مشكلة تقطيع صورة التسجيل فى DVB Dream2.2 وعدم تشغيل قناتين جزيرة
 

السلام عليكم ورحمة الله وبركاته
شباب قابلنى مشاكل كتير فى البروج وغيرت للدريم وما شاء الله ممتاز وسريع وأفضل فى أشياء كتيرة

لكن المشكلة انه بعد التسجيل الملف mpeg يطلع الصورة مقطعة وفيها تشويش وجربت حلول زى انى اخد ملف recmng.dll من نسخة قديمة 1.5 ونفس المشكلة ولكن ال ts لقيتها مظبوطة ؟ ايه الحل للمشكلة دى ؟

وكمان ياريت لو حد شغال ببرانامج تقطيع فيديو كويس لانى شغال ب BoilsoftVideoSplitter ولكنه لا يقطع الفيديو الناتج مباشرة لابد من تحويله الاول الى صيغة أخرى ؟

والمشكلة التانية اللى واجهتنى فى البروج وأيضا فى الدريم قنوات الجزيرة مش بتفتح قناتيين مع العلم القنوات الأخرى التى تكون على نفس التردد بتفتح عادى " مشترك فى ***** مصراوى المدفوع " هل يوجد حل ؟

بالتوفيق للجميع إن شاء الله

أى حل ضرورى يا شباب
لان صيغة ts اما بتتحول الصوت بيضيع

انا شغال بنسخة قديمة وشغالة تمام
ممكن تجرب نسخة اخرى دى اللى معايا
http://www.4shared.com/file/TMY1uu35...etup_v14i.html
او لو انت مش مسطب حزمة كوديكس على الجهاز ممكن تسطبها
http://www.masrawysat.com/vb/showthread.php?t=616307

لو انت مسطب قبل كدة بلاش لان الاكثار من الكوديك بيعمل مشاكل لو ظبط الكوديكس هتتحل مشكلتك

بخصوص تقطيع الفيديو انا شغال ببرنامج Format Factory
لكن مجربتوش مع امتداد ال ts
ممكن تجربه

بخصوص تشغيل أكتر من قناه استخدم الدريم
فى مجلد البلج هتجد مجلدات باسم pip00 و pip01

انسخ ملف البلج بتاع السرفر وحطه فى مجلد ال pip01 وكرر مع كل مجلد حسب عدد القنوات اللى عايز تفتحها

لو منفعش ممكن تستعين بسرفر اخر مجانى للتجربه لان انا مجربها بسرفر مجانى

جربت تقريبا 9 اصدارات مختلفة منهم الاصدار دة وهو الوحيد اللى بيطلعلى رسالة خطأ بعد التسطيب وغير مرتبطة بنوع الكارت خطأ أخر
كارتى tevii s660 + ازورى ويف 410

الكودكيين دول مسطبهم

انا شغال بفورمات فاكتورى بس قريت على النت ان ال ts مش بتتحول لان دة ميعتبرش امتداد

وهجرب الاصدار اللى بعتهولى مرة أخرى مع انى حملتة تقريبا 4 مرات مختلفة وكلهم نفس الخطأ مع الاصدار دة فقط
وهجرب الطريقة اللى قلتلى عليه
جزاك الله كل خير على مساعدتك ليا

دى صورة المشكلة اللى بتطلعلى حملت الاصدار دة كتير لان قريت فى أكتر من مكان ان هو الوحيد اللى مفيهوش المشكلة

http://im26.gulfup.com/I4GE1.jpg

بعد ما بيتعرف عالكارت بيطلع المشكلة دى

http://im26.gulfup.com/DtKd2.jpg

ودى بشكل مصغر

http://im26.gulfup.com/YyIk3.jpg

محتاج حل ضرورى يا شباب
أو لو فيه برنامج أخر أفضل يكون تمام لانى جربت البروج وتقيل جدا والدريم ممتاز بس مشكلة التسجيل عاملالى مشاكل

جزاك الله خير أخى الحمادوى
طريقة فتح أكثر من قناة اشتغلت تمام
حاليا اما بفتح شاشة صغيرة واضغط فى النص بتختفى لو عايز افتحهم جنب بعض منيين ؟
بالتوفيق ليك وجزاك الله كل خير
وأتمنى اى فرد عنده حل للمشكلة فوق ما يترددش يحطها يا شباب محتاجها ضرورى بالتوفيق

وجدت طريقة كليك يميين على الشاشة الصغيرة واختيار دائما فى المقدمة هل يوجد طرق أخرى ؟

البرنامج الاصدار 1.4 اشتغل على الجهاز القديم اللى عليه كارتة ازورى ويف 410 مش لاقط إشارة ولكن القنوات والتسجيل شغالين تمام ! الحمد لله

الجهاز اللى برة امكانيات أعلى ونفس الويندوز ونازليين مع بعض من يوميين تقريبا وهو اللى فيه المشكلة اللى فى الصورة فوق أى أفكار ؟

طريقة كليك يميين على الشاشة الصغيرة واختيار دائما فى المقدمة
هى الطريقة الوحيدة المتاحة

بخصوص المشكلة اللى من البرنامج
ادخل مجلد الدريم هتجد مجلد اسمه Devices
انسخ الملفات اللى فيه من نسخة البرنامج اللى كان شغال معاك الى النسخة الاخرى
هو احنا عايزين منه ملف ال bda فقط
لكن مفيش مانع من نسخ الكل

جزاك الله كل خير هو فعلا اما نقلت الملف اشتغل البرنامج لكن للأسف مشغلش الكارتة عليه بتظهرلى الرسالة دى
http://im23.gulfup.com/1Law1.jpg

جربت تنزيل تعريف الكارت تانى
وشيلت البرنامج وسطبته تانى
ونزلت الاصدار الجديد 2.2 مفيهوش tevii.dll
لو عندك فكرة عن المشكلة منتظرك ان شاء الله
وجزاك الله كل خير

تمام لقيت الملف فى الفولدر الاساسى فى البرنامج وحطيته ظهرلى مشكلة تانية
http://im17.gulfup.com/Wk9j1.jpg

ودخلت البرنامج غيرت نوع الكارت أكتر من مرة وبعدين رجعت لنفس الإختيار تانى اشتغل الحمد لله
لكن ظهرت مشكلة تانية انه فيه تهنيج فى البرنامج وبقى تقيل زى البروج
وكمان مش داعم لكودك CyberLink

التهنيج بسبب ان التعريف مش مناسب
جرب الملف اللى فى المرفقات
لو منفعش
ادخل المجلد الرئيسى وانسخ ملف القنوات اللى هو chlist.chl

واحتفظ به فى مكان اخر علشان متعملش بحث كل مرة تسطب البرنامج توفيرا للوقت

واحذف الدريم وتأكد ان مفيش بواقى ملفات على السى وسطبه من جديد
وياريت نجرب نسخة اقدم وليكن مثلا زى ال1.7

ملف البلوجن وملف القنوات شايل منهم نسخة دايما بنزلها للجديد عشان الوقت فعلا
وجربت نسخ كتير جدا تقريبا 9 نسخ
وكل مرة أشيل البرنامج من جذورة وانزل النسخ بتشتغل كويس التسجيل لا
هجرب الملف اللى بعته ان شاء الله واقلك على النتيجة
جزاك الله كل خير

بالنسبة للكودك الاصدار القديم مش بيدعمه تقريبا هل فيه اى فرد الاصدار 1.4 شغال عنده بكودك CyberLink

دلوقتى نزلت الملف وحطيتة فى الفولدر الاساسى
وفى Devices
وكمان شيلت ملف bda.dev وغيرت اسم الملف الجديد وحطيتة
مش شغال
هل الاسم مظبوط وهل فيه مكان تانى احطه فيه ؟
لان نفس الرسالة بتطلع

الحمد لله اشتغل
bda.dev مش فاكر كان فى الفولدر الرئيسى ولا فى Devices
المهم انه حاليا لقيته فى Devices
اللى حصل
1- بعد تطبيق اللى فات اخدت نسخة من Devices و tevii.dll من الاصدار الجديد حطيته فى القديم
2- وسطبت الإصدار الجديد 2.2 مع الإصدار القديم لقيت القديم اشتغل الحمد لله
اللى عنده المشكلة يجرب
وربنا يوفق كل الشباب اللى حاولوا يساعدونى وجزاكم الله كل خير
وأخص الشكر الشديد للأخ الحمادوى جزاك الله كل خير وربنا يوفقك