ما هى اقل سرعه اشترك فيها لمشاهدة قنوات ابو ظبى
 

دلوقتى والحمد لله دخل فى بلدنا لينك دى اس ال مع شركة تى داتا واصبح فى شركتين عندنا
المهم دلوقتى عاوز اشترك فى لينك دى اس ال ولكن الاشتراك اغلى من شركة تى داتا بقول لنفسى موضوع الفلوس مش مهم
الاهم هو قنوات ابو ظبى من لينك دى اس ال
السؤال ما هى اقل سرعه اشترك فيها لمشاهدة قنوات ابو ظبى
وهل فيها تقطيع وقت المباريات زى اليوتيوب ولا بتتفرج على الماتش زى الرسيفر بالظبط
وهل لو فى بلجن للقنوات زى ما حضرتكم بتعملوه لقنوات ابو ظبى تشتغل طبيعى على سرعة 512
اتمنى ان تعرفونى كل شيء قبل ان اغير شركة النت واندمى على انى غيرت شركة تى داتا لان كمان مره الاسعار فى شركة تى داتا اقل من لينك دى اس ال
وشكرا لكم

يا اخى العزيز
اولا لينك دى اس ال سعر سرعة 1 ميجا ب 145 جنيه
اما شركة تى داتا سرعة 1 ميجا ب 140 جنيه وقيس على كده كل السرعات
ثانيا زى ما قلت موضوع الاسعار مش فارقه
اللى يهمنى جدا انك لما بتتفرج على ابو ظبى كانك مشترك رسمى فى ابو ظبى
يعنى مفيش تقطيع ما بيرمش
اعذرنى اخى الكريم انا بااكد على كلام
علشان لما احول للينك الاخ اللى مشترك معاه فى تى داتا ما يزعلش منى
لان عندنا الوكلاء هم افراد من بلدنا فمش عاوز ازعل اللى انا مشترك معاه علشان لو رجعت اشترك معاه تانى فى يوم من الايام
اتمنى انى اكون وضحت الامر
مشكور اخى حماده

لا ياباشا
فعلا لينك اغلى بحوالى 5 جنيه فى السرعه 512
وحوالى 5 او 10 جنيه فى السرعه 1 ميجا
وبالنسبه للسرعه المناسبه ... اشترك على 512 لو لواحدك وان شاء الله هتلاقى القنوات شغاله تمام
وعامه لو لاقيت تقطيع ولا حاجه تبقى تزود السرعه الشهر اللى بعده
بس خلى بالك متشتركش فى سرعه Limited اشترك فى Unlimited

بورك فيكم اخوانى
وده املى فيكم جميعا

كلامك سليم اخى حماده
يعنى المشكله المبدايه من شركة لينك نفسها فى تقديم الخدمه
ولا السينترال عندنا
بالنسبه للسينترال المشتركين حاليا 6 بس لان البلد كلها على تى داتا
انا مش عارف اقرر

خلاصة المشكلة يا اخى سامى ياعسل بينى وبينك هى الجشع
حتقولى ازاى حقولك المفروض ان الشركات دى بتاخد حزمة بسعة معينة من السعة الكلية للانترنت فى مصر ، لو هى تعاقدت مع مشتركين على قد السعة اللى عندها الخدمة حتبقى ممتازة بس العملية مش حتجيب همها بالنسبة ليها طبعا لان مرفق الاتصالات هو اللى بيحدد التسعيرة ، عشان كده بتلجأ انها تتعاقد مع اكبر عدد من المشتركين وطبعا على نفس نصيبها من السعة وده بيؤدى الى سوء الخدمة ، يعنى انت لو مشترك على 1 ميجا المفروض الداونلود بتاعك يكون على 128 كيلو بايت فى الثانية وطبعا الفعلى معظم الوقت من الشركتين بيبقى 50 او 60 كيلو بايت فى الاوقات العادية نظرا لكثرة الزباين ، فالخلاصة شوف انت لو مهمة اوى قناة ابو ظبى بالنسبة لك يبقى اشترك فى لينك والخدمة مش حتفرق فى الشركتين اما لو مش مهمة يبقى خليك فى تى اى داتا مع انى ليا تجربة مريرة معاهم بس يمكن عندكم الوضع يختلف ياغالى

مشكور اخى الكريم
ان شاء الله هنتظر على شهر 1 /2013 عما اشوف الامور هتسير على ايه وبعدها اللى ربنا يريده