مصراوى سات - أنا المصري

أنا.. المصري
*****
أنا ..المصري
ومش سايب لكم...مَصري
ومصر الأم للكافــه
ماهيش" للتيارين" ..حصري
حياتي ..حـُر أنا..فيها
ودَقني00مش هأربيها
وعصر البدو..مش عصري
فروض الله..بأدّيها
وبالسـُنّه..بأحليها
عشان ربي يخليها
سبب في عِزتي00ونصري
أنا واحــد من الميدان
لانا سلفي 00ولا إخوان
ولا لابس قميص عثمان
أنا بالعلم والإيمـــان
وبالسُنـّه000 وبالقرآن
بأشّيد مسجـدي وقصـري
ومن صُغري00بأقول أشعار
وفي شِـعِري بأقـول الحق
تقول : غاوي00تروح النار
هأقـولك : ألف لأ000ولأ
مش أحـرم نفسي م الدُنيا
ولا أحرم م الجمال00بَصري
يا عالـَم00يا عبــاد الله
بلاد الله 00لخلق الله
دي صرخة حق بأطـِلقها
ولو خنجركو00في خـَصري
*****
أنا ..المصري
كريم العنصرين00 والأهــل
حضاره عمرها في الكون
تاريخ شامخ00طريق مش سهل
بناه كام مصري 00كام فرعون
بعلم ومعرفــه 00و ب مهـل
وعايزينّي00أكون مجنون
وأهـّد اللي بنوه 00وب جهـل
***
أنا مصري00مانيش مجنون
ولا في فـِكركم00مسجـون
أنا عاشق تراب 00بلدي
ولو عايش عليه00مطحـون
ومصر القيمه 00والقامه
عليها م الأعـادي 00عيون
بتسعي00تطفّي أنوارها
تكّره فيها00زوارهــا
ولو تقدر00 تأخرهــا
وتدفع 00لو تدمرهــا
وبالغالي 00ومهمـا يكون
***
أنا ..المصري
جــدودي ماتوا في السخُره
ومات منهم كتير 00في الحرب
ولو " كُتب القتال كُرها ً "
تلاقونا أسود00في الكــرب
دمانا فوق تُراب سينا
شهود ع الملحمه 00والضرب
تُراب سينا00ماهوش للبيع
وخط المينــا00مش للبيع
لجاي م الشرق أو م الغرب
***
أنا المصري00أبو التوحيد
أنا من طينه00صالحـاوي
لانا شامي ولا قطـــري
ولا من طينه طالحــاوي
سَــمار النهر ف جبيني
ولون الوش 00قمحـاوي
ومصر بحالها00للمصري
ولو عمل البعيد00حاوي
لانا إخوان 00ولا سَـلفي
ولا " فتحي " و " حمساوي "
ومش ناوي أشوف مصري
في يوم00في "وضع مأساوي "
أنا حالف أشوف بلدي
وفيها الكل00مـِتساوي
***
أنا المصري
اللي عاش غلبان
مانيش صاحب حـِساب بنكي
ولادي زيي00مصريين
مفيش فيهم ولّد " يانكــي "
وراجع تاني للميدان
معايا م البشر00ملايين
نجيب مصر00اللي مخطوفه
بإسم الشرع وإسم الدين
نضم إدينـا إيد واحـده
وضربتنا تكون واحـده
ومصر الكـُل في واحده
ونرجع00نبتسم تاني
ونرجع تاني00مصريين
***
صابر أحمد

التيارين " السلفي والأخوان
يانكي : أمريكي