مطلوب سوفت المصنع لترومان 150 mx ultra
 

السلام عليكم
اخوانى الكرام
مشكلة كل ما انزل سوفت على الجهاز واعمل اعدادات الشيرنج بتاعتى .. الاقى القنوات بتقطع والاشارة بتقل بشكل ملحوظ ..
طب اعمل ايه حد يدلنى ؟؟
اخر حل فكرت فيه انى احاول احصل على سوفت المصنع بتاع الجهاز يمكن يشغل الشيرنج والقنوات بدون تقطيع .
الجهاز نوعه ترومان 150 mx ultra

لو حد عندو حل للمشكلة دى ياريت يدلنى ولو حد مر بنفس المشكلة ياريت يقولى احلها ازاى
وياريت كمان ملف قنوات حديث نايل + اوروبى بالمشفر ولكم جزيل الشكر

هى هى المشكله

لأن سوفت المصنع مافيهوش خاصية ال sssp
المشكله عندك هارد وير

فك الريسيفر

ها تلاقى فى دايرة البور مكثفات منفخه

غيرها ها يظبط معاك

ان شاء الله

اشكرك اخى الكريم على مرورك ومحاولتك انك تساعدنى فى حل المشكلة فلك جزيل الشكر
بس ياريت توضيح اكتر لأنى لأول مرة أفك ريسيفر انا اعرف اركب المكثفات كويس على البوردة لكن ....
أولا : انا معرفش دايرة الباور شكلها ايه ياريت صورة ليها ومكانها فى الريسيفر .
ثانيا : ياريت المكان اللى اقدر اشترى منو المكثفات لأنى معرفش اشتريها منين
ثالثا : هل حضرتك قابلتك نفس المشكلة قبل كدة .. ولجأت للحل دة ؟؟ ولا دى تجربة ؟؟
شكرا لحضرتك مرة تانية واسف للإطالة

السلام عليكم اخى الكريم
انا بالفعل فكرت الجهاز ولكن ... لم اجد اى مكثفات منفخة ..ياريت حضرتك تساعدنى مع العلك ان فيه بعض القنوات مش شغالة زى مثلا ميلودى افلام ودرين وكل قنوات النايل وقناة الاهلى مبنتزلش من الاساس !!
علما بأن لما بشغل ريسيفر أخر على نفس الطبق بتشتغل كل القنوات زى الفل
ارجو الرد سريعا وشكرا جزيلا

أخي مرر ملف قنوات للجهاز وشوف القنوات الموجوده عليه
هتشتغل جميعها ام في قنوات لاتوجد اشاره لان الم تعمل جميعها فالجهاز به مشكله

استاذ رضا ابو سمر :-
سعد وتشرفت بمرور سيادتكم فإننى اقوم دائما بمتابعة مواضيعك الهادفة والشيقة والممتازة ... فكل تقدير واحترام لك ونتمنى لك المزيد من التقدم والازدهار ...
احب ان اوضح لك اننى قمت بالفعل بتنزيل ملف قنوات وكانت القنوات لا توجد بها اشارة على الرغم من انه يوجد قنوات شغالة بالفعل !!!
مثلا قنوات دريم ... قنوات النيل ... قناة الاهلى ... هذا القنوات تظهر وكأنها لا توجد بها اشارة تماما فهل هذا عيب فى الجهاز ؟؟
واذا كان عيب فى الجهاز فما هى طريقة اصلاحة .. هل افك الجهاز واغير حاجة معينة به ؟؟
اسف للإطالة استاذ رضا فإننا نسعد دائما بوجودك الغالى ونتمنى لك المزيد والمزيد ... شكرا لك

دي مشكله في الجهاز يا غالي ولو عملت بحث يدوي بتنزل القنوات علي غير تردداتها
فك الجهاز ونظفه بالتنر جيدا
وأغلق البافة الصفرا خلف التيونر
راجع الفولتات على ترنزوسترات الفلات امامlm317
ووافيني بالنتيجه

استاذ رضا ابو سمر بشكرك على مجهودك الرائع .. بس عندى طلب ياريت حضرتك تقولى ازاى اقفل البفة الصفرا وياريت صور توضيحية لذلك
شكرا لحضرتك