|
رجاء شرح قياس المكونات الالكترونية بالأفو الديجيتال وليس الانالوج
السلام عليكم ورحمة الله وبركاته
أرجو من السادة ذوى الخبرة فى هذا المجال شرح كيفية قياس المكونات الالكترونية بالأفو الديجيتال وليس الانالوج اكرر وليس الانالوج فلايوجد بالمنتدى كله شرح لهذا الافو والجميع يعلم انه الافضل فى القياس ولما نلاقيه من تطور فى هذه الايام أرجو أفيدونى بالشرح حتى ولو كنت تعلم كيفية قياس مكون واحد لاتبخل على خاصة المكثفات والبف والمقاومات 2- احد مهندسى الصيانه افادنى بأنه يجب ان افهم الدائرة وكيفية عملها قبل ان اتعلم القياس وكيفية تحديد العطل ثم بعد ذلك القياس فكيف اعرف ذلك ولكم منى جزيل الشكر patch_sante--patch_sante--patch_sante-- |
|
متابعه ممتازه اخى احمد بارك الله فيك يا غالى
|
شكرا اخى احمد وبارك الله فيك لكن انا اريد شرح اكرر شرح وليس صور اذا كنت انا مبتدىء اذاى هفهم من غير شرح انا معلوماتى فى الهارد وير ضئيلة جدا ياريت الشرح وبارك الله فيك وفين باقى المكونات ولك جزيل الشكر
|
فين ياجماعه الشرح
|
بص ياغالى بما انك لسة مبتدء فى شغل الهارد وير ياغالى موضوع انك تتعلم من القراءة بيكون صعب ومتعقد جدا من الافضل انك تتابع الشروحات والموضيع المصورة فى القسم وحضرتك تستفيد اكتر وادخل هنا وتعرف على الاشياء المستخدمة فى الصيانة وكيفية قياسها للاستاذ ادم (ابو اسامة ) ولو عند حضرتك اى مشكلة بتطرحها هنا فى القسم وان شاء الله هتتحل انت بقى عليك اى مشكلة تقابلك وتحلها تدون العطل وحل العطل فى ارشيفك اذا كانت نوتة او برنامج على الكمبيوتر ومع الوقت هتعرف كل شيىء وهيبقه الموضوع بالنسبالك مع كتر التكرار سهل جدا تحياتى لك ياغالى وانا تحت امرك فى اى شيء احنا هنا فى خدمة بعض |
معلش انا عارف انت عاوز تساعدنى احساسك وصلنى وانا هعتبر انى كسبت صاحب جديد انا مش عارف اشكرك ازاى انت لو دخلت على مواضيعى انا يمكن طلبت شرح الافو الديجيتال تقريبا 5 مرات فى خمس مواضيع مختلفه وللاسف مافيش شرح نهائى حتى فى المنتديات الاخرى شاكر ليك اخى خالد وبحييك على اخلاصك وقلبى معاكم اهل العريش ربنا يكون فى العون
والقصه انا شايف انها مش صعبه دى كل الحكاية ان لو واحد بس يقولنا لما تقيس الترانزيستور يكون وضع الافو على ايه ولما تضع الدراع الاسود على .. هيعطيك كذا ومن ثم قياس المكثف والسليكون وهكذا دى صعبه لكن الحمد لله من كتم علماً ألجمه الله بلسان من نار يوم القيامه والله اعلم لكن ربنا فى القرأن قال " وأما السائل فلا تنهر () وأما بنعمة ربك فحدث صدق الله العظيم ولم يحدد الله نوعية السؤال فهناك السائل عن الصدقه وهناك السائل عن المساعده وهناك السائل عن العلم وأنهى الله كلامه فى السورة ب"وأما بنعمة ربك فحدث اذاً الله امر بعدم كتم الشىء الذى يطلبه السائل وهو فى ايدك وبإستطاعتك انك تديهوله دون ان يؤثر ذلك عليك فى شىء |
اقتباس:
|
انا محددتش شخص بعينه يابشمهندس لكن ماتقنعنيش ان الناس اللى فى قسم الصيانه دول مابيشتغلوش غير بالانالوج وبس دول من خلال مواضيعهم دول مخترعين
يعنى ناس فاهمه وفاهمه كويس جدا وانا مطلبتش حاجه صعبه اوى اعمل 5 مواضيع ومش لاقيلها اجابه انا لو شايف ان الناس على قدها ماكنتش هسأل ولا احرج نفسى انما الناس عامله موضوعات جامده مش ممكن تكون جت كده بالصدفه وبعدين هو فين الشرح الخاص بالديجيتال اصلا علشان تقولى مش قادر استوعبه وبرضه لسه بتسألنى انا عاوز ايه بالظبط والله انا عاوز شرح كيفية استخدام الافو الديجيتال فى قياس المكونات الالكترونية وبس عندى 4 افوميتر ديجيتال مش ممكن هرميهم واشترى انالوج علشان خاطر مش لاقيلهم شرح كل اللى انا عاوزه تقولى لما اجى اقيس الترانزيستور بالافو الديجيتال هو ليه 3 اطراف ياترى هظبط الافو على وضع ايه وهقيس ازاى بالدراعين الاسود والاحمر والمكثف والدايود والفيوز والكريستاله والمقاومه والاى سى لايقاس اعرف ذلك لكن كيف اتعرف عليه لو كان تالف او سليم ربنا يبارك فيك وجزاك الله خيرا ها ؟ طلبى صعب لو تعرف ياريت ماتبخل على واكيد بيعطيك الله ثوابك وشاكر على كل ردودك الطيبه بارك الله فيك |
بص يا غالى وبعد اذنك ارفع صوره الافو اللى حضرتك بتستخدمه عشان اعدلك عليه بالصور واشرحلك كل ما تريد
|
3 مرفق
اقتباس:
http://www.masrawysat.com/vb/attachm...1&d=1344715690 http://www.masrawysat.com/vb/attachm...1&d=1344715690 أى نوع يابشمهندس من دول اشرح عليه وتوكل على الله بس بفضل الاسود الاخير الكبير وجزاك الله كل خير تحياتى ليك patch_lov-patch_lov-patch_lov- |
عذرا اخى الفاضل للتاخير فى الرد والاطاله وارجوا انك تركز فى الشرح مع العلم انى هشرحلك بطريقه بدائيه وليست كما فى الكتب
اولا يجب عليك ان تعرف طرق القياس بالافوميتر والصوره المرفقه تحدد لك امتى تقيس فولت ثابت وامتى تقيس فولت متردد وامتى تقيس اووم وهكذا http://img512.imageshack.us/img512/2853/12015897.png اولا وحده الاووم يا غالى بنقيس بيها المكاومات والترانزوسترات والسليكونات وخلافه طريقه قياس السليكون يوجد بالسليكون علامه يا غالى وتسمى بالموجب او الكهربا والسليكون لابد ان يقاس على اتجاه واحد وليس الاتنين يعنى هتضع سلك الافوميتر الاحمر على موجب السليكون وتضع السلك الاسمر على الاتجاه الاخر من السليكون < وطبعا هتبقى ظابط الافوميتر على وضع الاووم او الصفاره > وهنفترض انه قاس معاك مثلا على شاشه الافوميتر 90 يبقى كدا تمام وبعد ذلك عليك بعكس طرفى الافوميتر على السليكون وفى هذه الحاله لا يوجد اى قرائه على شاشه الافوميتر يبقى كدا السليكون شغال اما لو قاس على الاتجاهين يبقى السليكون تالف وهذا الشرح يا غالى ينطبق على الترانزوسترات لان الترانزوستر عباره عن 2 سليكون فى بعض وبكدا يبقى انتهينا من طريقه قياس السليكون والترانزوسترات |
1 مرفق
طريقه قياس المقاومات على نفس وضع قياس الاووم فى الافوميتر مع العلم ان المقاومه بتقيس من الاتجاهين ولو قاست المقاومه يبقى شغاله وان ما قاستش معاك يبقى تالفه ولكن فيه مقاومات اعلى فى الاووم فلابد من ظبط وحده الاووم معها يعنى مثلا من 200 اووم الى 2000 الى 200 كيلو وهكذا حتى تقيس معك وان لم تقاس على اعلى وضع لوحده قياس الاووم يبقى تالفه ويوجد برنامج يا غالى يحدد قيمه المقاومه من الالوان الموجوده عليها وهذا البرنامج جميل جدا ويسهل عليك معرفه قيمه المقاومه قبل قياسها
برنامج قياس المقاومه |
طريقه قياس المكثفات يا غالى مش ذات اهميه واحنا بتعرفها من شكلها واذا كانت منتفخه تبقى تالفه وطبعا فيه مكثفات غير منتفخه وبالفعل تالفه ولكنها تالف نتيجه فقد قيمه من قيمتها الاساسيه ودى بنغيرها حسب العطل وحسب الممارسه ومعرف اسباب الاعطال
|
طريقه قياس خرج البور فى الدائره بمعنى انك تقيس فولت والكهربا واصله فى الجهاز
اولا يجب ظبط جهاز الافوميتر على وضع dc v وتحدد لو هتقيس فولت عالى مثلا 220 يبقى تظبط الافوميتر على وضع اعلى من 220 حتى لا تتسبب فى تلف الجهاز والعكس طبعا صحيح وتخلى السلك الاسمر ثابت دائما على الارضى وتبدا تحرك السلك الاحمر على الفولت الذى تريد قياسه كمثال عندك دائره فيها خروجات بور 5 و 12 و22 فولت وهكذ وعايز تعرف فولت 5 مظبوط ولا لا هتحط السلك الاسمر على الارضى زى ما وضحنا والسلك الاحمر على 5 فولت وتنظر الى القرائه الموجوده على الشاشه هتلاقيها 5 طبعا لو الدائره سليمه ومتاكد منها اما اذا ذاد الفولت فكدا ممكن يكون جهاز الافوميتر فيه مشكله او البطاريه الخاصه به تالفه |
| الساعة الآن 08:14 PM. |
Powered by vBulletin Version 3.8.11
Copyright ©2000 - 2025, Jelsoft Enterprises Ltd