بيكون support فقط لانواع معينة من الفلاشات وليس كل الانواع
على سبيل المثال فلاشة اتصالات e1550

طيب ما انا ذاكر نوع الفلاشه و انه من الانواع المدعومه ده حتى ا/ حماده الجوكر مصورها و هى اخت اللى معايا فموديل ايه بقى اللى شغال او بتتكلم عنه

مانا بقولك ان الموديل اللى شغال واناوناس كتير جربتة و بلا مشاكل فلاشة اتصالات e1550
فلاشتك ال vodafone شغالة تمام بس ممكن مش مناسبة مع السوفت اللى انت علية

يعنى الموضوع بتاع المشرف غلط لانى بالظبط عامل اللى فيه

1. الفيرجن 2 و السوفت تايجر 2.23
2. الفلاشه نفس الموديل المذكور
3. الطريقه اتعملت حسب الشرح لان النتيجه النهائيه انه تم الاتصال و الاى بى مذكور

يبقى فين الغلط فيا ولا فى الموضوع ولا فى الناس اللى كلها ردت مشكووووووووووور ؟؟؟؟

لأ ،موضوع المشرف صح وطالما ان انت استخدمت نفس السوفت يبقى المفروض ان كل شئ يكون عندك تمام و الفلاشة شغالة و ********* تكون متصلة

اذن علللللللللللل؟؟؟؟

انا بحاول اساعدك فياريت تكون طريقة طرحك لأى سؤال او استفسار اظرف من كدة .
دة اللى انا عملتة عشان اشغل فلاشة النت عالريسيفر عندى :-
- ضع وصلة من لان الكمبيوتر الى لان الريسيفر ثم ادخل على My Network Places
2 - قف على ايقونة اتصالات انترنت Etisalat Internet (او فودافون)
3 - كليك يمين واختار advanced
4 - اختار وعلم على allow other network ثم ok ثم ok
5 - ضع الفلاشة فى اليو اس بى وشغل انترنت الفلاشة ولا حظ أن اخر خطوة انك تضع فلاشة فودافون فى اليو اس بى مش قبل كدة
6 - ريسترات للريسيفر من البور الخلفى

استاذى العزيز اولا انا مش بحاول انى اتكلم باسلوب مش ظريف او مفتقد التهذيب لكن انا حاولت فى المشاركه الاصليه ان انا ارد على كافه الاستفسارات اللى ممكن حد يسالهالى لذلك انا كنت برد على اساس انى اسال عن شىء سبق لى الاجابه عنه حتى قبل السؤال
لكن مفيش اى معنى لانى اقلل احترامى لاى حد او اتكلم باسلوب مش ظريف لا سمح الله و انا على اعتذار اقدمهولك ان كان فى مما قلت اساء اليك
اما بالنسبه للمشاركه فى رقم 5 انا احتارت هل انت فى نصفها الاول بتتكلم عن يو اسى بى اللابتوب و فى النص التانى يو اس بى الريسيفر ولا حاجه تانيه ؟؟ لذا فارجو التوضيح اكثر
لان انا اللى فهمته انك بكده بتعمل شير للانترنت من فلاشه النت اللى متوصله على الكمبيوتر للريسيفر عن طريق كابل شبكه و كده يبقى الفلاشه الخاصه بالنت مش حتركب فى الريسيفر

لا اعتذار و لا حاجة اخى العزيز ... احنا اخوات
بص الطريقة اللى انا قولتهالك فى المشاركة السابقة عشان تكون مشغل الفلاشة من على الكمبيوتر يعنى تعمل share زى مانت قولت ودى طريقة .
و الطريقة التانية لتشغيل الفلاشة مباشرة عالريسيفر اعمل دة( طبعا من الريسيفر) :- نخش على خاصية 3G
نختار USER DEFINE

VPN : internet.vodafone.net
dial number : *99#
user name : internet
password: internet

يا باشا مهو ده اللى انا بتكلم عليه ان الكمبيوتر ملوش اى علاقه بالموضوع
انا مش عايز استعمل الكمبيوتر انا عايز الريسيفر ياخد النت من الفلاشه اللى متركبه فيه
بعدين فى حاجه هنا حضرتك ذكرتها ان البيانات بتاعه فودافون مختلفه عن البيانات اللى ذكرها استاذ حماده و مجدى فى المشاركه دى
http://www.masrawysat.com/vb/showthread.php?t=440503
مع ملاحظه ان البيانات المذكوره فى الموضوع اعلاه اشتغلت صح لانها عملت كونكت و بتاخد اى بى
اللى حصل ان الجزء بتاع الثرى جى بس هو اللى شايف انترنت انما باقى الجهاز فى وادى تانى
انت فاهم قصدى و لو مكنش ممنوع كنت كلمتك على التليفون او على الايميل لكن انا مع ان الناس كلها تستفيد عله يكون اخر لديه نفس المشكله

انا فاهم قصدك وكلامك صح طبعا، طب ماتجرب البيانات اللى انا قولتهالك فى المشاركة رقم 10 مش هانخسر حاجة

خلاص ان شاء الله نجرب و انا حابب اشكرك على مجهودك و اهتمامك و اعتقد ان الاخوه المشرفين مدينين بالشكر ليك على الدور اللى انت عملته مكانهم فى الوقت اللى كان لازم اخواتى المشرفين اصحاب الموضوع الاصلى هما اللى يردوا و يتابعوا
نتمنى اننا نشوف منهم متابعه