الى الاستاذ data2008 سؤال ارجو الرد بصراحه
 

سؤال الى الاستاذdata2008 ما افارق بين الترومان بريمير بلص والدريك 7500 من وجهه نظرك وما المميزات التى توجد فى الدريك غير موجوده فى الترومان بما انك اشتكيت كثيرا من الترومان وهل هو مقارب من الدريم بوكس لانى سالت عليه فى التوكيل قالى 1100 جنيه والدريم بوكس 800 se الجبار ب1750 بس طبعا يحتاج مهاره كبيره لاستعماله وانا محتار جدا بين الترومان والدريك فاريد رايك بما يرضى الله زى متعودنا منك ولماذ لم تشترى الدريم 800 مع هذا الفارق الللى مش كبير فى السعر وانتا قولت فى مشاركات سابقه انك عندك دريم بوكس 500 العادى وتستعمله بمهاره

شوف يا استاذى
انا هقول رائى بصراحه انا هاوى ولست فنى او بائع ستالايت
وليس لى علاقه ولا مصلحه بالترومان او الدريك
انا اشتريت الترومان ومعجبنيش وبيعته
وبعدين فكرت فى الدريك ومستعجلتش دخلت هنا وتابعت وسألت وشوفت صور
بصراحه الصور اللى الناس بتحطها تدل على ان الجهاز قمه فى الشياكه وشكل القوائم
وبعدين اشتريت الدريك ومن اول ما الراجل فى المحل جربه وهو عجبنى
ولقيته سريع جدا الراجل عمل لى بحث عن القنوات لقيت سرعه فى البحث ما شاء الله
اكتر من الدريم بوكس نفسه
شكل القوائم جميل جدا احلى من الترومان بكتير وممكن تتحكم فى القوائم كمان على النظام
اللى انت بتحبه واليوتيوب جامد عليه واخفف من الترومان والمتصفح كمان اخفف
انا كنت ناوى على دريم 800 بس حسبتها
لقيت ان الدريك فيه مميزات اكتر من الدريم زى تصفح النت مثلا ودعم امتددات كثيره
والتايم شفت عليه ممتاز جهاز تحس انه تحفه فنيه وله اجهزه شبيهه فى كل الدول
يعنى دعم فنى من اكتر من دوله واكتر من شركه لان ما يطبق على الاجهزه الشبيه يطبق عليه
وقناه اليوم بتاع اوربت شغاله عليه بكفاءه انا جربتها
الدريك ينقصه فقط بلجن ترجمه الافلام على السوفت الاصلى بالرغم انه موجود على الانيجما
للدريك لكن افضل ان تكون على السوفت الاصلى حتى نستمتع بكل مميزات سوفت الدريك
نصيحه منى خليك فى الدريك وريح دماغك
انا اتعلمت فيه حاجات كتير ولسه بتعلم ...... الجهاز ما شاء الله فيه كل حاجه

هل وضوح الصوره هو السبب الرئيسى فى تغيريك للترومان اخبار الصوره ايه على التليفزيون العادى لان ناس كتير معندهاش lcdونا اشتريت الترومان لواحد صاحبى الاسبوع اللى فات وبصراحه جهاز ممتاز ولكن الصوره مهزوزه على التليفزيون العادى حتى تصفح النت واليوتيوب سريع ام ان فى مميزات اكتر فى الدريك وهل يتم ادخال ***** البسس يدوى لانى عندى القمر التركى واتفرج على المباريات من خلال ادخال ******* يدوى من وقت موقف الدونجل ميكروبكس

انا مغيرتش الترومان علشان وضوح الصوره فقط
انا غيرت الترومان علشان حاجات تانيه
والدريك بيقبل ******* يدوى عادى زى ما انت عاوز والجهاز رائع على التلفزيون العادى ورائع جدا على ال lcd انا صاحبى مشغله على lcd
اشترى وتوكل على الله
ومتدخلنيش فى كلام عن الترومان علشان المشرفين بتوع الترومان بيزعلوا منى
ورمضان كريم

استاذ data ممكن اعرف حضرتك اشتريت الجهاز منين ب 1025 عشان انا لقيته فى البحر الاحمر فى باب اللوق ب 1100 و لقيته فى عامر ب 1000؟؟

شارع جانبى ابعد عن الشوارع اللى واخده مكان ظاهر لانهم بيغلوا الاجهزه

نحن هواه اخى الكريم لا لينا مصلحه فى الترومان ولا الدريك ولكننا اخوه هنا نفيد بعض نحن من طبقه متوسطه معظم من يدخلون هذا المنتدى والدريك 1100 جنيه والترومان ب860 جنيه بلنسبه لنا هذا مبلغ كبير وانا عندى ترومان 150 x الترا العادى من سنين وهو جهاز جميل بجد وعشان اغير الترومان لابد ان اقتنع انه فى افضل من الترومان وخصوصا انه له توكيل كبير يحل كل مشاكله هل الدريك اذا تلف فى اى شىء يوجد توكيل يصلحه وماهو الدافع فى تغير الترومان بلنسبالك مع احترامى للمشرفين ولكننا نتبادل كاعضاء

حبيبى انت معاك ضمان سنه والراجل اللى باع لى لى قال لى انه التوكيل فى اسكندريه وانه اى جهاز به عطل يتم ارساله اسكندريه عن طريقه
وعنده جهاز ستارسات بنفس مواصفات الدريك ونفس الريموت وده توكيله هناك
فى باب اللوق لكنى فضلت الدريك لانه عند كل الناس
وانا شايف الجهازين زى بعضهم وكمان الاسكاى ايرباك هو نفسهم ايضا
يعنى عندك 3 اجهزه بنفس المواصفات ونفس الريموت ونفس القوائم
لو انت مقلق ان التوكيل فى اسكندريه هات ستارسات الشبيه له او سكاى ايربالك
ضمانهم فى القاهره وسعرهم اقل 100 الى 150 جنيه

مجوبتش على سؤالى وماهو الدافع فى تغير الترومان بلنسبالك مع احترامى للمشرفين ولكننا نتبادل كاعضاء

بلاش السؤال ده
حتى لا يدخل الاخوه فى مناقشات مره تانيه
ممكن تراجع المشاركات فى القسمين
وقرر ان بنفسك

ده اللى انا عاوز اقوله

وده الصح اخى الحبيب
حضرتك شوفت النقاش الحاد فى مشاركه سابقه