|
حصريا لقسم الدريك شرح خاصية التايم شيفت بالصور
السلام عليكم اخوتى الاعزاء النهاردة على السريع كده حنشرح خاصية التايم شيفت TIME SHIFT طيب الأول معناها ايه خاصية التايم شفت وأيه فايدتها : باختصار تخيل انك بتتفرج على فيلم جامد وجه معاد الصلاة وخايف يفوتك اخر 5 دقايق مثلا فبتدوس على زر الايقاف وتروح تصلى ولما ترجع تدوس عليه تانى يبدأ يعرضلك من ساعة ماوقفته وبكده مفيش حاجة تفوتك طيب ازاى نشغلها ؟ لو بصيت فى الكاتالوج حتحس كده انها عملية ملعبكة وبيتكلموا عنها فى اكتر من صفحة فحنحاول نلم الموضوع فى الاتى : اولا : نتأكد من ضبط الاعدادات كالأتى ( الاعدادات دى هى ضبط المصنع يعنى ال default يعنى مش حتغير حاجة فيها اصلا بس مجرد حتتأكد انها مضبوطة ) وطبعا لازم الفلاشة تكون راكبة لانه بيستخدمها فى حفظ ملفات التسجيل المؤقتة عليه http://www4.0zz0.com/2012/07/04/21/331083012.jpg http://www4.0zz0.com/2012/07/04/21/342887177.jpg ونمسك الريموت وان شاء الله حنستخدم الزراير اللى متعلم عليها بالأسهم http://www4.0zz0.com/2012/07/04/22/699886134.jpg ثانيا : مثلا الماتش اللى حنعرض لقطاته ده وقفت العرض عند الدقيقة 82 عن طريق زرار الايقاف المؤقت فى الريموت (السهم الاصفر ) ورحت اتكلمت فى الموبايل ورغيت شوية http://www4.0zz0.com/2012/07/04/21/863215480.jpg ورجعت دوست تانى على نفس الزرار فحنلاقيه يكمل عرض عند الدقيقة 86 وده شئ طبيعى طبعا http://www4.0zz0.com/2012/07/04/22/354547919.jpg ( طيب والاربع دقايق اللى راحوا عليا !! ) متخافش حتدوس على زرار التايم شفت (السهم الاحمر ) حيعرضلك شريط شكله كده وموضح عليه الوقت اللى اتسجل تقريبا اربع دقايق ومقسمه مقاطع http://www4.0zz0.com/2012/07/04/22/292066483.jpg ثالثا : بسهولة تستخدم زرار الترجيع ( السهم الازرق ) حيرجعلك المقطع اللى انت عايزه او تدوس زرار التقديم ( السهم الاخضر ) لو حسيت ان الجزء اللى فاتك كان ممل ومايستهلش ملحوظة هامة : العيب الوحيد للعملية دى هى ان الملف اللى بييستخدم للتسجيل المؤقت بيبقى حجمه كبير الى حد ما فانا سجلت حوالى 6 دقائق لقيت الملف حجمه 250 ميجا واكبر فترة للتسجيل المؤقت هى 120 دقيقة يعنى لو حتستخدم الخاصية دى لترجيع ساعتين يبقى عايزلك فلاشة فاضية على الاقل 16 جيجا ( احتمال يكون كبر حجم الملف راجع انى سجلت من قناة HD ) مع خالص تحياتى وتمنياتى بعدم ضياع اى مشاهد من افلامكم المفضلة patch_lov-patch_lov- |
اقتباس:
|
اقتباس:
|
تسلم ايدك استاذ حماده
واصل ابداعك |
اقتباس:
|
بارك الله فيك |
بسم الله ماشاء الله patch_lov-طرح رائع من انسان ولا اروع ربنا يباركلك ويفرحك عن قريب بالنجاح الميمون وواضح ان رغيك على الموبايل بيولد ابداع وتميز واصل ياباشا |
اقتباس:
|
أستاااااااااااااااذ دائما يلمع نجمك يا كبير واصل تألقك patch_lov-patch_lov- |
اقتباس:
|
اقتباس:
|
الله الله الله عليك تسلم يا عم حماده
ايه الامتياز ده من تقدم لتقدم بورك فيك |
اقتباس:
لما الكلام ده يطلع من اخى الحبيب الغالى السيد اسماعيل يبقى انا كده حصلت على شهادة أعلى من شهادة الايزو patch_lov- |
اقتباس:
ده حقيقى انا فرحان جدا بتميزك عمل تشكر عليه عقبال مفرح بنجاح ابنك ان شاء الله |
اقتباس:
|
| الساعة الآن 08:14 AM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd